قورئانا پیرۆز › سورەتا سبأ › ئایەتا ٣٣
سورەتا سبأ · ئایەتا ٣٣ ب تەفسیرا کوردی
Saba
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالَ ٱلَّذِينَ كَفَرُواْ لَن نُّؤۡمِنَ بِهَٰذَا ٱلۡقُرۡءَانِ وَلَا بِٱلَّذِي بَيۡنَ يَدَيۡهِۗ وَلَوۡ تَرَىٰٓ إِذِ ٱلظَّـٰلِمُونَ مَوۡقُوفُونَ عِندَ رَبِّهِمۡ يَرۡجِعُ بَعۡضُهُمۡ إِلَىٰ بَعۡضٍ ٱلۡقَوۡلَ يَقُولُ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ لَوۡلَآ أَنتُمۡ لَكُنَّا مُؤۡمِنِينَ ﴿٣١﴾
وئه‌وێن كافر بووين گۆت: ئه‌م قه‌ت باوه‌رییێ ب ڤێ قورئانێ نائينين و ب وان كيتابان ژى يێن به‌رى وێ هاتين، ووان كوفر ب هه‌مى كيتابێن خودێ كر. وئه‌گه‌ر تو -ئه‌ى پێغه‌مبه‌ر- ببينى ده‌مێ زۆردار ل نك خودايێ خۆ دئێنه ڕاوه‌ستاندن، دان وستاندنێ د ناڤبه‌را خۆ دا دكه‌ن، هه‌ر ئێك گازندێ ژ يێ دى دكه‌ت، تو دێ تشته‌كێ كرێت بينى، ئه‌وێن هاتينه لاوازكرن دبێژنه وان يێن خۆ مه‌زن دكر -كو سه‌رۆكێن وانه-: ئه‌گه‌ر نه ژ به‌ر هندێ با كو هه‌وه به‌رێ مه ژ هيدايه‌تێ وه‌رگێڕابوو ئه‌م دا باوه‌رییێ ب خودێ وپێغه‌مبه‌رێ وى ئينين.
قَالَ ٱلَّذِينَ ٱسۡتَكۡبَرُواْ لِلَّذِينَ ٱسۡتُضۡعِفُوٓاْ أَنَحۡنُ صَدَدۡنَٰكُمۡ عَنِ ٱلۡهُدَىٰ بَعۡدَ إِذۡ جَآءَكُمۖ بَلۡ كُنتُم مُّجۡرِمِينَ ﴿٣٢﴾
سه‌رۆكان گۆته وان يێن هاتينه لاوازكرن: ئه‌رێ ما مه به‌رێ هه‌وه ژ هيدايه‌تێ دابوو پاش پشتى ئه‌و بۆ هه‌و هاتى؟ نه‌خێر، به‌لكى هه‌ما هوين دتاوانبار بوون ده‌مێ هوين ب دلێ خۆ هاتينه د كوفرێ دا.
وَقَالَ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ بَلۡ مَكۡرُ ٱلَّيۡلِ وَٱلنَّهَارِ إِذۡ تَأۡمُرُونَنَآ أَن نَّكۡفُرَ بِٱللَّهِ وَنَجۡعَلَ لَهُۥٓ أَندَادٗاۚ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۚ وَجَعَلۡنَا ٱلۡأَغۡلَٰلَ فِيٓ أَعۡنَاقِ ٱلَّذِينَ كَفَرُواْۖ هَلۡ يُجۡزَوۡنَ إِلَّا مَا كَانُواْ يَعۡمَلُونَ ﴿٣٣﴾
وئه‌وێن هاتينه لاوازكرن گۆته سه‌رۆكێن خۆ: نێ خرابخوازییا هه‌وه يا ب شه‌ڤ وڕۆژ بوو ئه‌م تێبرين، ده‌مێ هه‌وه ژ مه دخواست ئه‌م كوفرێ ب خودێ بكه‌ين، و د په‌رستنێ دا هنده‌ك شريكان بۆ وى بدانين، وهه‌ردو ده‌سته‌كان ده‌مێ ئه‌و عه‌زاب ديتى يا كو بۆ وان هاتییه ئاماده‌كرن كول وكه‌سه‌ر داكرن، ومه قه‌يد كرنه د ستويێن وان دا يێن كافر بووين، هه‌ما ژ به‌ر كوفرا وان ب خودێ وكرنا وان بۆ خرابییان د دنيايێ دا ئه‌ڤ عه‌زابه بۆ وان هه‌يه. وگه‌فه‌كا مه‌زن د ڤێ ئايه‌تێ دا هه‌يه بۆ وان يێن دويكه‌فتنا مه‌زن وداخوازكه‌رێن سه‌رداچوونێ دكه‌ن.
وَمَآ أَرۡسَلۡنَا فِي قَرۡيَةٖ مِّن نَّذِيرٍ إِلَّا قَالَ مُتۡرَفُوهَآ إِنَّا بِمَآ أُرۡسِلۡتُم بِهِۦ كَٰفِرُونَ ﴿٣٤﴾
ومه پێغه‌مبه‌ره‌ك د گونده‌كى دا نه‌هنارتییه به‌رێ وان بده‌ته ته‌وحيدا خودێ، وپه‌رستنا وى ب تنێ، ئه‌گه‌ر ئه‌وێن د خۆشییان دا نقۆبووين ژ خه‌لكێ وان گوندان نه‌گۆت بت: هندى ئه‌مێن ئه‌م ب وى تشتى يێ هوين -گه‌لی پێغه‌مبه‌ران- پێ هاتين دكافرين.
وَقَالُواْ نَحۡنُ أَكۡثَرُ أَمۡوَٰلٗا وَأَوۡلَٰدٗا وَمَا نَحۡنُ بِمُعَذَّبِينَ ﴿٣٥﴾
ووان گۆت: مال وعه‌يالێ مه ژ يێ هه‌وه پتره، وخودێ ئه‌ڤ قه‌نجییه يێن داينه مه چونكى ئه‌و ژ مه يێ ڕازییه، ونه ل دنيايێ ونه ل ئاخره‌تێ ئه‌م نائێينه عه‌زابدان.