قورئانا پیرۆز › سورەتا ص › ئایەتا ٤٧
سورەتا ص · ئایەتا ٤٧ ب تەفسیرا کوردی
Sad
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱذۡكُرۡ عِبَٰدَنَآ إِبۡرَٰهِيمَ وَإِسۡحَٰقَ وَيَعۡقُوبَ أُوْلِي ٱلۡأَيۡدِي وَٱلۡأَبۡصَٰرِ ﴿٤٥﴾
وتو -ئه‌ى پێغه‌مبه‌ر- به‌حسێ به‌نییێن مه: ئيبراهيم وئيسحاق ويه‌عقووبى بكه؛ چونكى ئه‌و ل سه‌ر عيباده‌تێ خودێ دخودان هێز بوون، و د دينێ وى دا دشاره‌زا وخودان ديتن بوون.
إِنَّآ أَخۡلَصۡنَٰهُم بِخَالِصَةٖ ذِكۡرَى ٱلدَّارِ ﴿٤٦﴾
هندى ئه‌مين مه تايبه‌تمه‌ندییه‌كا مه‌زن دابوو وان، كو هه‌رده‌م بيرا ئاخره‌تێ ل سه‌ر دلێن وان بوو، ڤێجا وان ب عيباده‌تكرنێ بۆ مه كارێ وێ ڕۆژێ كر، وبه‌رێ خه‌لكى ژى دا وێ چه‌ندێ.
وَإِنَّهُمۡ عِندَنَا لَمِنَ ٱلۡمُصۡطَفَيۡنَ ٱلۡأَخۡيَارِ ﴿٤٧﴾
وهندى ئه‌ون ئه‌و ل نك مه ژ وانه يێن مه بۆ عيباده‌تێ خۆ هلبژارتين، وبۆ پێغه‌مبه‌رينییێ ژێگرتين.
وَٱذۡكُرۡ إِسۡمَٰعِيلَ وَٱلۡيَسَعَ وَذَا ٱلۡكِفۡلِۖ وَكُلّٞ مِّنَ ٱلۡأَخۡيَارِ ﴿٤٨﴾
وتو -ئه‌ى پێغه‌مبه‌ر- به‌حسێ به‌نییێن مه: ئيسماعيل، وئه‌ليه‌سه‌ع، وذوكفلی ب باشى بكه؛ چونكى ئه‌و هه‌مى ژ وان بوون يێن خودێ ژ ناڤبه‌را خه‌لكى هلبژارتين، وحال وسالۆخه‌تێن باشتر داينێ.
هَٰذَا ذِكۡرٞۚ وَإِنَّ لِلۡمُتَّقِينَ لَحُسۡنَ مَـَٔابٖ ﴿٤٩﴾
ئه‌ڤ قورئانه بيرئينان وبلندییه‌كه بۆ ته وملله‌تێ ته. وهندى ئه‌ون يێن ته‌قوایا خودێ كرى دويماهییه‌كا باش د به‌حه‌شتێ دا بۆ وان هه‌يه.