قورئانا پیرۆز › سورەتا يونس › ئایەتا ٢٤
سورەتا يونس · ئایەتا ٢٤ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
هُوَ ٱلَّذِي يُسَيِّرُكُمۡ فِي ٱلۡبَرِّ وَٱلۡبَحۡرِۖ حَتَّىٰٓ إِذَا كُنتُمۡ فِي ٱلۡفُلۡكِ وَجَرَيۡنَ بِهِم بِرِيحٖ طَيِّبَةٖ وَفَرِحُواْ بِهَا جَآءَتۡهَا رِيحٌ عَاصِفٞ وَجَآءَهُمُ ٱلۡمَوۡجُ مِن كُلِّ مَكَانٖ وَظَنُّوٓاْ أَنَّهُمۡ أُحِيطَ بِهِمۡ دَعَوُاْ ٱللَّهَ مُخۡلِصِينَ لَهُ ٱلدِّينَ لَئِنۡ أَنجَيۡتَنَا مِنۡ هَٰذِهِۦ لَنَكُونَنَّ مِنَ ٱلشَّـٰكِرِينَ ﴿٢٢﴾
گه‌لی مرۆڤان ئه‌وه يێ ل هشكاتییێ هه‌وه ل سه‌ر پێره‌ه وتشتێن دى ب ڕێڤه دبه‌ت، و د ده‌ريايێ دا ب گه‌مى وپاپۆڕان، حه‌تا ده‌مێ كو هوين چوونه تێدا وئه‌و ب بایه‌كێ خۆش ب ڕێڤه چوو، وكه‌يفا وان ئه‌وێن د گه‌مییێ دا ب وى باى هات، هڕه‌بایه‌كێ دژوار ب گه‌مییێ كه‌فت، وپێل ژ هه‌مى لايان ڤه هاتنه وان سوياران، و ل نك وان مسۆگه‌ر بوو كو تێچوونێ دۆرا ل وان گرتى، وان ژ دل گازى خودێ ب تنێ كر، وتشتێ وان دپه‌رێسى وان هێلا، وگۆتن: سويند بت ئه‌گه‌ر تو مه ژ ڤێ ته‌نگاڤییێ يا ئه‌م تێدا ڕزگار بكه‌ى ئه‌م دێ ژ وان بين يێن شوكرا ته دكه‌ن سه‌را قه‌نجییێن ته.
فَلَمَّآ أَنجَىٰهُمۡ إِذَا هُمۡ يَبۡغُونَ فِي ٱلۡأَرۡضِ بِغَيۡرِ ٱلۡحَقِّۗ يَـٰٓأَيُّهَا ٱلنَّاسُ إِنَّمَا بَغۡيُكُمۡ عَلَىٰٓ أَنفُسِكُمۖ مَّتَٰعَ ٱلۡحَيَوٰةِ ٱلدُّنۡيَاۖ ثُمَّ إِلَيۡنَا مَرۡجِعُكُمۡ فَنُنَبِّئُكُم بِمَا كُنتُمۡ تَعۡمَلُونَ ﴿٢٣﴾
ڤێجا ده‌مێ خودێ ئه‌و ژ ته‌نگاڤى ونه‌خۆشییان ڕزگاركرن هنگى ئه‌و خرابى وگونه‌هان د عه‌ردى دا دكه‌ن. گه‌لی مرۆڤان هه‌ما خرابییا سه‌رداچوونا هه‌وه هه‌ر بۆ هه‌وه ب خۆ دزڤڕته ڤه، د ژينا دنيايێ يا به‌روه‌خت دا په‌رتاله‌ك بۆ هه‌وه هه‌يه، پاشى دويماهى وزڤڕينا هه‌وه بۆ نك مه‌يه، ڤێجا ئه‌م دێ به‌حسێ هه‌مى كريارێن هه‌وه بۆ هه‌وه كه‌ين، ودێ هه‌وه سه‌را وان جزا ده‌ين.
إِنَّمَا مَثَلُ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ مِمَّا يَأۡكُلُ ٱلنَّاسُ وَٱلۡأَنۡعَٰمُ حَتَّىٰٓ إِذَآ أَخَذَتِ ٱلۡأَرۡضُ زُخۡرُفَهَا وَٱزَّيَّنَتۡ وَظَنَّ أَهۡلُهَآ أَنَّهُمۡ قَٰدِرُونَ عَلَيۡهَآ أَتَىٰهَآ أَمۡرُنَا لَيۡلًا أَوۡ نَهَارٗا فَجَعَلۡنَٰهَا حَصِيدٗا كَأَن لَّمۡ تَغۡنَ بِٱلۡأَمۡسِۚ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَتَفَكَّرُونَ ﴿٢٤﴾
هه‌ما مه‌ته‌لا ژينا دنيايێ ووى مال وخه‌ملا هوين شانازییێ پێ دبه‌ن، وه‌كى مه‌ته‌لا بارانه‌كێیه مه ژ عه‌سمانى ئينايه خوارێ، ڤێجا گه‌له‌ك ڕه‌نگێن شينكاتیيێن ناڤێك هه‌لبووى پێ شين بووين، ژ وى به‌رهه‌مێ مرۆڤ بۆ خۆ دكه‌ته قويت، و ژ يێ حه‌يوان ژێ دخۆن، حه‌تا ده‌مێ خه‌ملا عه‌ردى ئاشكه‌را دبت، وخه‌لكێ ڤى عه‌ردى هزر دكه‌ن كو ئه‌و دێ شێن وى دورين ومفاى بۆ خۆ وه‌رگرن، فه‌رمانا مه ب تێبرنا ڤى شينكاتى وخه‌ملا عه‌ردى ب شه‌ڤ يان ب ڕۆژ هات، ئينا مه ئه‌و شينكاتى وداروبار وه‌كى تشته‌كێ دورى وبێ مفا لێكر، هه‌ر وه‌كى ئه‌و شينكاتى وداروبار به‌رى هنگى ل سه‌ر عه‌ردى شين نه‌بووى، ڤێجا هه‌ر وه‌سا تشتێ هوين شانازییێ پێ دبه‌ن ژ خۆشى وجوانییا دنيايێ ئه‌و ژى نامينت وخودێ دێ وى پويچ كه‌ت. وكانێ چاوا مه مه‌ته‌لا ڤێ دنيايێ بۆ هه‌وه گۆت وڕاستییا وێ ئاشكه‌راكر -گه‌لی مرۆڤان- وه‌سا ئه‌م هێجه‌ت وئايه‌تان بۆ وى ملله‌تى ئاشكه‌را دكه‌ين يێ هزرا خۆ تێدا بكه‌ت، ومفايێ دنيا وئاخره‌تێ بۆ خۆ ژێ وه‌ربگرت.
وَٱللَّهُ يَدۡعُوٓاْ إِلَىٰ دَارِ ٱلسَّلَٰمِ وَيَهۡدِي مَن يَشَآءُ إِلَىٰ صِرَٰطٖ مُّسۡتَقِيمٖ ﴿٢٥﴾
وخودێ هه‌وه بۆ وان به‌حه‌شتان ڤه‌دخوينت يێن وى بۆ وه‌لییێن خۆ ئاماده‌كرين، وهه‌چییێ وى بڤێت ژ به‌نییێن خۆ ئه‌و به‌رێ وى دده‌ته هيدايه‌تێ، ووى دئينته سه‌ر ڕێكا ڕاست، كو ئيسلامه.
۞لِّلَّذِينَ أَحۡسَنُواْ ٱلۡحُسۡنَىٰ وَزِيَادَةٞۖ وَلَا يَرۡهَقُ وُجُوهَهُمۡ قَتَرٞ وَلَا ذِلَّةٌۚ أُوْلَـٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ ﴿٢٦﴾
بۆ وان خودان باوه‌رێن قه‌نج په‌رستن وگوهدارییا خودێ كرى، به‌حه‌شت هه‌يه، و ژ وێ پتر ژى، كو به‌رێخۆدانا وه‌جهێ خودێیه د به‌حه‌شتێ دا، ولێبۆرين وڕازيبوونا خودێ ژى، وچو ڕه‌زيلاتى وڕویڕه‌شى ناگه‌هته وان، وه‌كى كو دگه‌هته جه‌هنه‌مییان. ئه‌و خه‌لكێ به‌حه‌شتێنه هه‌روهه‌ر دێ تێدا مينن.