قورئانا پیرۆز › سورەتا إبراهيم › ئایەتا ٢
سورەتا إبراهيم · ئایەتا ٢ ب تەفسیرا کوردی
Ibrahim
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
الٓرۚ كِتَٰبٌ أَنزَلۡنَٰهُ إِلَيۡكَ لِتُخۡرِجَ ٱلنَّاسَ مِنَ ٱلظُّلُمَٰتِ إِلَى ٱلنُّورِ بِإِذۡنِ رَبِّهِمۡ إِلَىٰ صِرَٰطِ ٱلۡعَزِيزِ ٱلۡحَمِيدِ ﴿١﴾
(الر) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه. ئه‌ڤ قورئانه كيتابه‌كه مه بۆ ته -ئه‌ى پێغه‌مبه‌ر- ب وه‌حى هنارتییه؛ دا تو -ب ئانه‌هییا خودێ- به‌رێ مرۆڤان پێ ژ به‌رزه‌بوون وسه‌رداچوونێ بده‌يه هيدايه‌ت وڕۆناهییێ كو ئيسلامه، ڕێكا خودايێ هه‌رده‌م ب سه‌رڤه‌هاتى يێ د هه‌مى حالان دا مه‌دحێن وى دئێنه‌كرن.
ٱللَّهِ ٱلَّذِي لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَوَيۡلٞ لِّلۡكَٰفِرِينَ مِنۡ عَذَابٖ شَدِيدٍ ﴿٢﴾
خودێ يێ كو هه‌ر تشته‌كێ ل عه‌سمانان وهه‌ر تشته‌كێ ل عه‌ردى یێ وییه، وى ئه‌و ئافراندینه وئه‌و ملكێ وینه، ڤێجا ئه‌وه يێ دڤێت په‌رستن بۆ وى ب تنێ بێته‌كرن. و ل ڕۆژا قيامه‌تێ تێچوون وعه‌زابه‌كا دژوار دێ گه‌هته كافران.
ٱلَّذِينَ يَسۡتَحِبُّونَ ٱلۡحَيَوٰةَ ٱلدُّنۡيَا عَلَى ٱلۡأٓخِرَةِ وَيَصُدُّونَ عَن سَبِيلِ ٱللَّهِ وَيَبۡغُونَهَا عِوَجًاۚ أُوْلَـٰٓئِكَ فِي ضَلَٰلِۭ بَعِيدٖ ﴿٣﴾
وئه‌و كافرێن هه يێن ژينا دنيايێ يا به‌روه‌خت بۆ خۆ هلبژارتى، وئاخره‌تا به‌رده‌وام هێلاى، وناهێلن مرۆڤ دويكه‌فتنا دينێ خودێ بكه‌ن، ودخوازن ئه‌و دين ڕێكه‌كا خوار وڤيچ بت دا ل دويڤ دلێ وان بت، ئه‌وێن ب ڤان سالۆخه‌تان بن ئه‌و ژ حه‌قییێ دبه‌رزه‌نه به‌رزه‌بوونه‌كا دوير ژ هه‌مى ڕێكێن هيدايه‌تێ.
وَمَآ أَرۡسَلۡنَا مِن رَّسُولٍ إِلَّا بِلِسَانِ قَوۡمِهِۦ لِيُبَيِّنَ لَهُمۡۖ فَيُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَهُوَ ٱلۡعَزِيزُ ٱلۡحَكِيمُ ﴿٤﴾
وبه‌رى ته -ئه‌ى پێغه‌مبه‌ر- مه چو پێغه‌مبه‌ره‌ك نه‌هنارتییه ئه‌گه‌ر ب ئه‌زمانێ ملله‌تێ وى نه‌بت؛ دا ئه‌و شريعه‌تێ خودێ بۆ وان ئاشكه‌را بكه‌ت، ڤێجا يێ خودێ بڤێت ئه‌و وى ژ ڕێكا هيدايه‌تێ به‌رزه دكه‌ت، ويێ وى بڤێت ئه‌و به‌رێ وى دده‌ته حه‌قییێ، وئه‌و د ملكێ خۆ دا يێ زاله، ويێ كاربنه‌جهه، هه‌ر كاره‌كى ل دويڤ حكمه‌ته‌كێ ددانته جهێ وى.