قورئانا پیرۆز › سورەتا هود › ئایەتا ٧٦
سورەتا هود · ئایەتا ٧٦ ب تەفسیرا کوردی
Hud
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَلَمَّا ذَهَبَ عَنۡ إِبۡرَٰهِيمَ ٱلرَّوۡعُ وَجَآءَتۡهُ ٱلۡبُشۡرَىٰ يُجَٰدِلُنَا فِي قَوۡمِ لُوطٍ ﴿٧٤﴾
ڤێجا ده‌مێ ترس ژ ئيبراهيمى چووى ژ به‌ر نه‌خوارنا مێهڤانێن وى بۆ خوارنێ، ومزگينى ب ئيسحاق ويه‌عقووبى بۆ وى هاتییه‌دان، ئه‌و ما دان وستاندن د ده‌رحه‌قا تێبرنا ملله‌تێ لووطى دا د گه‌ل هنارتییێن مه كر.
إِنَّ إِبۡرَٰهِيمَ لَحَلِيمٌ أَوَّـٰهٞ مُّنِيبٞ ﴿٧٥﴾
هندى ئيبراهيمه گه‌له‌ك يێ ئارامه حه‌ز ژ هندێ ناكه‌ت له‌ز د عه‌زابدانێ دا بێته‌كرن، ئه‌و گه‌له‌ك خۆ بۆ خودێ دشكێنت وهه‌وار دكه‌تێ، وئه‌و د هه‌مى كارێن خۆ دا ل خودێ دزڤڕت.
يَـٰٓإِبۡرَٰهِيمُ أَعۡرِضۡ عَنۡ هَٰذَآۖ إِنَّهُۥ قَدۡ جَآءَ أَمۡرُ رَبِّكَۖ وَإِنَّهُمۡ ءَاتِيهِمۡ عَذَابٌ غَيۡرُ مَرۡدُودٖ ﴿٧٦﴾
هنارتییێن خودێ گۆت: ئه‌ى ئيبراهيم، تو ده‌ڤ ژ ڤێ هه‌ڤڕكییێ به‌رده، وداخوازا دلۆڤانییێ بۆ ملله‌تێ لووطى نه‌كه؛ چونكى وان يا خۆ هێژاى عه‌زابێ كرى، وفه‌رمانا خودايێ ته هاتییه كو وان تێ ببه‌ت، وهندى ئه‌ون عه‌زابه‌كا نه‌ئێته زڤڕاندن ژ خودايێ وان دێ گه‌هته وان.
وَلَمَّا جَآءَتۡ رُسُلُنَا لُوطٗا سِيٓءَ بِهِمۡ وَضَاقَ بِهِمۡ ذَرۡعٗا وَقَالَ هَٰذَا يَوۡمٌ عَصِيبٞ ﴿٧٧﴾
وده‌مێ هنارتییێن مه هاتينه نك لووطى هاتنا وان بۆ وى يا خۆش نه‌بوو وئه‌و ژێ ته‌نگاڤ بوو؛ چونكى وى نه‌دزانى كو ئه‌و هنارتییێن خودێنه، ڤێجا ئه‌و ژ به‌ر ملله‌تێ خۆ ژ وان ترسا، وگۆت: ئه‌ڤه ڕۆژه‌كا دژوار ونه‌خۆشه.
وَجَآءَهُۥ قَوۡمُهُۥ يُهۡرَعُونَ إِلَيۡهِ وَمِن قَبۡلُ كَانُواْ يَعۡمَلُونَ ٱلسَّيِّـَٔاتِۚ قَالَ يَٰقَوۡمِ هَـٰٓؤُلَآءِ بَنَاتِي هُنَّ أَطۡهَرُ لَكُمۡۖ فَٱتَّقُواْ ٱللَّهَ وَلَا تُخۡزُونِ فِي ضَيۡفِيٓۖ أَلَيۡسَ مِنكُمۡ رَجُلٞ رَّشِيدٞ ﴿٧٨﴾
وملله‌تێ لووطى ب غار هاتنه نك وى بۆ داخوازییا كرنا خرابییێ، وبه‌رى هنگى وان خرابى د گه‌ل زه‌لامان دكر وژن دهێلان، ئينا لووطى گۆته ملله‌تێ خۆ: ئه‌ڤه كچێن منن وان ماره بكه‌ن ئه‌و بۆ هه‌وه پاقژتره ژ وێ يا هوين دخوازن -ووى گۆت: كچێن من؛ چونكى هه‌ر پێغه‌مبه‌ره‌ك بۆ ئوممه‌تا خۆ وه‌كى بابێيه بۆ عه‌يالی- ڤێجا هوين ژ خودێ بترسن وخۆ ژ عه‌زابا وى بپارێزن، وهوين شه‌رما من نه‌به‌ن وته‌عدايییێ ل مێهڤانێن من نه‌كه‌ن، ئه‌رێ ما زه‌لامه‌كێ سه‌رڕاست د ناڤ هه‌وه دا نينه، به‌رێ هه‌وه ژ كرنا خرابییێ بده‌ته پاش؟ وره‌زیلكرنا مێڤانى كاره‌كه بێ عه‌قل ب تنێ دكه‌ن.