قورئانا پیرۆز › سورەتا ص › ئایەتا ٣١
سورەتا ص · ئایەتا ٣١ ب تەفسیرا کوردی
Sad
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
كِتَٰبٌ أَنزَلۡنَٰهُ إِلَيۡكَ مُبَٰرَكٞ لِّيَدَّبَّرُوٓاْ ءَايَٰتِهِۦ وَلِيَتَذَكَّرَ أُوْلُواْ ٱلۡأَلۡبَٰبِ ﴿٢٩﴾
ئه‌ڤ وه‌حییا بۆ ته -ئه‌ى پێغه‌مبه‌ر- هاتى كيتابه‌كا پيرۆزه مه بۆ ته ئينايه خوارێ؛ دا ئه‌و هزرێن خۆ د ئايه‌تێن وێ دا بكه‌ن، ودا كارى ب هيدايه‌تا وێ بكه‌ن، ودا خودانێن عه‌قلێن دورست وێ ل بيرا خۆ بينن يا خودێ فه‌رمان پێ ل وان كرى.
وَوَهَبۡنَا لِدَاوُۥدَ سُلَيۡمَٰنَۚ نِعۡمَ ٱلۡعَبۡدُ إِنَّهُۥٓ أَوَّابٌ ﴿٣٠﴾
ومه سوله‌يمان دابوو داوودى، ومه ب وى قه‌نجى لێ كر، سوله‌يمان چ به‌نییه‌كێ باشه، هندى ئه‌وه وى گه‌له‌ك تۆبه دكر و ل خودێ دزڤڕى.
إِذۡ عُرِضَ عَلَيۡهِ بِٱلۡعَشِيِّ ٱلصَّـٰفِنَٰتُ ٱلۡجِيَادُ ﴿٣١﴾
تو به‌حس بكه ده‌مێ ل ئێڤارى هنده‌ك هه‌سپێن عه‌سلی وڕه‌هوان بۆ ڕێڤه‌چوونێ بۆ وى هاتينه به‌رچاڤكرن، ئه‌و هه‌سپ ژ به‌ر زيره‌كى وهێڤێنێ وان يێ باش ده‌مێ ڕادوه‌ستیان ل سه‌ر سێ ده‌ستان دمان وده‌سته‌كێ خۆ بلند دكر، ڤێجا حه‌تا ڕۆژ ئاڤابووى ئه‌و ب وان ڤه موژيل بوو.
فَقَالَ إِنِّيٓ أَحۡبَبۡتُ حُبَّ ٱلۡخَيۡرِ عَن ذِكۡرِ رَبِّي حَتَّىٰ تَوَارَتۡ بِٱلۡحِجَابِ ﴿٣٢﴾
ئينا وى گۆت: هندى ئه‌زم من ڤيانا مالی ب سه‌ر زكرێ خودايێ خۆ ئێخستییه، حه‌تا ئه‌و هه‌سپ ژ به‌ر چاڤێن وى چووين.
رُدُّوهَا عَلَيَّۖ فَطَفِقَ مَسۡحَۢا بِٱلسُّوقِ وَٱلۡأَعۡنَاقِ ﴿٣٣﴾
كانێ هوين وان هه‌سپێن به‌رى نوكه ل ڤێرێ بينن، ووى -بۆ خودێ- ده‌ست ب لێدانا پێ وستويێن وان ب شیرى كر؛ چونكى ئه‌و ئه‌گه‌را چوونا نڤێژا وى بوون، وڤه‌كوشتنا هه‌سپان بۆ قوربانان د شریعه‌تێ وى دا تشته‌كێ دورستبوو.