قورئانا پیرۆز › سورەتا يس › ئایەتا ٤٦
سورەتا يس · ئایەتا ٤٦ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِلَّا رَحۡمَةٗ مِّنَّا وَمَتَٰعًا إِلَىٰ حِينٖ ﴿٤٤﴾
وه‌سا تێ نه‌بت ئه‌م ڕه‌حمێ ب وان ببه‌ين ووان ڕزگار بكه‌ين وحه‌تا ده‌مه‌كێ دى وان بهێلين؛ دا به‌لكى ئه‌و ل خۆ بزڤڕن و ل خه‌له‌تییێن خۆ لێڤه ببن.
وَإِذَا قِيلَ لَهُمُ ٱتَّقُواْ مَا بَيۡنَ أَيۡدِيكُمۡ وَمَا خَلۡفَكُمۡ لَعَلَّكُمۡ تُرۡحَمُونَ ﴿٤٥﴾
وئه‌گه‌ر بۆ بوتپه‌رێسان هاته گۆتن: هشيارى ئاخره‌تێ وعه‌زابا دنيايێ بن؛ دا به‌لكى خودێ دلۆڤانییێ ب هه‌وه ببه‌ت، ئه‌و دێ پشت ده‌ن، وگوهدارییا وێ چه‌ندێ ناكه‌ن.
وَمَا تَأۡتِيهِم مِّنۡ ءَايَةٖ مِّنۡ ءَايَٰتِ رَبِّهِمۡ إِلَّا كَانُواْ عَنۡهَا مُعۡرِضِينَ ﴿٤٦﴾
ونيشانه‌كا ئاشكه‌را ژ خودێ بۆ ڤان بوتپه‌رێسان نائێت؛ دا به‌رێ وان بده‌ته حه‌قییێ وڕاستگۆيییا پێغه‌مبه‌رى بۆ وان ئاشكه‌را بكه‌ت، ئه‌گه‌ر ئه‌و پشتا خۆ نه‌ده‌نێ.
وَإِذَا قِيلَ لَهُمۡ أَنفِقُواْ مِمَّا رَزَقَكُمُ ٱللَّهُ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَنُطۡعِمُ مَن لَّوۡ يَشَآءُ ٱللَّهُ أَطۡعَمَهُۥٓ إِنۡ أَنتُمۡ إِلَّا فِي ضَلَٰلٖ مُّبِينٖ ﴿٤٧﴾
وئه‌گه‌ر بۆ كافران هاته گۆتن: هوين ژ وى ڕزقى خه‌رج بكه‌ن يێ خودێ منه‌ت پێ ل هه‌وه كرى، ئه‌و ب خۆ نه‌ڕازيكرن ڤه دێ بێژنه خودان باوه‌ران: ئه‌رێ ئه‌م خوارنێ بده‌ينه وى يێ ئه‌گه‌ر خودێ ڤيابا دا خوارنێ ده‌تێ؟ هه‌ما هوين -گه‌لی خودان باوه‌ران- ژ حه‌قییێ ددويرن، ده‌مێ هوين ڤێ فه‌رمانێ ل مه دكه‌ن.
وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ ﴿٤٨﴾
وئه‌ڤ كافره بۆ دره‌وپێكرن وله‌زكرن دبێژن: ئه‌رێ ڕابوونا پشتى مرنێ كه‌نگییه ئه‌گه‌ر هوين ڕاست دبێژن كو ئه‌و هه‌يه؟