قورئانا پیرۆز › سورەتا هود › ئایەتا ٦٧
سورەتا هود · ئایەتا ٦٧ ب تەفسیرا کوردی
Hud
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَعَقَرُوهَا فَقَالَ تَمَتَّعُواْ فِي دَارِكُمۡ ثَلَٰثَةَ أَيَّامٖۖ ذَٰلِكَ وَعۡدٌ غَيۡرُ مَكۡذُوبٖ ﴿٦٥﴾
ئينا وان ئه‌و دره‌وين ده‌رێخست وحێشتر ڤه‌كوشت، ڤێجا صالحى گۆته وان: سێ ڕۆژان هوين ل وارێ خۆ خۆشییێ ببه‌ن، پشتى وان هه‌ر سێ ڕۆژان مسۆگه‌ر عه‌زاب دێ ب سه‌ر هه‌وه دا ئێت، وئه‌ڤه سۆزه‌كه ژ خودێ دره‌و تێدا نينه، وئه‌و هه‌ر دێ ئێت.
فَلَمَّا جَآءَ أَمۡرُنَا نَجَّيۡنَا صَٰلِحٗا وَٱلَّذِينَ ءَامَنُواْ مَعَهُۥ بِرَحۡمَةٖ مِّنَّا وَمِنۡ خِزۡيِ يَوۡمِئِذٍۚ إِنَّ رَبَّكَ هُوَ ٱلۡقَوِيُّ ٱلۡعَزِيزُ ﴿٦٦﴾
ڤێجا ده‌مێ فه‌رمانا مه ب تێبرنا ثه‌موودییان هاتى مه ژ دلۆڤانییا خۆ صالح وئه‌وێن د گه‌ل دا باوه‌رى ئيناى ڕزگاركرن، ومه ئه‌و ژ ڕه‌زيلی وشه‌رمزارییا وێ ڕۆژێ ڕزگاركرن. هندى خودايێ ته‌يه- ئه‌ى پێغه‌مبه‌ر- ئه‌وه خودان هێزێ زال، و ژ زالبوون وهێزدارییا وى بوو وى ملله‌تێن سه‌رداچووى تێبرن، وپێغه‌مبه‌ر ودويكه‌فتییێن وان ڕزگاركرن.
وَأَخَذَ ٱلَّذِينَ ظَلَمُواْ ٱلصَّيۡحَةُ فَأَصۡبَحُواْ فِي دِيَٰرِهِمۡ جَٰثِمِينَ ﴿٦٧﴾
وده‌نگه‌كێ ب هێز وبلند ثه‌موودییێن زۆردار گرتن، ڤێجا ئه‌و ل وارێ خۆ بوونه هنده‌ك كه‌له‌خێن مرار وكه‌فتنه سه‌ر ده‌ڤى، ونه‌لڤ بوون.
كَأَن لَّمۡ يَغۡنَوۡاْ فِيهَآۗ أَلَآ إِنَّ ثَمُودَاْ كَفَرُواْ رَبَّهُمۡۗ أَلَا بُعۡدٗا لِّثَمُودَ ﴿٦٨﴾
هه‌ر وه‌كى ئه‌و -ژ له‌زێن نه‌مانا وان دا- ده‌مه‌كى ل وى جهى نه‌ماين. نێ هندى ثه‌موودى بوون وان باوه‌رى ب خودايێ خۆ نه‌ئينا بوو. نێ تێچوون ودويركه‌فتنا ژ دلۆڤانییا خودێ بۆ ثه‌موودییان بت، ڤێجا ئه‌و چه‌ند دڕه‌زيل ودل نه‌خۆشن!!
وَلَقَدۡ جَآءَتۡ رُسُلُنَآ إِبۡرَٰهِيمَ بِٱلۡبُشۡرَىٰ قَالُواْ سَلَٰمٗاۖ قَالَ سَلَٰمٞۖ فَمَا لَبِثَ أَن جَآءَ بِعِجۡلٍ حَنِيذٖ ﴿٦٩﴾
و ب ڕاستى ملیاكه‌ت هاتبوونه نك ئيبراهيمى دا مزگينییێ ب بوونا ئيسحاق ويه‌عقووبى د دويڤ دا بده‌نه وى وژنكا وى، ئينا وان گۆت: سلاڤ ل ته بن، وى د به‌رسڤا وان دا گۆت: سلاڤ ل هه‌وه بن، وئه‌و ب له‌ز چوو وگۆلكه‌كا قه‌له‌و وسۆركرى بۆ وان ئينا دا ئه‌و ژێ بخۆن.