قورئانا پیرۆز › سورەتا يس › ئایەتا ٥٥
سورەتا يس · ئایەتا ٥٥ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِن كَانَتۡ إِلَّا صَيۡحَةٗ وَٰحِدَةٗ فَإِذَا هُمۡ جَمِيعٞ لَّدَيۡنَا مُحۡضَرُونَ ﴿٥٣﴾
ده‌ركه‌فتنا ژ گۆڕان هه‌ما ئه‌نجامێ ئێك لێدانا د بۆڕییێ دا بوو، ڤێجا هنگى خه‌لك هه‌مى بۆ حسێب وجزادانێ ل نك مه دئامه‌ده بوون.
فَٱلۡيَوۡمَ لَا تُظۡلَمُ نَفۡسٞ شَيۡـٔٗا وَلَا تُجۡزَوۡنَ إِلَّا مَا كُنتُمۡ تَعۡمَلُونَ ﴿٥٤﴾
ل وێ ڕۆژێ ب دادى حسێب دئێته‌كرن، ڤێجا زۆردارى ل نه‌فسه‌كێ نائێته‌كرن كو خێرێن وێ بێنه كێمكرن يان گونه‌هێن وێ بێنه زێده‌كرن، وژبلی وى كارێ هه‌وه د دنيايێ دا دكر ب تشته‌كێ دى هوين نائێنه جزادان.
إِنَّ أَصۡحَٰبَ ٱلۡجَنَّةِ ٱلۡيَوۡمَ فِي شُغُلٖ فَٰكِهُونَ ﴿٥٥﴾
ل وێ ڕۆژێ خه‌لكێ به‌حه‌شتێ ب وان خۆشییان ڤه دموژيل وكه‌يفخۆشن يێن د به‌حه‌شتێ دا بۆ وان دئێنه‌دان.
هُمۡ وَأَزۡوَٰجُهُمۡ فِي ظِلَٰلٍ عَلَى ٱلۡأَرَآئِكِ مُتَّكِـُٔونَ ﴿٥٦﴾
ئه‌و وژنێن خۆ ل سه‌ر ته‌ختێن خه‌ملاندى و ل بن سيبه‌رێن خۆش دپالداينه.
لَهُمۡ فِيهَا فَٰكِهَةٞ وَلَهُم مَّا يَدَّعُونَ ﴿٥٧﴾
گه‌له‌ك ڕه‌نگێن فێقى يێن ب تام بۆ وان د به‌حه‌شتێ دا هه‌نه، وهه‌ر ڕه‌نگه‌كێ خۆشییێ يێ وان بڤێت بۆ وان هه‌يه.