قورئانا پیرۆز › سورەتا طه › ئایەتا ٨٩
سورەتا طه · ئایەتا ٨٩ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالُواْ مَآ أَخۡلَفۡنَا مَوۡعِدَكَ بِمَلۡكِنَا وَلَٰكِنَّا حُمِّلۡنَآ أَوۡزَارٗا مِّن زِينَةِ ٱلۡقَوۡمِ فَقَذَفۡنَٰهَا فَكَذَٰلِكَ أَلۡقَى ٱلسَّامِرِيُّ ﴿٨٧﴾
وان گۆت: مه نه ب دلێ خۆ ژڤانێ ته ب جهـ نه‌ئينا، به‌لكى بارێن گونه‌هان ژ به‌ر چه‌كێ ملله‌تێ فيرعه‌ونى يێ كو مه د گه‌ل خۆ ئيناى ل مه هاتبوونه كرن، ڤێجا مه ب فه‌رمانا سامرى ئه‌و هاڤێتنه د كۆركه‌كا ئاگرى دا، وهه‌ر وه‌سا سامرى ژى ئه‌و مستا ئاخا بنێ پییێ هه‌سپێ جبريلی يا كو د گه‌ل وى بوو هاڤێته تێدا.
فَأَخۡرَجَ لَهُمۡ عِجۡلٗا جَسَدٗا لَّهُۥ خُوَارٞ فَقَالُواْ هَٰذَآ إِلَٰهُكُمۡ وَإِلَٰهُ مُوسَىٰ فَنَسِيَ ﴿٨٨﴾
ڤێجا سامرى بۆ ئسرائيلیان ژ وى زێڕێ د گه‌ل وان له‌شێ گۆلكه‌كێ چێكر ده‌نگێ چێلان ژێ دهات، ڤێجا ئه‌وێن پێ د سه‌ر دا چووين ژ وان گۆته يێن دى: ئه‌ڤه خودايێ هه‌وه وخودايێ مووسايه، به‌لێ مووساى ئه‌و يێ ژبير كرى.
أَفَلَا يَرَوۡنَ أَلَّا يَرۡجِعُ إِلَيۡهِمۡ قَوۡلٗا وَلَا يَمۡلِكُ لَهُمۡ ضَرّٗا وَلَا نَفۡعٗا ﴿٨٩﴾
ئه‌رێ ئه‌وێن په‌رستنا گۆلكێ كرى ما نابينن كو ئه‌و د گه‌ل وان نائاخڤت، وبه‌رسڤا وان ژى ناده‌ت، وئه‌و نه‌شێت نه خرابییه‌كێ ژ وان بده‌ته پاش، ونه باشییه‌كێ بگه‌هينته وان؟
وَلَقَدۡ قَالَ لَهُمۡ هَٰرُونُ مِن قَبۡلُ يَٰقَوۡمِ إِنَّمَا فُتِنتُم بِهِۦۖ وَإِنَّ رَبَّكُمُ ٱلرَّحۡمَٰنُ فَٱتَّبِعُونِي وَأَطِيعُوٓاْ أَمۡرِي ﴿٩٠﴾
و ب ڕاستى -به‌رى مووسا بزڤڕت- هاروونى گۆتبوو ئسرائيلیان: ئه‌ى ملله‌تێ من هه‌ما هوين ب ڤێ گۆلكێ يێن هاتينه جه‌ڕباندن؛ دا خودان باوه‌رێ هه‌وه پێ ژ كافرى ئاشكه‌را ببت، وهندى خودايێ هه‌وه‌يه خودایه‌كێ پڕدلۆڤانه ڤێجا هوين د وى تشتى دا يێ ئه‌ز به‌رێ هه‌وه دده‌مێ دويكه‌فتنا من بكه‌ن، وگوهدارییا فه‌رمانا من بكه‌ن.
قَالُواْ لَن نَّبۡرَحَ عَلَيۡهِ عَٰكِفِينَ حَتَّىٰ يَرۡجِعَ إِلَيۡنَا مُوسَىٰ ﴿٩١﴾
گۆلكپه‌رێسان ژ وان گۆت: ئه‌م دێ هه‌ر مينين گۆلكێ په‌رێسين حه‌تا مووسا دزڤڕته نك مه.