قورئانا پیرۆز › سورەتا يونس › ئایەتا ١٠٣
سورەتا يونس · ئایەتا ١٠٣ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلِ ٱنظُرُواْ مَاذَا فِي ٱلسَّمَٰوَٰتِ وَٱلۡأَرۡضِۚ وَمَا تُغۡنِي ٱلۡأٓيَٰتُ وَٱلنُّذُرُ عَن قَوۡمٖ لَّا يُؤۡمِنُونَ ﴿١٠١﴾
ئه‌ى پێغه‌مبه‌ر تو بێژه ملله‌تێ خۆ: هوين هزرا خۆ بكه‌ن وعيبره‌تێ ژ وان ئايه‌تێن خودێ يێن ئاشكه‌را بگرن يێن كو ل عه‌سمانان وعه‌ردى هه‌ين، به‌لێ ئه‌و ئايه‌ت وعيبره‌ت وپێغه‌مبه‌رێن به‌نییان ژ عه‌زابا خودێ دترسينن، مفایى ناگه‌هيننه وى ملله‌تێ باوه‌رى ب وێ چه‌ندێ نه‌بت؛ ژ به‌ر پشتدان وڕكدارییا وان.
فَهَلۡ يَنتَظِرُونَ إِلَّا مِثۡلَ أَيَّامِ ٱلَّذِينَ خَلَوۡاْ مِن قَبۡلِهِمۡۚ قُلۡ فَٱنتَظِرُوٓاْ إِنِّي مَعَكُم مِّنَ ٱلۡمُنتَظِرِينَ ﴿١٠٢﴾
ڤێجا ما ئه‌ڤه چاڤه‌رێیى تشته‌كى دكه‌ن ژ بلی هندێ كو ڕۆژه‌ك ب سه‌ر وان دا بێت ئه‌و عه‌زابا خودێ ب چاڤ ببينن، وه‌كى وان ڕۆژێن ب سه‌ر وان دره‌وكه‌رێن به‌رى وان دا هاتين؟ تو -ئه‌ى پێغه‌مبه‌ر- بێژه وان: ڤێجا هوين چاڤه‌رێیى عه‌زابا خودێ بن ئه‌ز ژى د گه‌ل هه‌وه ژ وانم يێن چاڤه‌رێیى عه‌زابدانا هه‌وه.
ثُمَّ نُنَجِّي رُسُلَنَا وَٱلَّذِينَ ءَامَنُواْۚ كَذَٰلِكَ حَقًّا عَلَيۡنَا نُنجِ ٱلۡمُؤۡمِنِينَ ﴿١٠٣﴾
پاشى ئه‌م پێغه‌مبه‌رێن خۆ وئه‌وێن د گه‌ل وان باوه‌رى ئيناى ڕزگار دكه‌ين، وكانێ چاوا مه ئه‌وێن هه ڕزگاركرن هه‌ر وه‌سا ژ قه‌نجى ودلۆڤانییا خۆ ئه‌م دێ ته -ئه‌ى پێغه‌مبه‌ر- وئه‌وێن باوه‌رى ب ته ئيناى ژى ڕزگاركه‌ين.
قُلۡ يَـٰٓأَيُّهَا ٱلنَّاسُ إِن كُنتُمۡ فِي شَكّٖ مِّن دِينِي فَلَآ أَعۡبُدُ ٱلَّذِينَ تَعۡبُدُونَ مِن دُونِ ٱللَّهِ وَلَٰكِنۡ أَعۡبُدُ ٱللَّهَ ٱلَّذِي يَتَوَفَّىٰكُمۡۖ وَأُمِرۡتُ أَنۡ أَكُونَ مِنَ ٱلۡمُؤۡمِنِينَ ﴿١٠٤﴾
تو -ئه‌ى پێغه‌مبه‌ر- بێژه ڤان مرۆڤان: ئه‌گه‌ر هوين ب گومان بن د ڕاستییا دينێ من دا يێ ئه‌ز به‌رێ هه‌وه دده‌مێ كو ئيسلامه، و د مانا من يا موكم دا ل سه‌ر ڤى دينى، وهه‌وه دڤێت به‌رێ من ژێ وه‌رگێڕن، هندى ئه‌زم ب چ حالێ هه‌بت ئه‌ز په‌رستنا تشته‌كى ژ وان ناكه‌م يێن هوين ژ بلی خودێ په‌رستنێ بۆ دكه‌ن، به‌لێ ئه‌ز دێ په‌رستنا وى خودايى كه‌م يێ هه‌وه دمرينت وڕحێن هه‌وه دستينت، وفه‌رمان يا ل من هاتییه‌كرن كو ئه‌ز ژ وان بم يێن باوه‌رییێ پێ دئينن.
وَأَنۡ أَقِمۡ وَجۡهَكَ لِلدِّينِ حَنِيفٗا وَلَا تَكُونَنَّ مِنَ ٱلۡمُشۡرِكِينَ ﴿١٠٥﴾
وكو تو -ئه‌ى پێغه‌مبه‌ر- ڕاست خۆ ل سه‌ر دينێ ئيسلامێ بگره وبه‌رێ خۆ ژێ وه‌رنه‌گێڕه جوهياتییێ يان فه‌لاتییێ يان هه‌ر دينه‌كێ دى، وتو ژ وان نه‌به يێن هنده‌ك شريكان بۆ خودايێ خۆ د په‌ڕستنێ دا ددانن، ئه‌گه‌ر دێ بییه ژ تێچوويان. وئه‌گه‌ر چ ئه‌ڤ گۆتنه بۆ پێغه‌مبه‌رى سلاڤ لێ بن دئێته ئاراسته‌كرن، به‌لێ ئه‌و بۆ ئوممه‌تێ هه‌مییێیه.