قورئانا پیرۆز › سورەتا طه › ئایەتا ٨٤
سورەتا طه · ئایەتا ٨٤ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِنِّي لَغَفَّارٞ لِّمَن تَابَ وَءَامَنَ وَعَمِلَ صَٰلِحٗا ثُمَّ ٱهۡتَدَىٰ ﴿٨٢﴾
وهندى ئه‌زم ئه‌ز پڕگونه‌هـ ژێبرم بۆ وى يێ ژ كوفر وگونه‌هێ تۆبه بكه‌ت، وباوه‌رییێ ب من بينت وكارێن چاك بكه‌ت، پاشى ب سه‌ر حه‌قییێ هلبووى وخۆ ل سه‌ر گرتى.
۞وَمَآ أَعۡجَلَكَ عَن قَوۡمِكَ يَٰمُوسَىٰ ﴿٨٣﴾
و چ تشتى تو ب له‌ز ئێخستى -ئه‌ى مووسا- كو به‌رى وان قه‌ستا لايێ ڕاستێ ژ طوورى بكه‌ى، ووان بهێلییه ل پشت خۆ؟
قَالَ هُمۡ أُوْلَآءِ عَلَىٰٓ أَثَرِي وَعَجِلۡتُ إِلَيۡكَ رَبِّ لِتَرۡضَىٰ ﴿٨٤﴾
وى گۆت: ئه‌و يێن ل دويڤ من دئێن، ومن له‌ز بۆ نك ته كر -ئه‌ى خودايێ من-؛ دا پتر تو ژ من ڕازى ببى.
قَالَ فَإِنَّا قَدۡ فَتَنَّا قَوۡمَكَ مِنۢ بَعۡدِكَ وَأَضَلَّهُمُ ٱلسَّامِرِيُّ ﴿٨٥﴾
خودێ گۆته مووساى: پانێ مه پشتى ته ملله‌تێ ته ب په‌رستنا گۆلكێ يێ جه‌ڕباندى، وسامرى ئه‌و يێن د سه‌ر دا برين.
فَرَجَعَ مُوسَىٰٓ إِلَىٰ قَوۡمِهِۦ غَضۡبَٰنَ أَسِفٗاۚ قَالَ يَٰقَوۡمِ أَلَمۡ يَعِدۡكُمۡ رَبُّكُمۡ وَعۡدًا حَسَنًاۚ أَفَطَالَ عَلَيۡكُمُ ٱلۡعَهۡدُ أَمۡ أَرَدتُّمۡ أَن يَحِلَّ عَلَيۡكُمۡ غَضَبٞ مِّن رَّبِّكُمۡ فَأَخۡلَفۡتُم مَّوۡعِدِي ﴿٨٦﴾
ئينا مووسا ب خه‌م وقه‌هر ڤه زڤڕى نك ملله‌تێ خۆ، وگۆته وان: ئه‌ى ملله‌تێ من ما خودايێ هه‌وه ژڤانه‌كێ باش نه‌دابوو هه‌وه كو ئه‌و ته‌وراتێ بينته خوارێ؟ ئه‌رێ ڤێجا ژڤان ل به‌ر هه‌وه درێژ بوو وهوين ژێ بێ هيڤى بوون، يان هه‌وه ڤيا هوين كاره‌كى بكه‌ن غه‌زه‌با خودايێ هه‌وه ب سه‌ر هه‌وه دا بينت، ڤێجا هوين ل ژڤانێ من نه‌هاتن وهه‌وه په‌رستنا گۆلكێ كر، وهه‌وه پێگيرى ب فه‌رمانێن من نه‌كر؟