قورئانا پیرۆز › سورەتا يس › ئایەتا ٧٩
سورەتا يس · ئایەتا ٧٩ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَوَلَمۡ يَرَ ٱلۡإِنسَٰنُ أَنَّا خَلَقۡنَٰهُ مِن نُّطۡفَةٖ فَإِذَا هُوَ خَصِيمٞ مُّبِينٞ ﴿٧٧﴾
ئه‌رێ وئه‌و مرۆڤێ باوه‌رییێ ب ڕابوونا پشتى مرنێ نه‌ئينت ما نه‌ديتییه كانێ ل سه‌رى ئه‌و ژ چ هاتییه چێكرن دا ئه‌و وێ بۆ خۆ بكه‌ته ده‌ليل ل سه‌ر ڕابوونا پشتى مرنێ، مه ئه‌و ژ چپكه‌كا ئاڤێ يا كو د گه‌له‌ك قويناغان ڕا بۆرى ئافراندییه، ڤێجا حه‌تا ئه‌و مه‌زن بووى هنگى ئه‌و دبته هه‌ڤڕكه‌كێ جڕه‌كێشا وى يا ئاشكه‌رايه؟
وَضَرَبَ لَنَا مَثَلٗا وَنَسِيَ خَلۡقَهُۥۖ قَالَ مَن يُحۡيِ ٱلۡعِظَٰمَ وَهِيَ رَمِيمٞ ﴿٧٨﴾
وئه‌وێ باوه‌رییێ ب ڕابوونا پشتى مرنێ نه‌ئينت مه‌ته‌له‌كا نه د جهێ خۆ دا بۆ مه ئينا، كو شيانا خودێ ل سه‌ر يا خۆ قياس كر، ووى ئافراندنا خۆ يا ئێكێ ژبير كر، گۆت: كى دێ هه‌ستییێن پێتى زێندى كه‌ته‌ڤه؟
قُلۡ يُحۡيِيهَا ٱلَّذِيٓ أَنشَأَهَآ أَوَّلَ مَرَّةٖۖ وَهُوَ بِكُلِّ خَلۡقٍ عَلِيمٌ ﴿٧٩﴾
تو بێژه وى: ئه‌و دێ وان هه‌ستییان زێندى كه‌ته‌ڤه يێ جارا ئێكى ئه‌و ئافراندين، وئه‌و ب هه‌مى چێكرییێن خۆ يێ پڕزانايه تشته‌ك ژێ ل به‌ر وى به‌رزه نابت.
ٱلَّذِي جَعَلَ لَكُم مِّنَ ٱلشَّجَرِ ٱلۡأَخۡضَرِ نَارٗا فَإِذَآ أَنتُم مِّنۡهُ تُوقِدُونَ ﴿٨٠﴾
ئه‌وێ بۆ هه‌وه ژ دارا كه‌سك وته‌ڕ ئاگره‌كێ هلكرى ده‌رێخستى، ڤێجا هوين ژ وێ دارێ ئاگرى هل دكه‌ن، مه‌عنا ئه‌وه يێ دشێت تشتێ هه‌ڤدژ ژێك ده‌ربێخت. وئه‌ڤه ده‌ليله ل سه‌ر ئێكينییا خودێ، وشيانا وى ل سه‌ر ده‌رێخستنا مرییان ژ گۆڕێن وان.
أَوَلَيۡسَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ بِقَٰدِرٍ عَلَىٰٓ أَن يَخۡلُقَ مِثۡلَهُمۚ بَلَىٰ وَهُوَ ٱلۡخَلَّـٰقُ ٱلۡعَلِيمُ ﴿٨١﴾
ئه‌رێ وئه‌وێ عه‌سمان وعه‌رد وتشتێ د ناڤبه‌را وان دا ئافراندين ما نه‌شێت يێن وه‌كى وان بئافرينت، ووان دوباره بكه‌ته‌ڤه؟ به‌لێ، ئه‌و دشێت وێ چه‌ندێ بكه‌ت، وئه‌وه پڕئافرانده‌رێ هه‌مى چێكرییان، يێ پڕزانا ب تشتێ وى چێكرى وچێ دكه‌ت، چو ل به‌ر وى به‌رزه نابت.