قورئانا پیرۆز › سورەتا طه › ئایەتا ٥٦
سورەتا طه · ئایەتا ٥٦ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
كُلُواْ وَٱرۡعَوۡاْ أَنۡعَٰمَكُمۡۚ إِنَّ فِي ذَٰلِكَ لَأٓيَٰتٖ لِّأُوْلِي ٱلنُّهَىٰ ﴿٥٤﴾
هوين -گه‌لی مرۆڤان- ژ تشتێ پاقژ يێ مه بۆ هه‌وه شينكرى بخۆن، وحه‌يوانێن خۆ پێ بچه‌رينن. هندى د ڤێ چه‌ندێ دايه نيشان ل سه‌ر شيانا خودێ، وگازى بۆ ته‌وحيد ويه‌كتاپه‌رێسییا وى، بۆ خودان عه‌قلان هه‌نه.
۞مِنۡهَا خَلَقۡنَٰكُمۡ وَفِيهَا نُعِيدُكُمۡ وَمِنۡهَا نُخۡرِجُكُمۡ تَارَةً أُخۡرَىٰ ﴿٥٥﴾
مه هوين -گه‌لی مرۆڤان- ژ عه‌ردى ئافراندينه، وپشتى مرنێ جاره‌كا دى ئه‌م دێ هه‌وه زڤڕينينه عه‌درى، وجاره‌كا دى بۆ حسێب وجزادانێ ئه‌م دێ هه‌وه ژێ ده‌رێخين.
وَلَقَدۡ أَرَيۡنَٰهُ ءَايَٰتِنَا كُلَّهَا فَكَذَّبَ وَأَبَىٰ ﴿٥٦﴾
و ب ڕاستى مه ئه‌و هه‌مى ئايه‌ت وده‌ليلێن خۆ نيشا فيرعه‌ونى دان يێن ڕاستییا خوداينى وشيانا مه وپێغه‌مبه‌رينییا مووساى دگه‌هينن، به‌لێ وى دره‌و پێ كر و ل به‌ر نه‌هات حه‌قییێ قه‌بويل بكه‌ت.
قَالَ أَجِئۡتَنَا لِتُخۡرِجَنَا مِنۡ أَرۡضِنَا بِسِحۡرِكَ يَٰمُوسَىٰ ﴿٥٧﴾
فيرعه‌ونى گۆت: ئه‌رێ تو -ئه‌ى مووسا- بۆ مه هاتى دا ب ڤێ سێره‌به‌ندییا خۆ تو مه ژ وارێ مه ده‌ربێخى؟
فَلَنَأۡتِيَنَّكَ بِسِحۡرٖ مِّثۡلِهِۦ فَٱجۡعَلۡ بَيۡنَنَا وَبَيۡنَكَ مَوۡعِدٗا لَّا نُخۡلِفُهُۥ نَحۡنُ وَلَآ أَنتَ مَكَانٗا سُوٗى ﴿٥٨﴾
ئه‌م ژى دێ ب سێره‌به‌ندییه‌كا وه‌كى وێ ئێينه ته، ڤێجا تو ژڤانه‌كێ ده‌سنيشانكرى د ناڤبه‌را مه وخۆ دا بدانه، نه ئه‌م خۆ ژێ پاشڤه‌دبه‌ين نه تو، ل جهه‌كێ ڕاست وئاشكه‌را بۆ مه وته.