قورئانا پیرۆز › سورەتا يس › ئایەتا ٧٦
سورەتا يس · ئایەتا ٧٦ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱتَّخَذُواْ مِن دُونِ ٱللَّهِ ءَالِهَةٗ لَّعَلَّهُمۡ يُنصَرُونَ ﴿٧٤﴾
وبوتپه‌رێسان ژبلی خودێ هنده‌ك خوداوه‌ندێن دى بۆ خۆ دانان وپه‌رستن بۆ كر؛ دا به‌لكى ئه‌و وان ب سه‌ربێخن و ژ عه‌زابا خودێ ڕزگار كه‌ن.
لَا يَسۡتَطِيعُونَ نَصۡرَهُمۡ وَهُمۡ لَهُمۡ جُندٞ مُّحۡضَرُونَ ﴿٧٥﴾
ئه‌و خوداوه‌ند نه‌شێن په‌رستڤانێن خۆ ب سه‌ربێخن، وئه‌و نه‌شێن خۆ ب خۆ ژى ب سه‌ربێخن، وبوتپه‌رێس وخوداوه‌ندێن وان هه‌مى د عه‌زابێ دا دئاماده‌نه، هنده‌ك ژ وان خۆ ژ هنده‌كان به‌رى دكه‌ن.
فَلَا يَحۡزُنكَ قَوۡلُهُمۡۘ إِنَّا نَعۡلَمُ مَا يُسِرُّونَ وَمَا يُعۡلِنُونَ ﴿٧٦﴾
ڤێجا كوفرا وان ب خودێ ودره‌وين ده‌رێخستنا وان بۆ ته وتڕانه‌پێكرنا وان ب ته -ئه‌ى پێغه‌مبه‌ر- بلا ته ب خه‌م نه ئێخت؛ چونكى هندى ئه‌مین ئه‌م دزانين ئه‌و چ ڤه‌دشێرن، و چ ئاشكه‌را دكه‌ن، وئه‌م دێ وان جزا ده‌ين.
أَوَلَمۡ يَرَ ٱلۡإِنسَٰنُ أَنَّا خَلَقۡنَٰهُ مِن نُّطۡفَةٖ فَإِذَا هُوَ خَصِيمٞ مُّبِينٞ ﴿٧٧﴾
ئه‌رێ وئه‌و مرۆڤێ باوه‌رییێ ب ڕابوونا پشتى مرنێ نه‌ئينت ما نه‌ديتییه كانێ ل سه‌رى ئه‌و ژ چ هاتییه چێكرن دا ئه‌و وێ بۆ خۆ بكه‌ته ده‌ليل ل سه‌ر ڕابوونا پشتى مرنێ، مه ئه‌و ژ چپكه‌كا ئاڤێ يا كو د گه‌له‌ك قويناغان ڕا بۆرى ئافراندییه، ڤێجا حه‌تا ئه‌و مه‌زن بووى هنگى ئه‌و دبته هه‌ڤڕكه‌كێ جڕه‌كێشا وى يا ئاشكه‌رايه؟
وَضَرَبَ لَنَا مَثَلٗا وَنَسِيَ خَلۡقَهُۥۖ قَالَ مَن يُحۡيِ ٱلۡعِظَٰمَ وَهِيَ رَمِيمٞ ﴿٧٨﴾
وئه‌وێ باوه‌رییێ ب ڕابوونا پشتى مرنێ نه‌ئينت مه‌ته‌له‌كا نه د جهێ خۆ دا بۆ مه ئينا، كو شيانا خودێ ل سه‌ر يا خۆ قياس كر، ووى ئافراندنا خۆ يا ئێكێ ژبير كر، گۆت: كى دێ هه‌ستییێن پێتى زێندى كه‌ته‌ڤه؟