قورئانا پیرۆز › سورەتا طه › ئایەتا ٧٨
سورەتا طه · ئایەتا ٧٨ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
جَنَّـٰتُ عَدۡنٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَذَٰلِكَ جَزَآءُ مَن تَزَكَّىٰ ﴿٧٦﴾
ده‌ره‌جێن بلند د به‌حه‌شتێن به‌رده‌وام دا بۆ وى هه‌نه، ڕويبار د بن داروبارێن وێ دا دچن هه‌روهه‌ر ئه‌و دێ تێدا مينن، وئه‌ڤ نعمه‌تا هه‌روهه‌ر جزايه‌كه ژ خودێ بۆ وى يێ نه‌فسا خۆ ژ پيساتى وقڕێژ وشركێ پاقژكرى، وپه‌رستنا خودێ ب تنێ كرى، وچووبته نك خودايێ خۆ بێى شريكه‌ك بۆ وى چێكربت.
وَلَقَدۡ أَوۡحَيۡنَآ إِلَىٰ مُوسَىٰٓ أَنۡ أَسۡرِ بِعِبَادِي فَٱضۡرِبۡ لَهُمۡ طَرِيقٗا فِي ٱلۡبَحۡرِ يَبَسٗا لَّا تَخَٰفُ دَرَكٗا وَلَا تَخۡشَىٰ ﴿٧٧﴾
ومه وه‌حى بۆ مووساى هنارت: كو تو به‌نییێن من يێن ئسرائيلی ب شه‌ڤ ژ (مصرێ) ده‌ربێخه، وتو ڕێكه‌كا زوها د ده‌ريايێ دا بۆ وان بگره، ترسا ژ هندێ كو فيرعه‌ون وله‌شكه‌رێ وى بگه‌هنه هه‌وه ته نابت، وتو ژ خندقينا د ئاڤێ ژى دا ناترسى.
فَأَتۡبَعَهُمۡ فِرۡعَوۡنُ بِجُنُودِهِۦ فَغَشِيَهُم مِّنَ ٱلۡيَمِّ مَا غَشِيَهُمۡ ﴿٧٨﴾
مووساى ئسرائيلی ب شه‌ڤ ده‌رێخستن، وڕێكه‌ك بۆ وان د ده‌ريايێ دا گرت، وفيرعه‌ونى ب له‌شكه‌رێ خۆ ڤه دا ب دويڤ وان ڤه، ئينا هند ئاڤ ب سه‌ر وان دا هات كو به‌س خودێ دزانى چه‌نده، وهه‌مى خندقين ومووسا وملله‌تێ وى ڕزگار بوون.
وَأَضَلَّ فِرۡعَوۡنُ قَوۡمَهُۥ وَمَا هَدَىٰ ﴿٧٩﴾
وفيرعه‌ونى ملله‌تێ خۆ ب وێ كوفرا وى ل به‌ر وان شرينكرى به‌رزه‌كرن، ووى ئه‌و نه‌ئينانه سه‌ر ڕێكا هيدايه‌تێ.
يَٰبَنِيٓ إِسۡرَـٰٓءِيلَ قَدۡ أَنجَيۡنَٰكُم مِّنۡ عَدُوِّكُمۡ وَوَٰعَدۡنَٰكُمۡ جَانِبَ ٱلطُّورِ ٱلۡأَيۡمَنَ وَنَزَّلۡنَا عَلَيۡكُمُ ٱلۡمَنَّ وَٱلسَّلۡوَىٰ ﴿٨٠﴾
گه‌لی ئسرائيلیان هوين ل بيرا خۆ بينن ده‌مێ مه هوين ژ دوژمنێ هه‌وه فيرعه‌ونى ڕزگاركرين، ومه ژڤانێ هه‌وه بۆ ئينانه خوارا ته‌وراتێ كره لايێ ڕاستێ يێ چيايێ طوورى، ومه ل ده‌مێ به‌رزه‌بوونێ تشتێ هوين بخۆن ب سه‌ر هه‌وه دا هنارت، خوارنه‌كا وه‌كى هنگڤينى وگۆشتێ ته‌يران.