قورئانا پیرۆز › سورەتا هود › ئایەتا ٩٩
سورەتا هود · ئایەتا ٩٩ ب تەفسیرا کوردی
Hud
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِلَىٰ فِرۡعَوۡنَ وَمَلَإِيْهِۦ فَٱتَّبَعُوٓاْ أَمۡرَ فِرۡعَوۡنَۖ وَمَآ أَمۡرُ فِرۡعَوۡنَ بِرَشِيدٖ ﴿٩٧﴾
مه مووسا بۆ فيرعه‌ونى ومه‌زنێن ملله‌تێ وى هنارت، ئينا فيرعه‌ون كافربوو وفه‌رمان ل ملله‌تێ خۆ كر كو دويكه‌فتنا وى بكه‌ن، ووان گوهدارییا وى كر، و ب گۆتنا مووساى نه‌كر، وچو هيدايه‌ت وسه‌رڕاستى د كارێ فيرعه‌ونى دا نه‌بوو، به‌لكى نه‌زانين وبه‌رزه‌بوون وكوفر وسه‌رڕه‌قى تێدا هه‌بوو.
يَقۡدُمُ قَوۡمَهُۥ يَوۡمَ ٱلۡقِيَٰمَةِ فَأَوۡرَدَهُمُ ٱلنَّارَۖ وَبِئۡسَ ٱلۡوِرۡدُ ٱلۡمَوۡرُودُ ﴿٩٨﴾
ل ڕۆژا قيامه‌تێ فيرعه‌ون ب به‌را ملله‌تێ خۆ دكه‌ڤت حه‌تا وان دبه‌ته ئاگرى، وپيسه جهه یێ ئه‌و دچنێ.
وَأُتۡبِعُواْ فِي هَٰذِهِۦ لَعۡنَةٗ وَيَوۡمَ ٱلۡقِيَٰمَةِۚ بِئۡسَ ٱلرِّفۡدُ ٱلۡمَرۡفُودُ ﴿٩٩﴾
و د گه‌ل وێ عه‌زابا خودێ د دنيايێ دا دايه وان كو وى ئه‌و د ده‌ريايێ دا خه‌ندقاندين وى له‌عنه‌ت ژى ب دويڤ وان دا هنارت، و ل ڕۆژا قيامه‌تێ ژى وى ب برنا وان بۆ ئاگرى له‌عنه‌ته‌كا دى ب دويڤ وان دا هنارت، و چ پيسه عه‌زاب وله‌عنه‌ته ل دنيايێ وئاخره‌تێ ل سه‌ر وان كۆمبووى.
ذَٰلِكَ مِنۡ أَنۢبَآءِ ٱلۡقُرَىٰ نَقُصُّهُۥ عَلَيۡكَۖ مِنۡهَا قَآئِمٞ وَحَصِيدٞ ﴿١٠٠﴾
ئه‌وا هه يا كو مه بۆ ته گۆتى -ئه‌ى پێغه‌مبه‌ر- ژ ده‌نگ وباسێن وان گوندانه يێن مه خه‌لكێ وان تێبرين ئه‌م بۆ ته دبێژين، و ژ وان گوندان هنده‌ك هه‌نه هێشتا شوينوارێن وان دبه‌رچاڤن، و ژ وان هه‌نه يێن شوينوارێن وان ژى نه‌ماين.
وَمَا ظَلَمۡنَٰهُمۡ وَلَٰكِن ظَلَمُوٓاْ أَنفُسَهُمۡۖ فَمَآ أَغۡنَتۡ عَنۡهُمۡ ءَالِهَتُهُمُ ٱلَّتِي يَدۡعُونَ مِن دُونِ ٱللَّهِ مِن شَيۡءٖ لَّمَّا جَآءَ أَمۡرُ رَبِّكَۖ وَمَا زَادُوهُمۡ غَيۡرَ تَتۡبِيبٖ ﴿١٠١﴾
وتێبرنا وان تشته‌كێ نه‌حه‌ق نه‌بوو، به‌لكى وان ب شركێ وخرابكارییا د عه‌ردى دا زۆردارى ل خۆ كربوو، وئه‌و خوداوه‌ندێن وان ژبلی خودێ دوعا ژێ دكرن ودخواست كو خرابییێ ژ وان دوير بكه‌ن چو مفا نه‌گه‌هانده وان ده‌مێ فه‌رمانا خودايێ ته ب عه‌زابدانا وان هاتى، وخوداوه‌ندێن وان ژبلی تێچوون وزيانێ تشته‌ك ل وان زێده نه‌كر.