قورئانا پیرۆز › سورەتا ق › ئایەتا ٢٦
سورەتا ق · ئایەتا ٢٦ ب تەفسیرا کوردی
Qaf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَلۡقِيَا فِي جَهَنَّمَ كُلَّ كَفَّارٍ عَنِيدٖ ﴿٢٤﴾
پشتى خودێ حوكمى د ناڤبه‌را خه‌لكى دا دكه‌ت دبێژته هه‌ر دو ملياكه‌تان يێ وى دهاژۆت ويێ شاهده‌يیێ ل سه‌ر دده‌ت: هه‌ر ئێكێ باوه‌رى ب ته‌وحيدا خودێ نه‌ئينابت وگه‌له‌ك گونه‌هـ كربن ودره‌و ب حه‌قییێ كربت ويێ ڕكۆ بت هوين وى بكه‌نه د جه‌هنه‌مێ دا.
مَّنَّاعٖ لِّلۡخَيۡرِ مُعۡتَدٖ مُّرِيبٍ ﴿٢٥﴾
ئه‌وێ حه‌قێ خه‌لكى ژ ناڤ مالێ خۆ نه‌ئينابته ده‌رێ، وته‌عدايى ل مرۆڤان كربت وپێ ل توخويبێن خودێ دانابت، و د سۆز وگه‌فا خودێ دا كه‌فتبته گومانێ.
ٱلَّذِي جَعَلَ مَعَ ٱللَّهِ إِلَٰهًا ءَاخَرَ فَأَلۡقِيَاهُ فِي ٱلۡعَذَابِ ٱلشَّدِيدِ ﴿٢٦﴾
ئه‌وێ شريك بۆ خودێ دانابن، وپه‌رستنا ئێكێ دى د گه‌ل وى كربت، ڤێجا هوين وى بهاڤێژنه د عه‌زابا جه‌هنه‌مێ يا دژوار دا.
۞قَالَ قَرِينُهُۥ رَبَّنَا مَآ أَطۡغَيۡتُهُۥ وَلَٰكِن كَانَ فِي ضَلَٰلِۭ بَعِيدٖ ﴿٢٧﴾
ئه‌وى شه‌يتانێ د گه‌ل وى گۆت: خودايێ مه من ئه‌و د سه‌ردا نه‌بربوو، نێ هه‌ما ئه‌و ب خۆ ل سه‌ر ڕێكه‌كا دوير ژ هيدايه‌تێ بوو.
قَالَ لَا تَخۡتَصِمُواْ لَدَيَّ وَقَدۡ قَدَّمۡتُ إِلَيۡكُم بِٱلۡوَعِيدِ ﴿٢٨﴾
خودێ گۆت: هوين ل نك من ب هه‌ڤڕكى نه‌چن، و ب ڕاستى د دنيايێ دا من گه‌ف ل وى كربوو يێ كوفرێ ب من بكه‌ت.