قورئانا پیرۆز › سورەتا طه › ئایەتا ٥
سورەتا طه · ئایەتا ٥ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِلَّا تَذۡكِرَةٗ لِّمَن يَخۡشَىٰ ﴿٣﴾
به‌لكى بۆ شيره‌ت مه ئه‌و يا ئينايه خوارێ؛ دا ئه‌و بيرا خۆ پێ بينته‌ڤه يێ كو ژ عه‌زابا خودێ دترست، وته‌قوایا وى دكه‌ت ب ڕێكا جهئينانا فه‌رمانێن وى.
تَنزِيلٗا مِّمَّنۡ خَلَقَ ٱلۡأَرۡضَ وَٱلسَّمَٰوَٰتِ ٱلۡعُلَى ﴿٤﴾
ئه‌ڤ قورئانه ژ نك وى خودايى يا هاتییه خوارێ يێ عه‌رد وعه‌سمانێن بلند ئافراندين.
ٱلرَّحۡمَٰنُ عَلَى ٱلۡعَرۡشِ ٱسۡتَوَىٰ ﴿٥﴾
خودايێ ره‌حمان (ئستواء) ل سه‌ر عه‌رشى كرییه، ئانه‌كو: بلند بوويه سه‌ر عه‌رشى، بلندبوونه‌كا بابه‌تى مه‌زنییا وى بت.
لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِ وَمَا بَيۡنَهُمَا وَمَا تَحۡتَ ٱلثَّرَىٰ ﴿٦﴾
هه‌ر تشته‌كێ ل عه‌سمانان وهه‌ر تشته‌كێ ل عه‌ردى وهه‌ر تشته‌كێ د ناڤبه‌را وان دا وهه‌ر تشته‌كێ ل بن عه‌ردى يێ وییه، وى ئه‌و يێ ئافراندى وملكێ وییه وئه‌و وى ب ڕێڤه‌دبه‌ت.
وَإِن تَجۡهَرۡ بِٱلۡقَوۡلِ فَإِنَّهُۥ يَعۡلَمُ ٱلسِّرَّ وَأَخۡفَى ﴿٧﴾
وئه‌گه‌ر تو -ئه‌ى پێغه‌مبه‌ر- ده‌نگێ خۆ بلند بكه‌ى، ڤێجا گۆتنا ته يا ئاشكه‌را بت يان يا نه‌په‌نى بت، هندى خودێیه چو تشت ل به‌ر وى به‌رزه نابن، تشتێ نه‌په‌نى ويێ ژ وى ڤه‌شارتيتر ژى وه‌كى وێ گۆتنا مرۆڤ د دلێ خۆ دا دبێژت ئه‌و دزانت.