قورئانا پیرۆز › سورەتا طه › ئایەتا ٧٤
سورەتا طه · ئایەتا ٧٤ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالُواْ لَن نُّؤۡثِرَكَ عَلَىٰ مَا جَآءَنَا مِنَ ٱلۡبَيِّنَٰتِ وَٱلَّذِي فَطَرَنَاۖ فَٱقۡضِ مَآ أَنتَ قَاضٍۖ إِنَّمَا تَقۡضِي هَٰذِهِ ٱلۡحَيَوٰةَ ٱلدُّنۡيَآ ﴿٧٢﴾
سێره‌به‌ندان گۆته فيرعه‌ونى: ئه‌م ته ناهلبژێرين، وگوهدارییا ته ناكه‌ين، ودويچوونا دينێ ته ناكه‌ين، وته ب سه‌ر وێ نائێخين يا مووسا بۆ مه پێ هاتى ژ نيشانێن ئاشكه‌را، وئه‌م خوداينییا ته يا ژ دره‌و ب سه‌ر خوداينییا وى خودايێ ئه‌م ئافراندين نائێخين، ڤێجا تو وى تشتى د گه‌ل مه بكه يێ تو دكه‌ى، هه‌ما ده‌سهه‌لاتا ته د ڤێ ژينا دنيايێ دايه، وئه‌وا تو دئينییه سه‌رێ مه عه‌زابه‌كه گاڤا خلاس خلاس.
إِنَّآ ءَامَنَّا بِرَبِّنَا لِيَغۡفِرَ لَنَا خَطَٰيَٰنَا وَمَآ أَكۡرَهۡتَنَا عَلَيۡهِ مِنَ ٱلسِّحۡرِۗ وَٱللَّهُ خَيۡرٞ وَأَبۡقَىٰٓ ﴿٧٣﴾
هندى ئه‌مين مه باوه‌رى ب خودايێ خۆ و پێغه‌مبه‌رێ وى ئينا؛ دا ئه‌و گونه‌هێن مه ووێ سێره‌به‌ندییا ته زۆرى ل مه كرى كو ئه‌م فێرببينێ بۆ مه ژێ ببه‌ت. وجزايێ خودێ بۆ مه ژ جزايێ ته -ئه‌ى فيرعه‌ون- چێتره، وعه‌زابا وى ژى بۆ وى يێ گوهدارییا فه‌رمانا وى نه‌كه‌ت به‌ردوامتره.
إِنَّهُۥ مَن يَأۡتِ رَبَّهُۥ مُجۡرِمٗا فَإِنَّ لَهُۥ جَهَنَّمَ لَا يَمُوتُ فِيهَا وَلَا يَحۡيَىٰ ﴿٧٤﴾
هندى ئه‌وه يێ ب كوفرێ بێته نك خودايێ خۆ عه‌زابا جه‌هنه‌مێ بۆ وى هه‌يه ئه‌و دێ پێ ئێته عه‌زابدان، نه ئه‌و تێدا دمرت وڕحه‌ت دبت، ونه‌دژيت ژينه‌كا خۆشییێ پێ ببه‌ت.
وَمَن يَأۡتِهِۦ مُؤۡمِنٗا قَدۡ عَمِلَ ٱلصَّـٰلِحَٰتِ فَأُوْلَـٰٓئِكَ لَهُمُ ٱلدَّرَجَٰتُ ٱلۡعُلَىٰ ﴿٧٥﴾
وهه‌چییێ بێته نك خودايێ خۆ وئه‌و يێ خودان باوه‌ر بت وچاكى كربن.
جَنَّـٰتُ عَدۡنٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَذَٰلِكَ جَزَآءُ مَن تَزَكَّىٰ ﴿٧٦﴾
ده‌ره‌جێن بلند د به‌حه‌شتێن به‌رده‌وام دا بۆ وى هه‌نه، ڕويبار د بن داروبارێن وێ دا دچن هه‌روهه‌ر ئه‌و دێ تێدا مينن، وئه‌ڤ نعمه‌تا هه‌روهه‌ر جزايه‌كه ژ خودێ بۆ وى يێ نه‌فسا خۆ ژ پيساتى وقڕێژ وشركێ پاقژكرى، وپه‌رستنا خودێ ب تنێ كرى، وچووبته نك خودايێ خۆ بێى شريكه‌ك بۆ وى چێكربت.