قورئانا پیرۆز › سورەتا سبأ › ئایەتا ٢
سورەتا سبأ · ئایەتا ٢ ب تەفسیرا کوردی
Saba
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱلۡحَمۡدُ لِلَّهِ ٱلَّذِي لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِ وَلَهُ ٱلۡحَمۡدُ فِي ٱلۡأٓخِرَةِۚ وَهُوَ ٱلۡحَكِيمُ ٱلۡخَبِيرُ ﴿١﴾
مه‌دح وسه‌نا بۆ خودێ بن ژ به‌ر سالۆخه‌تێن وى كو هه‌مى سالۆخه‌تێن تمامن، و ب قه‌نجییێن وى یێن ئاشكه‌را وڤه‌شارتى، یێن دینى ودنیایێ، ئه‌و خودایێ ملكێ هه‌ر تشته‌كێ ل عه‌سمانان وهه‌ر تشته‌كێ ل عه‌ردى يێ وییه، ومه‌دحا تمام ل ئاخره‌تێ بۆ وییه، وئه‌وه یێ د كارێ خۆ دا كاربنه‌جهـ، و د ڕێڤه‌برنا كارێ به‌نییێن خۆ دا يێ شاره‌زا.
يَعۡلَمُ مَا يَلِجُ فِي ٱلۡأَرۡضِ وَمَا يَخۡرُجُ مِنۡهَا وَمَا يَنزِلُ مِنَ ٱلسَّمَآءِ وَمَا يَعۡرُجُ فِيهَاۚ وَهُوَ ٱلرَّحِيمُ ٱلۡغَفُورُ ﴿٢﴾
ئه‌و دزانت كانێ چه‌ند چپكێن بارانێ دچنه د عه‌ردى ڕا، وكانێ چ ژێ ده‌ردكه‌ڤت ژ شينكاتى ومه‌عده‌نى وئاڤێ، وكانێ چ ژ عه‌سمانى دئێته خوارێ ژ ئاڤ وملياكه‌ت وكتێبان، وكانێ چ به‌ر ب عه‌سمانى ڤه بلند دبت ژ ملياكه‌ت وكريارێن خه‌لكى. وئه‌و ب به‌نییێن خۆ يێ دلۆڤانكاره له‌زێ د عه‌زابدانا وان دا ناكه‌ت ئه‌گه‌ر وان گونه‌هـ كرن، وبۆ گونه‌هێن وان تۆبه‌كه‌رێن خۆ دهێلنه ب هيڤییا وى ڤه يێ باش گونه‌هـ ژێبره.
وَقَالَ ٱلَّذِينَ كَفَرُواْ لَا تَأۡتِينَا ٱلسَّاعَةُۖ قُلۡ بَلَىٰ وَرَبِّي لَتَأۡتِيَنَّكُمۡ عَٰلِمِ ٱلۡغَيۡبِۖ لَا يَعۡزُبُ عَنۡهُ مِثۡقَالُ ذَرَّةٖ فِي ٱلسَّمَٰوَٰتِ وَلَا فِي ٱلۡأَرۡضِ وَلَآ أَصۡغَرُ مِن ذَٰلِكَ وَلَآ أَكۡبَرُ إِلَّا فِي كِتَٰبٖ مُّبِينٖ ﴿٣﴾
وئه‌و كافرێن باوه‌رییێ ب قيامه‌تێ نائينن دبێژن: قيامه‌ت ب سه‌ر مه دا نائێت، تو -ئه‌ى پێغه‌مبه‌ر- بێژه وان: به‌لێ سويند ب خودايێ من ئه‌و دێ ب سه‌ر هه‌وه دا ئێت، به‌لێ ژ خودێ پێڤه‌تر كه‌س نزانت كه‌نگى ئه‌و دێ ئێت، ئه‌وه زانايێ تشتێ نه‌به‌رچاڤ يێ كو چو تشت ل به‌ر وى به‌رزه نابت ئه‌گه‌ر خۆ هندى مێرییه‌كا بچويك ژى بت ل عه‌سمانان يان ل عه‌ردى، يان ژ وێ مه‌زنتر بت يان بچويكتر، ئه‌ڤه هه‌مى د كيتابه‌كا ئاشكه‌را دا، كو له‌وحێ پاراستییه، يا نڤيسییه.
لِّيَجۡزِيَ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِۚ أُوْلَـٰٓئِكَ لَهُم مَّغۡفِرَةٞ وَرِزۡقٞ كَرِيمٞ ﴿٤﴾
دا ئه‌و جزايێ وان بده‌تێ يێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، وچاكى كرين. ئه‌وان ژێبرنا گونه‌هان وڕزقه‌كێ ب قه‌در، كو به‌حه‌شته بۆ هه‌يه.