قورئانا پیرۆز › سورەتا ص › ئایەتا ٣٥
سورەتا ص · ئایەتا ٣٥ ب تەفسیرا کوردی
Sad
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
رُدُّوهَا عَلَيَّۖ فَطَفِقَ مَسۡحَۢا بِٱلسُّوقِ وَٱلۡأَعۡنَاقِ ﴿٣٣﴾
كانێ هوين وان هه‌سپێن به‌رى نوكه ل ڤێرێ بينن، ووى -بۆ خودێ- ده‌ست ب لێدانا پێ وستويێن وان ب شیرى كر؛ چونكى ئه‌و ئه‌گه‌را چوونا نڤێژا وى بوون، وڤه‌كوشتنا هه‌سپان بۆ قوربانان د شریعه‌تێ وى دا تشته‌كێ دورستبوو.
وَلَقَدۡ فَتَنَّا سُلَيۡمَٰنَ وَأَلۡقَيۡنَا عَلَىٰ كُرۡسِيِّهِۦ جَسَدٗا ثُمَّ أَنَابَ ﴿٣٤﴾
و ب ڕاستى مه سوله‌يمان جه‌ڕباند ومه پرته‌كا بچويكى هاڤێته سه‌ر ته‌ختێ وى، ئه‌و پرتا بچويكى مه دايێ ده‌مێ وى سويند خوارى كو ئه‌و دێ چته نك هه‌مى ژنكێن خۆ؛ دا هه‌ر ئێك ژ وان كوڕه‌ك ببت جيهادێ د ڕێكا خودێ دا بكه‌ت، ووى نه‌گۆت: ئه‌گه‌ر خودێ حه‌ز بكه‌ت، ئينا ژ ژنكه‌كا وى پێڤه‌تر چويان بچويك نه‌بوون، وئه‌وا بچويك بووى ژى بچويكێ وێ يێ دورست نه‌بوو پرته‌كا بچويكى بوو، پاشى سوله‌يمان ل خودايێ خۆ زڤڕى وتۆبه‌كر.
قَالَ رَبِّ ٱغۡفِرۡ لِي وَهَبۡ لِي مُلۡكٗا لَّا يَنۢبَغِي لِأَحَدٖ مِّنۢ بَعۡدِيٓۖ إِنَّكَ أَنتَ ٱلۡوَهَّابُ ﴿٣٥﴾
(35)سولەیمانی گۆت: خودايێ من تو گونه‌ها من بۆ من ژێ ببه، وتو ملكه‌كێ مه‌زن وتايبه‌ت ب من ڤه بده من، كو پشتى من ئه‌و بۆ چو مرۆڤان نه‌ئێته‌دان، هندى تويى تو گه‌له‌ك قه‌نجییێ دده‌ى.
فَسَخَّرۡنَا لَهُ ٱلرِّيحَ تَجۡرِي بِأَمۡرِهِۦ رُخَآءً حَيۡثُ أَصَابَ ﴿٣٦﴾
ئينا ئه‌م د به‌رسڤا وى هاتين، ومه با ئێخسته د بن ئه‌مرێ وى دا چى جهێ وى ڤيابا وى به‌رێ باى ددايێ.
وَٱلشَّيَٰطِينَ كُلَّ بَنَّآءٖ وَغَوَّاصٖ ﴿٣٧﴾
ومه شه‌يتان بن ده‌ستى وى كرن: ژ وان هه‌بوون يێن ئاڤاهییان چێ دكه‌ن، ويێن نقۆ دبنه بنێ ده‌ريايێ.