قورئانا پیرۆز › سورەتا سبأ › ئایەتا ٩
سورەتا سبأ · ئایەتا ٩ ب تەفسیرا کوردی
Saba
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالَ ٱلَّذِينَ كَفَرُواْ هَلۡ نَدُلُّكُمۡ عَلَىٰ رَجُلٖ يُنَبِّئُكُمۡ إِذَا مُزِّقۡتُمۡ كُلَّ مُمَزَّقٍ إِنَّكُمۡ لَفِي خَلۡقٖ جَدِيدٍ ﴿٧﴾
وئه‌وێن كافر بووين هنده‌كان بۆ تڕانه‌پێكرن گۆته هنده‌كان: ئه‌رێ ئه‌م زه‌لامه‌كى نيشا هه‌وه بده‌ين (ومه‌خسه‌دا وان موحه‌ممه‌د پێغه‌مبه‌ره سلاڤ لێ بن) بێژته هه‌وه كو ئه‌گه‌ر هوين مرن وله‌شێن هه‌وه پرتپرت بوون، جاره‌كا دى هوين دێ زێندى بن و ژ گۆڕێن خۆ ڕابنه‌ڤه؟ وان ئه‌ڤ گۆتنه گۆت هندى هند وان باوه‌رى پێ نه‌بوو.
أَفۡتَرَىٰ عَلَى ٱللَّهِ كَذِبًا أَم بِهِۦ جِنَّةُۢۗ بَلِ ٱلَّذِينَ لَا يُؤۡمِنُونَ بِٱلۡأٓخِرَةِ فِي ٱلۡعَذَابِ وَٱلضَّلَٰلِ ٱلۡبَعِيدِ ﴿٨﴾
ئه‌ڤى زه‌لامى دره‌وه‌ك ژ كيسێ خودێ كرییه، يان ژى ديناتییه‌ك ل نك هه‌يه، ڤێجا ئه‌و وى تشتى دبێژت يێ ئه‌و چو ژێ نه‌زانت؟ مه‌سه‌له يا وه‌سا نينه وه‌كى كافر دبێژن، به‌لكى موحه‌ممه‌د ژ هه‌مییان ڕاستگۆتره. وئه‌وێن باوه‌رییێ ب ڕۆژا قيامه‌تێ نائينن وكارى بۆ ناكه‌ن ل ئاخره‌تێ دێ د عه‌زابه‌كا به‌رده‌وام دا بن، و ل دنيايێ دێ د به‌رزه‌بوونه‌كا دوير دا بن ژ ڕاستییێ.
أَفَلَمۡ يَرَوۡاْ إِلَىٰ مَا بَيۡنَ أَيۡدِيهِمۡ وَمَا خَلۡفَهُم مِّنَ ٱلسَّمَآءِ وَٱلۡأَرۡضِۚ إِن نَّشَأۡ نَخۡسِفۡ بِهِمُ ٱلۡأَرۡضَ أَوۡ نُسۡقِطۡ عَلَيۡهِمۡ كِسَفٗا مِّنَ ٱلسَّمَآءِۚ إِنَّ فِي ذَٰلِكَ لَأٓيَةٗ لِّكُلِّ عَبۡدٖ مُّنِيبٖ ﴿٩﴾
ئه‌رێ وما ڤان كافران شيانا خودێ يا مه‌زن د وى تشتى دا نه‌ديتییه يێ ل به‌ر ده‌ستێن وان و ل پشت وان ژ عه‌سمانى وعه‌ردى يێ كو عه‌قل ژ به‌ر حێبه‌تى دمينت؟ ئه‌گه‌ر ئه‌م حه‌ز بكه‌ين دێ عه‌درى ب وان ڤه به‌ينه خوارێ، يان ئه‌م دێ پارچه‌يێن عه‌زابێ ب سه‌ر وان دا به‌رده‌ين. هندى د ڤێ چه‌ندێ دايه نيشانه‌كا ئاشكه‌را ل سه‌ر شيانا مه هه‌يه بۆ هه‌ر به‌نییه‌كێ تۆبه بكه‌ت و ل خودايێ خۆ بزڤڕت، وباوه‌رییێ ب ته‌وحيدا وى بينت، وپه‌رستنێ بۆ وى ب تنێ بكه‌ت.
۞وَلَقَدۡ ءَاتَيۡنَا دَاوُۥدَ مِنَّا فَضۡلٗاۖ يَٰجِبَالُ أَوِّبِي مَعَهُۥ وَٱلطَّيۡرَۖ وَأَلَنَّا لَهُ ٱلۡحَدِيدَ ﴿١٠﴾
و ب ڕاستى مه پێغه‌مبه‌رينى وكيتاب وزانين دابوو داوودى، ومه گۆتبوو چيا وته‌يران: ته‌سبيحاتان د گه‌ل وى ڤه‌گێرن، ومه ئاسن بۆ وى نه‌رم كربوو، ڤێجا ئه‌و د ده‌ستى دا وه‌كى هه‌ڤيرى لێ هاتبوو وى چاوا دڤيا وه لێ دكر.
أَنِ ٱعۡمَلۡ سَٰبِغَٰتٖ وَقَدِّرۡ فِي ٱلسَّرۡدِۖ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ بَصِيرٞ ﴿١١﴾
كو تو -ئه‌ى داوود- كومزرییێن به‌رفره‌هـ وتمام چێ بكه، وخه‌له‌كێن وان موكم بێخه به‌رێك، ووه‌سا بچويك چێ نه‌كه كو ئه‌و كومزرى ب كێر به‌ڕه‌ڤانییێ نه‌ئێت، ووه‌سا مه‌زن ژى چێ نه‌كه كو خودان نه‌شێت بكه‌ته به‌ر خۆ، وتو وبنه‌مالا خۆ گوهدارییا خودێ بكه‌ن، هندى ئه‌زم ئه‌ز ب كارێ هوين دكه‌ن يێ بينه‌رم، تشته‌ك ژێ ل به‌ر من به‌رزه نابت.