قورئانا پیرۆز › سورەتا يس › ئایەتا ٣٢
سورەتا يس · ئایەتا ٣٢ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَٰحَسۡرَةً عَلَى ٱلۡعِبَادِۚ مَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ ﴿٣٠﴾
وه‌ى بۆ په‌شێمانى وكۆڤانا به‌نییان ل ڕۆژا قيامه‌تێ! ده‌مێ ئه‌و عه‌زابێ دبينن، پێغه‌مبه‌ره‌ك بۆ وان ژ نك خودێ نائێت ئه‌گه‌ر ئه‌و تڕانه ويارییان بۆ خۆ پێ نه‌كه‌ن.
أَلَمۡ يَرَوۡاْ كَمۡ أَهۡلَكۡنَا قَبۡلَهُم مِّنَ ٱلۡقُرُونِ أَنَّهُمۡ إِلَيۡهِمۡ لَا يَرۡجِعُونَ ﴿٣١﴾
ئه‌رێ ما ڤان تڕانه‌پێكه‌ران ئه‌و ملله‌تێن به‌رى خۆ يێن مه تێبرين نه‌ديتينه وبۆ خۆ وجه‌ك ژێ وه‌رنه‌گرتییه كو هندى ئه‌ون ئه‌و نازڤڕنه ڤێ دنيايێ.
وَإِن كُلّٞ لَّمَّا جَمِيعٞ لَّدَيۡنَا مُحۡضَرُونَ ﴿٣٢﴾
وهه‌ما ئه‌ڤ هه‌مى ملله‌ته يێن مه تێبرين ويێن دى ژى، هه‌مى پێكڤه ل ڕۆژا قيامه‌تێ بۆ حسێب وجزادانێ دێ ل نك مه ئێنه ئاماده‌كرن.
وَءَايَةٞ لَّهُمُ ٱلۡأَرۡضُ ٱلۡمَيۡتَةُ أَحۡيَيۡنَٰهَا وَأَخۡرَجۡنَا مِنۡهَا حَبّٗا فَمِنۡهُ يَأۡكُلُونَ ﴿٣٣﴾
وئه‌ڤ عه‌رده بۆ بوتپه‌رێسان نيشانه‌كه كو خودێ دشێت مرییان ڕاكه‌ته‌ڤه: ئه‌ڤ عه‌ردێ مرى يێ چو شينكاتى لێ نه، ب ئينانه خوارا بارانێ مه زێندى كر، وگه‌له‌ك ڕه‌نگێن شينكاتى يێن كو مرۆڤ وحه‌يوان دخۆن مه ژێ ئينانه‌ده‌ر، وئه‌وێ عه‌ردى ب شينكاتیی زێندى بكه‌ت دێ خه‌لكى ژى پشتى مرنێ زێندى كه‌ته‌ڤه.
وَجَعَلۡنَا فِيهَا جَنَّـٰتٖ مِّن نَّخِيلٖ وَأَعۡنَٰبٖ وَفَجَّرۡنَا فِيهَا مِنَ ٱلۡعُيُونِ ﴿٣٤﴾
ومه هنده‌ك باغێن دارقه‌سپ ومێوێن ترى ل سه‌ر ڤى عه‌ردى چێكرن، وئه‌و كانییێن ئه‌و باغ پێ دئێنه ئاڤدان مه په‌قاندن و ل سه‌ر عه‌ردى برن.