قورئانا پیرۆز › سورەتا يس › ئایەتا ٦٥
سورەتا يس · ئایەتا ٦٥ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
هَٰذِهِۦ جَهَنَّمُ ٱلَّتِي كُنتُمۡ تُوعَدُونَ ﴿٦٣﴾
ئه‌ڤه ئه‌و جه‌هنه‌مه يا د دنيايێ دا ژڤان بۆ هه‌وه پێ دهاته‌دان، ژ به‌ر كوفرا هه‌وه ب خودێ ودره‌وپێكرنا هه‌وه ب پێغه‌مبه‌ران.
ٱصۡلَوۡهَا ٱلۡيَوۡمَ بِمَا كُنتُمۡ تَكۡفُرُونَ ﴿٦٤﴾
هوين ژ به‌ر كافرییا خۆ ئه‌ڤرۆ هه‌ڕنه د جه‌هنه‌مێ دا وتام بكه‌نه گه‌رما وێ.
ٱلۡيَوۡمَ نَخۡتِمُ عَلَىٰٓ أَفۡوَٰهِهِمۡ وَتُكَلِّمُنَآ أَيۡدِيهِمۡ وَتَشۡهَدُ أَرۡجُلُهُم بِمَا كَانُواْ يَكۡسِبُونَ ﴿٦٥﴾
ئه‌ڤرۆ ئه‌م دێ خه‌تمێ ل سه‌ر ده‌ڤێن بوتپه‌رێسان ده‌ين ڤێجا ئه‌و نائاخڤن، وده‌ستێن وان دێ د گه‌ل مه ئاخڤن وبه‌حسێ وى تشتى كه‌ن يێ وان دكر، وپییێن وان دێ شاهده‌يێ ب وى تشتى ده‌ن يێ ئه‌و پێ د دنيايێ دا ب نك ڤه چووين.
وَلَوۡ نَشَآءُ لَطَمَسۡنَا عَلَىٰٓ أَعۡيُنِهِمۡ فَٱسۡتَبَقُواْ ٱلصِّرَٰطَ فَأَنَّىٰ يُبۡصِرُونَ ﴿٦٦﴾
وئه‌گه‌ر مه ڤيابا ئه‌م دا چاڤێن وان د سه‌رى دا ڕاست كه‌ين ووان كۆره كه‌ين، كا چاوا مه ده‌ڤێن وان گرتبوون، ڤێجا وان له‌ز ل چوونا د سه‌ر پرێ ڕا كر، ڤێجا چاوا ئه‌و دێ ده‌رباس بن وچاڤێن وان دكۆره؟
وَلَوۡ نَشَآءُ لَمَسَخۡنَٰهُمۡ عَلَىٰ مَكَانَتِهِمۡ فَمَا ٱسۡتَطَٰعُواْ مُضِيّٗا وَلَا يَرۡجِعُونَ ﴿٦٧﴾
وئه‌گه‌ر مه ڤيابا ئه‌م دا ڕه‌نگ وڕوییێن وان گوهۆڕين ووان ل سه‌ر جهێ وان نه‌لڤ كه‌ين، ڤێجا نه ئه‌و دشيان پێشڤه بچن، ونه ل پاش خۆ بزڤڕن.