قورئانا پیرۆز › سورەتا طه › ئایەتا ٦٤
سورەتا طه · ئایەتا ٦٤ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَتَنَٰزَعُوٓاْ أَمۡرَهُم بَيۡنَهُمۡ وَأَسَرُّواْ ٱلنَّجۡوَىٰ ﴿٦٢﴾
ئينا سێره‌به‌ندان د ناڤبه‌را خۆ دا دان وستاندن كر وهێدى د گه‌لێك ئاخفتن.
قَالُوٓاْ إِنۡ هَٰذَٰنِ لَسَٰحِرَٰنِ يُرِيدَانِ أَن يُخۡرِجَاكُم مِّنۡ أَرۡضِكُم بِسِحۡرِهِمَا وَيَذۡهَبَا بِطَرِيقَتِكُمُ ٱلۡمُثۡلَىٰ ﴿٦٣﴾
ووان گۆت: هندى مووسا وهاروونه دو سێره‌به‌ندن وان دڤێت ب سێره‌به‌ندییا خۆ هه‌وه ژ وه‌لاتێ هه‌وه ده‌ربێخن، ووێ ڕێبازا بلند ژ سێره‌به‌ندییێ يا هوين ل سه‌ر نه‌هێلن.
فَأَجۡمِعُواْ كَيۡدَكُمۡ ثُمَّ ٱئۡتُواْ صَفّٗاۚ وَقَدۡ أَفۡلَحَ ٱلۡيَوۡمَ مَنِ ٱسۡتَعۡلَىٰ ﴿٦٤﴾
ڤێجا هوين فه‌ند وفێلا خۆ موكم بكه‌ن، وهوين هه‌مى پێكڤه و ب ئێك ڕێزى وه‌رنێ، وئه‌و تشتێن د ده‌ستێن هه‌وه دا ب ئێك جار هوين بهاڤێژن؛ دا هوين خه‌لكى حێبه‌تى بكه‌ن، وبشێنه سێره‌به‌ندییا مووساى وبرايێ وى، وئه‌ڤرۆ ئه‌و دێ گه‌هته مرادێ يێ بشێته يێ دى وسه‌ركه‌ڤت.
قَالُواْ يَٰمُوسَىٰٓ إِمَّآ أَن تُلۡقِيَ وَإِمَّآ أَن نَّكُونَ أَوَّلَ مَنۡ أَلۡقَىٰ ﴿٦٥﴾
سێره‌به‌ندان گۆت: ئه‌ى مووسا يان تو گۆپالێ خۆ به‌راهییێ بهاڤێژه يان ئه‌م دێ ده‌ست پێ كه‌ين ووى تشى هاڤێژين يێ مه هه‌ى.
قَالَ بَلۡ أَلۡقُواْۖ فَإِذَا حِبَالُهُمۡ وَعِصِيُّهُمۡ يُخَيَّلُ إِلَيۡهِ مِن سِحۡرِهِمۡ أَنَّهَا تَسۡعَىٰ ﴿٦٦﴾
مووساى گۆته وان: هوين به‌راهییێ وى تشتێ هه‌وه هه‌ى بهاڤێژن، ئينا وان وه‌ريس وگۆپالێن خۆ هاڤێتن، ڤێجا ژ به‌ر سێره‌به‌ندییا وان يا موكم مووساى هزر كر هه‌ما ڕاسته ئه‌و مارن يێن ب ڕێڤه دچن.