قورئانا پیرۆز › سورەتا نوح › ئایەتا ٢٣
سورەتا نوح · ئایەتا ٢٣ ب تەفسیرا کوردی
Nuh
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالَ نُوحٞ رَّبِّ إِنَّهُمۡ عَصَوۡنِي وَٱتَّبَعُواْ مَن لَّمۡ يَزِدۡهُ مَالُهُۥ وَوَلَدُهُۥٓ إِلَّا خَسَارٗا ﴿٢١﴾
نووحى گۆت: خودايێ من هندى ملله‌تێ منه گه‌له‌ك زێده بێ ئه‌مرییا من كر، ومرۆڤێن لاواز ژ وان دويكه‌فتنا سه‌رۆكێن سه‌رداچووى كر ئه‌وێن مالێ وان وزارۆكێن وان ژ سه‌رداچوونێ پێڤه‌تر ل وان زێده نه‌كرى.
وَمَكَرُواْ مَكۡرٗا كُبَّارٗا ﴿٢٢﴾
وسه‌رۆكێن سه‌رداچووى فێلبازییه‌كا مه‌زن ل دويكه‌فتییێن خۆ يێن لاواز كر.
وَقَالُواْ لَا تَذَرُنَّ ءَالِهَتَكُمۡ وَلَا تَذَرُنَّ وَدّٗا وَلَا سُوَاعٗا وَلَا يَغُوثَ وَيَعُوقَ وَنَسۡرٗا ﴿٢٣﴾
وگۆتنه وان: هوين په‌رستنا خوداوه‌ندێن خۆ نه‌هێلن، وهوين وه‌ددى وسواعى ويه‌غووثى ويه‌عووقى ونه‌سرى نه‌هێلن، وئه‌ڤه ناڤێن صه‌نه‌مێن وان بوون، وئه‌و ب خۆ ناڤێن هنده‌ك زه‌لامێن چاك بوون، ده‌مێ ئه‌و مرين شه‌يتانى ئێخسته سه‌ر دلێن ملله‌تێ وان كو ئه‌و هنده‌ك په‌يكه‌ران بۆ چێ كه‌ن؛ دا ده‌مێ ئه‌و وان دبينن بۆ كرنا عيباده‌تى زيره‌ك ببن -وه‌كى وان هزركرى-، ڤێجا ده‌مێ ئه‌و ده‌ستێ مرۆڤان چووى وسال درێژ بووين، وهنده‌ك مرۆڤێن دى ب دويڤ وان دا هاتين، شه‌يتانى ئێخسته قالبێ وان كو پێشییێن وان په‌رستنا په‌يكه‌ران دكر، وداخوازا ده‌سكاتییێ ژ وان دكر، و ژ به‌ر ڤێ چه‌ندێ په‌يكه‌رسازى وئاڤاكرنا گونبه‌تان ل سه‌ر قه‌بران هاته حه‌رامكرن؛ چونكى ب درێژییا سالان نه‌زان په‌رستنێ بۆ دكه‌ن.
وَقَدۡ أَضَلُّواْ كَثِيرٗاۖ وَلَا تَزِدِ ٱلظَّـٰلِمِينَ إِلَّا ضَلَٰلٗا ﴿٢٤﴾
و ب ڕاستى ڤان يێن دويكه‌فتنا وان هاتییه‌كرن گه‌له‌ك مرۆڤ به‌رزه‌كرن ب ڕێكا خه‌ملاندنا خرابییێ ل به‌ر وان، وتو -ئه‌ى خودايێ مه- ژ دويركه‌فتنا حه‌قییێ پێڤه‌تر چو ل ڤان يێن زۆردارى كرى زێده نه‌كه.
مِّمَّا خَطِيٓـَٰٔتِهِمۡ أُغۡرِقُواْ فَأُدۡخِلُواْ نَارٗا فَلَمۡ يَجِدُواْ لَهُم مِّن دُونِ ٱللَّهِ أَنصَارٗا ﴿٢٥﴾
ڤێجا ژ به‌ر گونه‌هێن وان ئه‌و ب تووفانێ هاتنه خه‌ندقاندن، وپشتى خندقينێ ئه‌و چوونه د ئاگره‌كێ مه‌زن دا، ڤێجا ژبلی خودێ وان كه‌سه‌ك نه‌ديت پشته‌ڤانییێ بۆ وان بكه‌ت.