قورئانا پیرۆز › سورەتا هود › ئایەتا ٨٦
سورەتا هود · ئایەتا ٨٦ ب تەفسیرا کوردی
Hud
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞وَإِلَىٰ مَدۡيَنَ أَخَاهُمۡ شُعَيۡبٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ وَلَا تَنقُصُواْ ٱلۡمِكۡيَالَ وَٱلۡمِيزَانَۖ إِنِّيٓ أَرَىٰكُم بِخَيۡرٖ وَإِنِّيٓ أَخَافُ عَلَيۡكُمۡ عَذَابَ يَوۡمٖ مُّحِيطٖ ﴿٨٤﴾
ومه بۆ خه‌لكێ (مه‌ديه‌نێ) برايێ وان شوعه‌يب هنارت، وى گۆت: ئه‌ى ملله‌تێ من په‌رستنا خودێ ب تنێ بكه‌ن، هه‌وه ژ وى پێڤه‌تر چو خودا يێن هێژاى په‌رستنێ نينن، وهوين مافێ مرۆڤان د پيڤان وكێشانێ دا كێم نه‌كه‌ن، هندى ئه‌زم ئه‌ز دبينم هوين د ژينه‌كا به‌رفه‌ره‌هـ وده‌وله‌مه‌ند دا دژين، وهندى ئه‌زم ژ به‌ر كێمكرنا هه‌وه بۆ كێشان وپيڤانان ئه‌ز دترسم عه‌زابا ڕۆژه‌كا وه‌سا ب سه‌ر هه‌وه دا بێت كو دۆرێ ل هه‌وه بگرت.
وَيَٰقَوۡمِ أَوۡفُواْ ٱلۡمِكۡيَالَ وَٱلۡمِيزَانَ بِٱلۡقِسۡطِۖ وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تَعۡثَوۡاْ فِي ٱلۡأَرۡضِ مُفۡسِدِينَ ﴿٨٥﴾
وئه‌ى ملله‌تێ من هوين ب دادییێ پيڤان وكێشانێ پێك بينن، ومافێن مرۆڤان د هه‌مى تشتێن وان دا كێم نه‌كه‌ن، وهوين د عه‌ردى دا نه‌گه‌ڕن بێ ئه‌مرییا خودێ بكه‌ن وخرابكارییێ به‌لاڤ كه‌ن.
بَقِيَّتُ ٱللَّهِ خَيۡرٞ لَّكُمۡ إِن كُنتُم مُّؤۡمِنِينَۚ وَمَآ أَنَا۠ عَلَيۡكُم بِحَفِيظٖ ﴿٨٦﴾
ئه‌و مفايێ حه‌لال يێ بۆ هه‌وه دمينت پشتى هوين كێشان وپيڤانێ ب دورستى پێك بينن، بۆ هه‌وه چێتره ژ وى مالێ حه‌رام يێ هوين ب حيله ب ده‌ست خۆ ڤه دئينن، ئه‌گه‌ر ب دورستى هه‌وه باوه‌رى ب خودێ هه‌بت، هوين پێگيرییێ ب فه‌رمانا وى بكه‌ن، وئه‌ز ل سه‌ر هه‌وه زێره‌ڤان نينم كارێ هه‌وه بهژمێرم.
قَالُواْ يَٰشُعَيۡبُ أَصَلَوٰتُكَ تَأۡمُرُكَ أَن نَّتۡرُكَ مَا يَعۡبُدُ ءَابَآؤُنَآ أَوۡ أَن نَّفۡعَلَ فِيٓ أَمۡوَٰلِنَا مَا نَشَـٰٓؤُاْۖ إِنَّكَ لَأَنتَ ٱلۡحَلِيمُ ٱلرَّشِيدُ ﴿٨٧﴾
وان گۆت: ئه‌ى شوعه‌يب ئه‌رێ ئه‌و نڤێژا تو دكه‌ى فه‌رمانێ ل ته دكه‌ت كو ئه‌م په‌رستنا وان صه‌نه‌مان بهێلين يێن بابێن مه په‌رستن بۆ دكر، يان ئه‌م وان فه‌ند وفێلان بهێلین یێن مه دڤێت ئه‌م د مالێ خۆ دا بكه‌ين؟ ووان -ب تڕانه‌پێكرن ڤه- گۆته وى: ب ڕاستى هندى تويى تو مرۆڤه‌كێ ئارام وسه‌رڕاستى.
قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٖ مِّن رَّبِّي وَرَزَقَنِي مِنۡهُ رِزۡقًا حَسَنٗاۚ وَمَآ أُرِيدُ أَنۡ أُخَالِفَكُمۡ إِلَىٰ مَآ أَنۡهَىٰكُمۡ عَنۡهُۚ إِنۡ أُرِيدُ إِلَّا ٱلۡإِصۡلَٰحَ مَا ٱسۡتَطَعۡتُۚ وَمَا تَوۡفِيقِيٓ إِلَّا بِٱللَّهِۚ عَلَيۡهِ تَوَكَّلۡتُ وَإِلَيۡهِ أُنِيبُ ﴿٨٨﴾
شوعه‌يبى گۆت: ئه‌ى ملله‌تێ من هوين چ دبێژن ئه‌گه‌ر ئه‌ز ل سه‌ر ڕێكه‌كا ئاشكه‌رابم ژ خودايێ خۆ -د وى تشتى دا يێ ئه‌ز به‌رێ هه‌وه دده‌مێ كو هوين په‌رستنێ بۆ خودێ ب تنێ بكه‌ن، وحيلێ د مالی دا نه‌كه‌ن- ووى ژ نك خۆ ڕزقه‌كێ به‌رفره‌هـ وحه‌لال وباش دابته من؟ ومن نه‌ڤێت ئه‌ز هه‌وه ژ تشته‌كى بده‌مه پاش، پاشى ئه‌ز ب خۆ د پشت هه‌وه ڕا بچم وى تشتى بكه‌م، وهه‌ما من ب ڤى كارێ خۆ ژ چاككرنێ پێڤه‌تر چو ددى نه‌ڤێت، وهه‌ما ڕێككه‌فتنا من -د گه‌ل ڕاستییێ وچاككرنا هه‌وه- ب خودێ ب تنێیه، من خۆ ب هيڤییا خودێ ب تنێ ڤه هێلايه وئه‌ز ب تۆبه‌كرنێ ل وى دزڤڕم.