surah071سورەتا نوح · ئایەتا ٢٧ ب تەفسیرا کوردی

مِّمَّا خَطِيٓـَٰٔتِهِمۡ أُغۡرِقُواْ فَأُدۡخِلُواْ نَارٗا فَلَمۡ يَجِدُواْ لَهُم مِّن دُونِ ٱللَّهِ أَنصَارٗا ﴿٢٥﴾

ڤێجا ژ به‌ر گونه‌هێن وان ئه‌و ب تووفانێ هاتنه‌ خه‌ندقاندن، وپشتى خندقينێ ئه‌و چوونه‌ د ئاگره‌كێ مه‌زن دا، ڤێجا ژبلی خودێ وان كه‌سه‌ك نه‌ديت پشته‌ڤانییێ بۆ وان بكه‌ت.

وَقَالَ نُوحٞ رَّبِّ لَا تَذَرۡ عَلَى ٱلۡأَرۡضِ مِنَ ٱلۡكَٰفِرِينَ دَيَّارًا ﴿٢٦﴾

وپشتى نووح ژ وان بێ هیڤى بووى گۆت: خودايێ من تو نه‌هێله‌ كافره‌ك ل سه‌ر عه‌ردى بمينت وب ڕێڤه‌ بچت.

إِنَّكَ إِن تَذَرۡهُمۡ يُضِلُّواْ عِبَادَكَ وَلَا يَلِدُوٓاْ إِلَّا فَاجِرٗا كَفَّارٗا ﴿٢٧﴾

هندى تويى ئه‌گه‌ر تو وان بهێلی ئه‌و دێ به‌نییێن ته‌ يێن باوه‌رى ب ته‌ ئيناى ژ حه‌قییێ د سه‌ر دا به‌ن، ومرۆڤه‌ك ژ وان نابت ئه‌گه‌ر يێ كافر وگونه‌هكار نه‌بت.

رَّبِّ ٱغۡفِرۡ لِي وَلِوَٰلِدَيَّ وَلِمَن دَخَلَ بَيۡتِيَ مُؤۡمِنٗا وَلِلۡمُؤۡمِنِينَ وَٱلۡمُؤۡمِنَٰتِۖ وَلَا تَزِدِ ٱلظَّـٰلِمِينَ إِلَّا تَبَارَۢا ﴿٢٨﴾

خودايێ من تو گونه‌هێن من ويێن ده‌یبابێن من وهه‌چییێ بێته‌ د مالا من ڤه‌ يێ خودان باوه‌ر بت، وبۆ مێرێن خودان باوه‌ر وژنێن خودان باوه‌ر ژێ ببه‌، وتو ژ تێبرن وزيانا ل دنيايێ وئاخره‌تێ پێڤه‌تر چويێ ل كافران زێده‌ نه‌كه‌.