قورئانا پیرۆز › سورەتا يس › ئایەتا ١٦
سورەتا يس · ئایەتا ١٦ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِذۡ أَرۡسَلۡنَآ إِلَيۡهِمُ ٱثۡنَيۡنِ فَكَذَّبُوهُمَا فَعَزَّزۡنَا بِثَالِثٖ فَقَالُوٓاْ إِنَّآ إِلَيۡكُم مُّرۡسَلُونَ ﴿١٤﴾
ده‌مێ مه دو پێغه‌مبه‌ر بۆ وان هنارتين دا به‌رێ وان بده‌نه باوه‌رییا ب خودێ وپه‌رستنا وى ب تنێ، ئينا خه‌لكێ وى گوندى ئه‌و هه‌ردو دره‌وين ده‌رێخستن، ڤێجا مه ئه‌و هه‌ردو ب پێغه‌مبه‌ره‌كێ دى ب هێز ئێخستن، ووان هه‌ر سێیان گۆته خه‌لكێ گوندى: هندى ئه‌مين ئه‌م بۆ هه‌وه دهنارتينه.
قَالُواْ مَآ أَنتُمۡ إِلَّا بَشَرٞ مِّثۡلُنَا وَمَآ أَنزَلَ ٱلرَّحۡمَٰنُ مِن شَيۡءٍ إِنۡ أَنتُمۡ إِلَّا تَكۡذِبُونَ ﴿١٥﴾
گوندییان ب پشتڕاستى ڤه گۆته پێغه‌مبه‌ران: هه‌ما هوين ژى وه‌كى مه مرۆڤن، وخودايێ پڕدلۆڤان چو وه‌حى نه‌هنارتییه، وهه‌ما هوين -گه‌لی پێغه‌مبه‌ران- ددره‌وينن.
قَالُواْ رَبُّنَا يَعۡلَمُ إِنَّآ إِلَيۡكُمۡ لَمُرۡسَلُونَ ﴿١٦﴾
پێغه‌مبه‌ران گۆت: مسۆگه‌ر خودايێ مه يێ ئه‌م هنارتين دزانت كو ئه‌م پێغه‌مبه‌رين.
وَمَا عَلَيۡنَآ إِلَّا ٱلۡبَلَٰغُ ٱلۡمُبِينُ ﴿١٧﴾
ويا مه ئه‌وه ئه‌م په‌ياما خۆ ئاشكه‌را بگه‌هينين، وهیدایه‌تا هه‌وه نه ب مه‌یه، ئه‌و ب خودێ ب تنێیه.
قَالُوٓاْ إِنَّا تَطَيَّرۡنَا بِكُمۡۖ لَئِن لَّمۡ تَنتَهُواْ لَنَرۡجُمَنَّكُمۡ وَلَيَمَسَّنَّكُم مِّنَّا عَذَابٌ أَلِيمٞ ﴿١٨﴾
گوندییان گۆت: هندى ئه‌مين مه چو خێر وئيفله‌حى ژ هه‌وه نه‌ديتییه، ئه‌گه‌ر هوين ڤێ گازییا خۆ به‌س نه‌كه‌ن ئه‌م دێ به‌ران ل هه‌وه بارينين وهه‌وه كوژين، وعه‌زابه‌كا ب ئێش ونه‌خۆش دێ گه‌هينينه هه‌وه.