قورئانا پیرۆز › سورەتا يس › ئایەتا ٤٩
سورەتا يس · ئایەتا ٤٩ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذَا قِيلَ لَهُمۡ أَنفِقُواْ مِمَّا رَزَقَكُمُ ٱللَّهُ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَنُطۡعِمُ مَن لَّوۡ يَشَآءُ ٱللَّهُ أَطۡعَمَهُۥٓ إِنۡ أَنتُمۡ إِلَّا فِي ضَلَٰلٖ مُّبِينٖ ﴿٤٧﴾
وئه‌گه‌ر بۆ كافران هاته گۆتن: هوين ژ وى ڕزقى خه‌رج بكه‌ن يێ خودێ منه‌ت پێ ل هه‌وه كرى، ئه‌و ب خۆ نه‌ڕازيكرن ڤه دێ بێژنه خودان باوه‌ران: ئه‌رێ ئه‌م خوارنێ بده‌ينه وى يێ ئه‌گه‌ر خودێ ڤيابا دا خوارنێ ده‌تێ؟ هه‌ما هوين -گه‌لی خودان باوه‌ران- ژ حه‌قییێ ددويرن، ده‌مێ هوين ڤێ فه‌رمانێ ل مه دكه‌ن.
وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ ﴿٤٨﴾
وئه‌ڤ كافره بۆ دره‌وپێكرن وله‌زكرن دبێژن: ئه‌رێ ڕابوونا پشتى مرنێ كه‌نگییه ئه‌گه‌ر هوين ڕاست دبێژن كو ئه‌و هه‌يه؟
مَا يَنظُرُونَ إِلَّا صَيۡحَةٗ وَٰحِدَةٗ تَأۡخُذُهُمۡ وَهُمۡ يَخِصِّمُونَ ﴿٤٩﴾
ئه‌ڤ كافرێن له‌زێ ل گه‌فا خودێ دكه‌ن ل هيڤییا تشته‌كى نينن ژبلی هندێ كو پفكرنا د بۆڕییێ دا ل ڕۆژا قيامه‌تێ ب خافله‌تى ڤه بێته‌كرن و ب وان ڕا بگه‌هت، ل وى ده‌مێ ئه‌و د مه‌سه‌لێن ژينا خۆ دا ب هه‌ڤڕكى دچن، ووان هاى ژ خۆ نه.
فَلَا يَسۡتَطِيعُونَ تَوۡصِيَةٗ وَلَآ إِلَىٰٓ أَهۡلِهِمۡ يَرۡجِعُونَ ﴿٥٠﴾
ڤێجا ده‌مێ د بۆڕییێ دا دئێته پفكرن ئه‌ڤ بوتپه‌رێسه نه‌شێن شيره‌ته‌كێ ب تشته‌كى ل ئێكى بكه‌ن، وئه‌و نه‌شێن بۆ نك مرۆڤێن خۆ بزڤڕنه‌ڤه، به‌لكى ئه‌و د جهـ دا دمرن.
وَنُفِخَ فِي ٱلصُّورِ فَإِذَا هُم مِّنَ ٱلۡأَجۡدَاثِ إِلَىٰ رَبِّهِمۡ يَنسِلُونَ ﴿٥١﴾
وبۆ جارا دویێ د بۆڕییێ دا هاته پفكرن، ڤێجا رحێن وان ب سه‌ر له‌شێن وان دا هاتنه ڤه‌گه‌ڕاندن، هنگى ئه‌و ژ گۆڕێن خۆ ڕادبن و ب له‌ز ب نك خودايێ خۆ ڤه دچن.