قورئانا پیرۆز › سورەتا طه › ئایەتا ١٣٥
سورەتا طه · ئایەتا ١٣٥ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالُواْ لَوۡلَا يَأۡتِينَا بِـَٔايَةٖ مِّن رَّبِّهِۦٓۚ أَوَلَمۡ تَأۡتِهِم بَيِّنَةُ مَا فِي ٱلصُّحُفِ ٱلۡأُولَىٰ ﴿١٣٣﴾
وئه‌وێن تو دره‌وين ده‌رێخستى -ئه‌ى پێغه‌مبه‌ر- دبێژن: كانێ نيشانه‌كێ ژ خودايێ خۆ بۆ مه بينه ڕاستگۆيییا ته ديار بكه‌ت، ئه‌رێ ما ئه‌ڤ قورئانه يا كو وێ حه‌قییا د كيتابێن بۆرین دا ڕاست ده‌ردئێخت بۆ وان نه‌هاتییه؟
وَلَوۡ أَنَّآ أَهۡلَكۡنَٰهُم بِعَذَابٖ مِّن قَبۡلِهِۦ لَقَالُواْ رَبَّنَا لَوۡلَآ أَرۡسَلۡتَ إِلَيۡنَا رَسُولٗا فَنَتَّبِعَ ءَايَٰتِكَ مِن قَبۡلِ أَن نَّذِلَّ وَنَخۡزَىٰ ﴿١٣٤﴾
وئه‌گه‌ر مه ئه‌ڤ دره‌وپێكه‌ره ب عه‌زابه‌كێ تێبربان به‌رى ئه‌م پێغه‌مبه‌ره‌كى بۆ وان بهنێرين وكيتابه‌كێ بۆ وان بينينه خوارێ ئه‌و دا بێژن: خودايێ مه ئه‌گه‌ر ته پێغه‌مبه‌ره‌ك ژ نك خۆ بۆ مه هنارت با، ئه‌م دا باوه‌رییێ پێ ئينين، ودويكه‌فتنا ئايه‌ت وشريعه‌تێ ته كه‌ين، به‌رى ئه‌م ب عه‌زابا ته ڕه‌زيل وشه‌رمزار ببين.
قُلۡ كُلّٞ مُّتَرَبِّصٞ فَتَرَبَّصُواْۖ فَسَتَعۡلَمُونَ مَنۡ أَصۡحَٰبُ ٱلصِّرَٰطِ ٱلسَّوِيِّ وَمَنِ ٱهۡتَدَىٰ ﴿١٣٥﴾
تو -ئه‌ى پێغه‌مبه‌ر- بێژه ڤان بوتپه‌رێسان: هه‌ر ئێك ژ مه و ژ هه‌وه چاڤه‌ڕییى چه‌رخا ڕۆژانه، وكا سه‌ركه‌فتن وسه‌رفه‌رازى دێ بۆ كێ بت، ڤێجا هوين دچاڤه‌ڕێ بن، وهوين دێ زانن: كى خودانێن ڕێكا ڕاستن، وكییه هاتییه سه‌ر حه‌قییێ ژ مه و ژ هه‌وه؟