قورئانا پیرۆز › سورەتا يونس › ئایەتا ٣٣
سورەتا يونس · ئایەتا ٣٣ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ مَن يَرۡزُقُكُم مِّنَ ٱلسَّمَآءِ وَٱلۡأَرۡضِ أَمَّن يَمۡلِكُ ٱلسَّمۡعَ وَٱلۡأَبۡصَٰرَ وَمَن يُخۡرِجُ ٱلۡحَيَّ مِنَ ٱلۡمَيِّتِ وَيُخۡرِجُ ٱلۡمَيِّتَ مِنَ ٱلۡحَيِّ وَمَن يُدَبِّرُ ٱلۡأَمۡرَۚ فَسَيَقُولُونَ ٱللَّهُۚ فَقُلۡ أَفَلَا تَتَّقُونَ ﴿٣١﴾
تو -ئه‌ى پێغه‌مبه‌ر- بێژه وان: ئه‌و كییه ژ عه‌سمانى ڕزقى دده‌ته هه‌وه، ده‌مێ بارانێ ژێ دبارينت، و ژ عه‌ردى ده‌مێ شينكاتى ژێ ده‌ردئێخت، ڤێجا هوين وحه‌يوانێن خۆ ژێ دخۆن؟ وئه‌و گوهـ وچاڤێن هوين بهيستن وديتنێ پێ دكه‌ن وخۆشییێ پێ دبه‌ن د ده‌ستێ كێ دانه؟ وئه‌و كییه مرن وژين د گه‌ردوونێ هه‌مییێ دا ب ده‌ستێ وى، ڤێجا يێن زێندى ژ يێن مرى دئينته ده‌ر ژ وان یێن هوین دزانن ونه‌زانن ژى؟ وئه‌و كییه يێ كارێ عه‌رد وعه‌سمانى وهه‌ر تشته‌كێ د ناڤ دا ب ڕێڤه دبه‌ت، وكارێ هه‌وه ويێ هه‌مى چێكرییان ژى؟ ئه‌و دێ به‌رسڤێ ده‌نه ته كو ئه‌وێ ڤێ هه‌مییێ دكه‌ت خودێیه، ڤێجا تو بێژه وان: ئه‌رێ ما هوين ژ عه‌زابا خودێ ناترسن ئه‌گه‌ر هه‌وه په‌رستنا تشته‌كێ دى د گه‌ل وى كر؟
فَذَٰلِكُمُ ٱللَّهُ رَبُّكُمُ ٱلۡحَقُّۖ فَمَاذَا بَعۡدَ ٱلۡحَقِّ إِلَّا ٱلضَّلَٰلُۖ فَأَنَّىٰ تُصۡرَفُونَ ﴿٣٢﴾
ڤێجا ئه‌و (ئه‌للاهـ) خودايێ هه‌وه يێ ب حه‌قه يێ گومان تێدا نه، يێ هێژا كو په‌رستنا وى ب تنێ بێته‌كرن، ڤێجا ما ژ حه‌قییێ ده‌ركه‌ڤت ژبلی نه‌حه‌قییێ تشته‌كێ دى هه‌يه؟ ڤێجا چاوا هوين به‌رێ خۆ ژ عيباده‌تێ وى وه‌ردگێڕنه عيباده‌تێ تشته‌كێ دى يێ ژ بلی وى؟
كَذَٰلِكَ حَقَّتۡ كَلِمَتُ رَبِّكَ عَلَى ٱلَّذِينَ فَسَقُوٓاْ أَنَّهُمۡ لَا يُؤۡمِنُونَ ﴿٣٣﴾
ووه‌كى ئه‌ڤ بوتپه‌رێسه كافربووين و ل سه‌ر شركا خۆ ماين، وه‌سا په‌يڤا خودايێ ته وحوكمێ وى ل سه‌ر وان ب جهـ هات ئه‌وێن ژ گوهدارییا خودايێ خۆ ده‌ركه‌فتينه نه‌گوهدارییێ وكوفركرنا ب وى كو ئه‌و باوه‌رییێ ب ته‌وحيدا خودێ نائينن، و ب پێغه‌مبه‌رينییا موحه‌ممه‌دى ژى سلاڤ لێ بن نائينن، وكارى ب سوننه‌تا وى ناكه‌ن.
قُلۡ هَلۡ مِن شُرَكَآئِكُم مَّن يَبۡدَؤُاْ ٱلۡخَلۡقَ ثُمَّ يُعِيدُهُۥۚ قُلِ ٱللَّهُ يَبۡدَؤُاْ ٱلۡخَلۡقَ ثُمَّ يُعِيدُهُۥۖ فَأَنَّىٰ تُؤۡفَكُونَ ﴿٣٤﴾
تو -ئه‌ى پێغه‌مبه‌ر- بێژه وان: ئه‌رێ ژ وان خوداوه‌ندێن هوين دپه‌رێسن ئێك هه‌يه تشته‌كى ژ چوننه‌يێ بده‌ت، پاشى وى پويچ بكه‌ت، پاشى دوباره وه‌كى به‌رێ وى چێ كه‌ته‌ڤه؟ ئه‌و نه‌شێن ڤى تشتى بێژن، تو -ئه‌ى پێغه‌مبه‌ر- بێژه: خودێ ب تنێیه چێكرییان دئافرينت پاشى وان پويچ دكه‌ت پاشى وان چێ دكه‌ته‌ڤه، ڤێجا چاوا هوين به‌رێ خۆ ژ حه‌قییێ دده‌نه نه‌حه‌قییێ؟
قُلۡ هَلۡ مِن شُرَكَآئِكُم مَّن يَهۡدِيٓ إِلَى ٱلۡحَقِّۚ قُلِ ٱللَّهُ يَهۡدِي لِلۡحَقِّۗ أَفَمَن يَهۡدِيٓ إِلَى ٱلۡحَقِّ أَحَقُّ أَن يُتَّبَعَ أَمَّن لَّا يَهِدِّيٓ إِلَّآ أَن يُهۡدَىٰۖ فَمَا لَكُمۡ كَيۡفَ تَحۡكُمُونَ ﴿٣٥﴾
تو -ئه‌ى پێغه‌مبه‌ر- بێژه: ئه‌رێ ژ هه‌ڤپشكێن هوين په‌رستنێ بۆ دكه‌ن ئێك هه‌يه ڕێنيشادانێ بۆ ڕێكا ڕاست بكه‌ت؟ ئه‌و نه‌شێن وێ چه‌ندێ بكه‌ن، تو بێژه وان: خودێ ب تنێیه يێ به‌رێ مرۆڤێ به‌رزه‌بووى دده‌ته حه‌قییێ. ئه‌رێ كیژ چێتره مرۆڤ دويكه‌فتنا وى بكه‌ت: ئه‌وێ ئه‌و ب تنێ ڕێنيشادانا حه‌قییێ دكه‌ت، يان ئه‌وێ ژ به‌ر نه‌زانين وبه‌رزه‌بوونا خۆ ڕێنيشادانێ ناكه‌ت، كو ئه‌و خوداوه‌ندێن هه‌وه‌نه يێن نه ڕێنيشادانێ دكه‌ن ونه به‌رێ وان ب ڕێكێ دكه‌ڤت ئه‌گه‌ر كه‌س به‌رێ وان نه‌ده‌ته ڕێكێ؟ ڤێجا هه‌وه چيه چاوا هوين خودێ دئيننه ڕاستا چێكرییێن وى؟ وئه‌ڤه نه حوكمه‌كێ دورسته.