قورئانا پیرۆز › سورەتا يس › ئایەتا ٨
سورەتا يس · ئایەتا ٨ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لِتُنذِرَ قَوۡمٗا مَّآ أُنذِرَ ءَابَآؤُهُمۡ فَهُمۡ غَٰفِلُونَ ﴿٦﴾
مه ئه‌و بۆ ته ئينا خوارێ -ئه‌ى پێغه‌مبه‌ر- دا تو وى ملله‌تى پێ بترسينى يێ بابێن وان يێن نێزيك به‌رى ته نه‌هاتينه ترساندن، كو عه‌ره‌بن، ڤێجا ئه‌ڤ ملله‌ته ژ باوه‌رى وكرنا چاكییێ دبێ ئاگه‌هن. وهه‌ر ملله‌ته‌كێ نه‌ئێته ترساندن غافل دبت، وئه‌ڤه ده‌لیله كو گازیگرن بۆ ڕێكا خودێ وبیرئینان كاره‌كێ واجبه ل سه‌ر زانایان؛ دا موسلمان ژ غه‌فله‌تێ هشیار بن.
لَقَدۡ حَقَّ ٱلۡقَوۡلُ عَلَىٰٓ أَكۡثَرِهِمۡ فَهُمۡ لَا يُؤۡمِنُونَ ﴿٧﴾
ب ڕاستى عه‌زابدان ل سه‌ر پترییا ڤان كافران فه‌ربوو، پشتى حه‌قى بۆ وان هاتییه گۆتن ووان قه‌بويل نه‌كرى، ڤێجا ئه‌و باوه‌رییێ ب خودێ وپێغه‌مبه‌رێ وى نائينن، وكارى ب شریعه‌تێ وى ناكه‌ن.
إِنَّا جَعَلۡنَا فِيٓ أَعۡنَٰقِهِمۡ أَغۡلَٰلٗا فَهِيَ إِلَى ٱلۡأَذۡقَانِ فَهُم مُّقۡمَحُونَ ﴿٨﴾
هندى ئه‌مين مه ئه‌ڤ كافره يێن حه‌قى بۆ هاتییه گۆتن ووان قه‌بويل نه‌كرى، وه‌كى وان لێكرن يێن قه‌يد د ستويێ وان دا هاتينه‌دانان، ڤێجا ده‌ستێن وان د بن ئه‌رزنكێن وان ڕا ب ستويێ وان ڤه هاتينه گرێدان، وئه‌و نه‌چار بووين سه‌رێن خۆ به‌ر ب عه‌سمانى ڤه بلند كه‌ن، ڤێجا ئه‌و ژ هه‌ر خێره‌كا هه‌بت دگرێداينه، حه‌قییێ نابينن وڤێ ناكه‌ڤن.
وَجَعَلۡنَا مِنۢ بَيۡنِ أَيۡدِيهِمۡ سَدّٗا وَمِنۡ خَلۡفِهِمۡ سَدّٗا فَأَغۡشَيۡنَٰهُمۡ فَهُمۡ لَا يُبۡصِرُونَ ﴿٩﴾
ومه ل به‌راهییا كافران و ل پشت وان ژى په‌رژانه‌ك دانا، ڤێجا ئه‌و وه‌كى وى لێ هاتن يێ ل به‌ر وپشت ڕێ لێ هاتییه‌گرتن، ومه چاڤێن وان كۆره كرن؛ ژ به‌ر كوفر وخۆمه‌زنكرنا وان، له‌و ئه‌و ب ڕێكێ ناكه‌ڤن وچو نابينن، وهه‌ر ئێكێ گازییا ئیسلامێ قه‌بویل نه‌كه‌ت، ئه‌و هێژاى ڤى جزاییه.
وَسَوَآءٌ عَلَيۡهِمۡ ءَأَنذَرۡتَهُمۡ أَمۡ لَمۡ تُنذِرۡهُمۡ لَا يُؤۡمِنُونَ ﴿١٠﴾
ل به‌ر ڤان كافران وه‌كى ئێكه تو -ئه‌ى پێغه‌مبه‌ر- وان بترسينى يان نه‌ترسينى، ئه‌و باوه‌رییێ نائينن.