قورئانا پیرۆز › سورەتا إبراهيم › ئایەتا ٤٤
سورەتا إبراهيم · ئایەتا ٤٤ ب تەفسیرا کوردی
Ibrahim
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَا تَحۡسَبَنَّ ٱللَّهَ غَٰفِلًا عَمَّا يَعۡمَلُ ٱلظَّـٰلِمُونَۚ إِنَّمَا يُؤَخِّرُهُمۡ لِيَوۡمٖ تَشۡخَصُ فِيهِ ٱلۡأَبۡصَٰرُ ﴿٤٢﴾
وتو -ئه‌ى پێغه‌مبه‌ر- قه‌ت هزر نه‌كه كو خودێ ژ وى كارێ زۆردار دكه‌ن يێ بێ ئاگه‌هه، ده‌مێ ئه‌و باوه‌رییێ ب ته و ب پێغه‌مبه‌رێن دى نه‌ئينن، ونه‌خۆشییێ دگه‌هيننه خودان باوه‌ران وهه‌ر گونه‌هه‌كا دى يا هه‌بت يا ئه‌و دكه‌ن، به‌لكى هه‌ما ئه‌و وان بۆ ڕۆژه‌كا دژوار پاش دهێلت، چاڤێن وان تێدا دميننه ڤه‌كرى ونائێنه‌گرتن؛ ژ به‌ر وێ ترسا ئه‌و دبينن. وئه‌ڤ چه‌نده صه‌برئينانه بۆ موحه‌ممه‌د پێغه‌مبه‌رى -سلاڤ لێ بن-.
مُهۡطِعِينَ مُقۡنِعِي رُءُوسِهِمۡ لَا يَرۡتَدُّ إِلَيۡهِمۡ طَرۡفُهُمۡۖ وَأَفۡـِٔدَتُهُمۡ هَوَآءٞ ﴿٤٣﴾
ڕۆژا زۆردار تێدا ب له‌ز ژ گۆڕێن خۆ ده‌ردكه‌ڤن؛ دا د به‌رسڤا گازيكه‌رى بچن، به‌رێ وان يێ سه‌رئه‌ڤرازه ژ ترسان دا ئه‌و تشته‌كى نابينن، ودلێن وان دڤالانه تشته‌ك تێدا نينه؛ ژ به‌ر وێ ترس وسه‌هما ئه‌و دبينن.
وَأَنذِرِ ٱلنَّاسَ يَوۡمَ يَأۡتِيهِمُ ٱلۡعَذَابُ فَيَقُولُ ٱلَّذِينَ ظَلَمُواْ رَبَّنَآ أَخِّرۡنَآ إِلَىٰٓ أَجَلٖ قَرِيبٖ نُّجِبۡ دَعۡوَتَكَ وَنَتَّبِعِ ٱلرُّسُلَۗ أَوَلَمۡ تَكُونُوٓاْ أَقۡسَمۡتُم مِّن قَبۡلُ مَا لَكُم مِّن زَوَالٖ ﴿٤٤﴾
وتو -ئه‌ى پێغه‌مبه‌ر- وان مرۆڤان يێن تو بۆ هاتییه هنارتن ژ عه‌زابا خودێ يا ل ڕۆژا قيامه‌تێ بترسينه، هنگى ئه‌وێن ب كوفرێ زۆردارى ل خۆ كرى دبێژن: خودايێ مه حه‌تا ده‌مه‌كێ نێزيك تو مه بهێله ئه‌م دێ باوه‌رییێ ب ته وپێغه‌مبه‌رێن ته ئينين. ڤێجا بۆ پاشڤه‌برن دێ بۆ وان ئێته گۆتن: ئه‌رێ ما هه‌وه د ژينا خۆ دا سويند نه‌خواربوو كو هوين ژ دنيايێ بۆ ئاخره‌تێ نائێنه ڤه‌گوهاستن، ڤێجا هه‌وه باوه‌رى ب ڤێ ڕابوونێ نه‌ئينابوو؟
وَسَكَنتُمۡ فِي مَسَٰكِنِ ٱلَّذِينَ ظَلَمُوٓاْ أَنفُسَهُمۡ وَتَبَيَّنَ لَكُمۡ كَيۡفَ فَعَلۡنَا بِهِمۡ وَضَرَبۡنَا لَكُمُ ٱلۡأَمۡثَالَ ﴿٤٥﴾
وهوين ل وارێ وان كافرێن به‌رێ زۆردارى ل خۆ كرى وه‌كى ملله‌تێ هوودى وصالحى ئاكنجى بووبوون، و ب ديتنێ وگوهـ لێبوونێ هه‌وه زانییه كانێ مه چ تێبرن ب سه‌رێ وان ئينابوو، ومه د قورئانێ دا مه‌ته‌ل بۆ هه‌وه ئينان، به‌لێ هه‌وه چو وج بۆ خۆ ژێ وه‌رنه‌گرتن؟
وَقَدۡ مَكَرُواْ مَكۡرَهُمۡ وَعِندَ ٱللَّهِ مَكۡرُهُمۡ وَإِن كَانَ مَكۡرُهُمۡ لِتَزُولَ مِنۡهُ ٱلۡجِبَالُ ﴿٤٦﴾
وبوتپه‌رێسان پيلان بۆ كوشتنا پێغه‌مبه‌رى -سلاڤ لێ بن- گێڕان دا وى بكوژن، وپيلانا وان ل نك خودێیه ووى دۆرا ل وان گرتى، وپيلانا وان ل وان زڤڕى ڤه، وپيلانا وان ئه‌و نه‌بوو يا چيا ژ به‌ر ژ جهـ بچن، به‌لكى پيلانه‌كا لاواز بوو، ووان چو زيان نه‌گه‌هانده خودێ، به‌لكى وان زيان گه‌هانده خۆ.