قورئانا پیرۆز › سورەتا يس › ئایەتا ٥٢
سورەتا يس · ئایەتا ٥٢ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَلَا يَسۡتَطِيعُونَ تَوۡصِيَةٗ وَلَآ إِلَىٰٓ أَهۡلِهِمۡ يَرۡجِعُونَ ﴿٥٠﴾
ڤێجا ده‌مێ د بۆڕییێ دا دئێته پفكرن ئه‌ڤ بوتپه‌رێسه نه‌شێن شيره‌ته‌كێ ب تشته‌كى ل ئێكى بكه‌ن، وئه‌و نه‌شێن بۆ نك مرۆڤێن خۆ بزڤڕنه‌ڤه، به‌لكى ئه‌و د جهـ دا دمرن.
وَنُفِخَ فِي ٱلصُّورِ فَإِذَا هُم مِّنَ ٱلۡأَجۡدَاثِ إِلَىٰ رَبِّهِمۡ يَنسِلُونَ ﴿٥١﴾
وبۆ جارا دویێ د بۆڕییێ دا هاته پفكرن، ڤێجا رحێن وان ب سه‌ر له‌شێن وان دا هاتنه ڤه‌گه‌ڕاندن، هنگى ئه‌و ژ گۆڕێن خۆ ڕادبن و ب له‌ز ب نك خودايێ خۆ ڤه دچن.
قَالُواْ يَٰوَيۡلَنَا مَنۢ بَعَثَنَا مِن مَّرۡقَدِنَاۜۗ هَٰذَا مَا وَعَدَ ٱلرَّحۡمَٰنُ وَصَدَقَ ٱلۡمُرۡسَلُونَ ﴿٥٢﴾
ئه‌وێن دره‌و ب ڕابوونا پشتى مرنێ كرى ب په‌شێمانى ڤه گۆت: تێچوون بۆ مه بت كێ ئه‌م ژ گۆڕێن مه ڕاكرين؟ ڤێجا دێ بۆ وان ئێته گۆتن: ئه‌ڤه ئه‌و ژڤانه يێ خودايێ پڕدلۆڤان داى، وپێغه‌مبه‌رێن ڕاستگۆ به‌حس ژێ كرى.
إِن كَانَتۡ إِلَّا صَيۡحَةٗ وَٰحِدَةٗ فَإِذَا هُمۡ جَمِيعٞ لَّدَيۡنَا مُحۡضَرُونَ ﴿٥٣﴾
ده‌ركه‌فتنا ژ گۆڕان هه‌ما ئه‌نجامێ ئێك لێدانا د بۆڕییێ دا بوو، ڤێجا هنگى خه‌لك هه‌مى بۆ حسێب وجزادانێ ل نك مه دئامه‌ده بوون.
فَٱلۡيَوۡمَ لَا تُظۡلَمُ نَفۡسٞ شَيۡـٔٗا وَلَا تُجۡزَوۡنَ إِلَّا مَا كُنتُمۡ تَعۡمَلُونَ ﴿٥٤﴾
ل وێ ڕۆژێ ب دادى حسێب دئێته‌كرن، ڤێجا زۆردارى ل نه‌فسه‌كێ نائێته‌كرن كو خێرێن وێ بێنه كێمكرن يان گونه‌هێن وێ بێنه زێده‌كرن، وژبلی وى كارێ هه‌وه د دنيايێ دا دكر ب تشته‌كێ دى هوين نائێنه جزادان.