قورئانا پیرۆز › سورەتا طه › ئایەتا ١٣٢
سورەتا طه · ئایەتا ١٣٢ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَٱصۡبِرۡ عَلَىٰ مَا يَقُولُونَ وَسَبِّحۡ بِحَمۡدِ رَبِّكَ قَبۡلَ طُلُوعِ ٱلشَّمۡسِ وَقَبۡلَ غُرُوبِهَاۖ وَمِنۡ ءَانَآيِٕ ٱلَّيۡلِ فَسَبِّحۡ وَأَطۡرَافَ ٱلنَّهَارِ لَعَلَّكَ تَرۡضَىٰ ﴿١٣٠﴾
ڤێجا تو -ئه‌ى پێغه‌مبه‌ر- بێهنا خۆ فره‌هـ بكه ل سه‌ر وان سالۆخه‌ت ونه‌حه‌قییێن دره‌وپێكه‌ر د ده‌ر حه‌قا ته دا دبێژن، وتو د نڤێژا سپێدێ دا به‌رى هه‌لاتنا ڕۆژێ، و د نڤێژا ئێڤارى دا به‌رى ئاڤابوونا ڕۆژێ، و د نڤێژا عه‌يشا دا ل شه‌ڤێ، و د نڤێژا نيڤرۆ ومه‌غره‌ب دا ل ڕه‌خێن ڕۆژێ ب سوپاسییا خودايێ خۆ ته‌سبيحا وى بكه؛ دا ب وى ڕه‌نگێ تو ژێ ڕازى خێرا ڤان كرياران بۆ ته بێته‌دان.
وَلَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجٗا مِّنۡهُمۡ زَهۡرَةَ ٱلۡحَيَوٰةِ ٱلدُّنۡيَا لِنَفۡتِنَهُمۡ فِيهِۚ وَرِزۡقُ رَبِّكَ خَيۡرٞ وَأَبۡقَىٰ ﴿١٣١﴾
وتو به‌رێ خۆ نه‌ده وان تشتێن مه داينه ڤان بوتپه‌رێسان دا ئه‌و خۆشییێ پێ ببه‌ن، هندى ئه‌و تشتن هه‌ما ب تنێ ئه‌و خه‌مله‌كا به‌روه‌ختا ڤێ ژينا دنيايێنه، مه دانه وان؛ دا وان پێ بجه‌ڕبينين، وڕزقێ خودايێ ته وخێرا وى بۆ ته ژ وێ چێتر وبه‌رده‌وامتره يا مه دايه وان؛ چونكى ئه‌و يا بێ دويماهى وڤه‌بڕه.
وَأۡمُرۡ أَهۡلَكَ بِٱلصَّلَوٰةِ وَٱصۡطَبِرۡ عَلَيۡهَاۖ لَا نَسۡـَٔلُكَ رِزۡقٗاۖ نَّحۡنُ نَرۡزُقُكَۗ وَٱلۡعَٰقِبَةُ لِلتَّقۡوَىٰ ﴿١٣٢﴾
وتو -ئه‌ى پێغه‌مبه‌ر- فه‌رمانا ب نڤێژێ ل مرۆڤێن خۆ بكه، وبێهنا خۆ ل سه‌ر كرنا وێ فره‌هـ بكه، ئه‌م پسيارا چو مالی ژ ته ناكه‌ين، ئه‌مين ڕزقى دده‌ينه ته. ودويماهییا چاك د دنيايێ وئاخره‌تێ دا بۆ خه‌لكێ ته‌قوايێيه.
وَقَالُواْ لَوۡلَا يَأۡتِينَا بِـَٔايَةٖ مِّن رَّبِّهِۦٓۚ أَوَلَمۡ تَأۡتِهِم بَيِّنَةُ مَا فِي ٱلصُّحُفِ ٱلۡأُولَىٰ ﴿١٣٣﴾
وئه‌وێن تو دره‌وين ده‌رێخستى -ئه‌ى پێغه‌مبه‌ر- دبێژن: كانێ نيشانه‌كێ ژ خودايێ خۆ بۆ مه بينه ڕاستگۆيییا ته ديار بكه‌ت، ئه‌رێ ما ئه‌ڤ قورئانه يا كو وێ حه‌قییا د كيتابێن بۆرین دا ڕاست ده‌ردئێخت بۆ وان نه‌هاتییه؟
وَلَوۡ أَنَّآ أَهۡلَكۡنَٰهُم بِعَذَابٖ مِّن قَبۡلِهِۦ لَقَالُواْ رَبَّنَا لَوۡلَآ أَرۡسَلۡتَ إِلَيۡنَا رَسُولٗا فَنَتَّبِعَ ءَايَٰتِكَ مِن قَبۡلِ أَن نَّذِلَّ وَنَخۡزَىٰ ﴿١٣٤﴾
وئه‌گه‌ر مه ئه‌ڤ دره‌وپێكه‌ره ب عه‌زابه‌كێ تێبربان به‌رى ئه‌م پێغه‌مبه‌ره‌كى بۆ وان بهنێرين وكيتابه‌كێ بۆ وان بينينه خوارێ ئه‌و دا بێژن: خودايێ مه ئه‌گه‌ر ته پێغه‌مبه‌ره‌ك ژ نك خۆ بۆ مه هنارت با، ئه‌م دا باوه‌رییێ پێ ئينين، ودويكه‌فتنا ئايه‌ت وشريعه‌تێ ته كه‌ين، به‌رى ئه‌م ب عه‌زابا ته ڕه‌زيل وشه‌رمزار ببين.