قورئانا پیرۆز › سورەتا يونس › ئایەتا ٤
سورەتا يونس · ئایەتا ٤ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَكَانَ لِلنَّاسِ عَجَبًا أَنۡ أَوۡحَيۡنَآ إِلَىٰ رَجُلٖ مِّنۡهُمۡ أَنۡ أَنذِرِ ٱلنَّاسَ وَبَشِّرِ ٱلَّذِينَ ءَامَنُوٓاْ أَنَّ لَهُمۡ قَدَمَ صِدۡقٍ عِندَ رَبِّهِمۡۗ قَالَ ٱلۡكَٰفِرُونَ إِنَّ هَٰذَا لَسَٰحِرٞ مُّبِينٌ ﴿٢﴾
ئه‌رێ ما كاره‌كێ عه‌جێب بوو ل به‌ر مرۆڤان كو مه وه‌حى ب قورئانێ بۆ زه‌لامه‌كى ژ وان هنارتى؛ دا ئه‌و وان ژ عه‌زابا خودێ بترسينت، ومزگينییێ بده‌ته وان يێن باوه‌رى ب خودێ وپێغه‌مبه‌رێ وى ئيناى كو ژ به‌ر وى كارێ چاك يێ وان پێشكێش كرى خێره‌كا باش بۆ وان هه‌يه؟ ڤێجا ده‌مێ پێغه‌مبه‌رێ خودێ سلاڤ لێ بن بۆ وان ب وه‌حییا خودێ هاتى ووى ئه‌و بۆ وان خواندى، كافران گۆت: هندى موحه‌ممه‌ده سێره‌به‌نده، وئه‌و تشتێ ئه‌و پێ هاتى سێره‌به‌ندییه‌كه نه‌حه‌قییا وێ یا ئاشكه‌رايه.
إِنَّ رَبَّكُمُ ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ يُدَبِّرُ ٱلۡأَمۡرَۖ مَا مِن شَفِيعٍ إِلَّا مِنۢ بَعۡدِ إِذۡنِهِۦۚ ذَٰلِكُمُ ٱللَّهُ رَبُّكُمۡ فَٱعۡبُدُوهُۚ أَفَلَا تَذَكَّرُونَ ﴿٣﴾
هندى خودايێ هه‌وه‌يه (ئه‌للاهه) يێ عه‌سمان وعه‌رد د شه‌ش ڕۆژان دا ئافراندين، پاشى ئه‌وى ب ڕه‌نگه‌كێ هێژاى وى ل سه‌ر عه‌رشى ئستيوا كر (بلندبوو)، ئه‌و كارێ به‌نییێن خۆ ب ڕێڤه دبه‌ت، كه‌س به‌رهنگارییا وى ناكه‌ت د وى تشتى دا يێ ئه‌و بكه‌ت، و ل ڕۆژا قيامه‌تێ مه‌هده‌رچییه‌ك مه‌هده‌رێ ل نك وى ناكه‌ت ئه‌گه‌ر ئه‌و ده‌ستويرییا مه‌هده‌رێ نه‌ده‌تێ، ڤێجا هوين په‌رستنا خودايێ خۆ (ئه‌للاهى) بكه‌ن يێ كو ئه‌ڤ سالۆخه‌ته هه‌ين، وهوين ژ دله‌كێ خوڕى په‌رستنێ بۆ وى بكه‌ن. ئه‌رێ ما هوين وجه‌كێ بۆ خۆ ژ ده‌ليل وئايه‌تان نابينن؟
إِلَيۡهِ مَرۡجِعُكُمۡ جَمِيعٗاۖ وَعۡدَ ٱللَّهِ حَقًّاۚ إِنَّهُۥ يَبۡدَؤُاْ ٱلۡخَلۡقَ ثُمَّ يُعِيدُهُۥ لِيَجۡزِيَ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ بِٱلۡقِسۡطِۚ وَٱلَّذِينَ كَفَرُواْ لَهُمۡ شَرَابٞ مِّنۡ حَمِيمٖ وَعَذَابٌ أَلِيمُۢ بِمَا كَانُواْ يَكۡفُرُونَ ﴿٤﴾
زڤڕينا هه‌وه هه‌مییان پێكڤه ل ڕۆژا قيامه‌تێ بۆ نك خودايێ هه‌وه‌يه، وئه‌ڤه سۆزا خودێ يا ڕاسته، ئه‌وه يێ ل ده‌سپێكێ ئافراندن كرى وپشتى مرنێ وێ دوباره دكه‌ته‌ڤه، وجاره‌كا دى وێ وه‌كى يا ئێكێ لێ دكه‌ته‌ڤه؛ دا ئه‌و ب باشى جزايێ وى بده‌تێ يێ باوه‌رى ب خودێ وپێغه‌مبه‌رێ وى ئيناى، وباشى كرين. وئه‌وێن كافرى ب ته‌وحيدا خودێ وپه‌ياما پێغه‌مبه‌رێ وى كرى ڤه‌خوارنه‌كا ژ ئاڤه‌كا زێده كه‌لاندى بۆ وان هه‌يه ئه‌و ئاڤ دێمى دبرێژت وڕويڤيكان پرت پرت دكه‌ت، و ژ به‌ر كافرى وسه‌رداچوونا وان عه‌زابه‌كا ب ئێش ژى بۆ وان هه‌يه.
هُوَ ٱلَّذِي جَعَلَ ٱلشَّمۡسَ ضِيَآءٗ وَٱلۡقَمَرَ نُورٗا وَقَدَّرَهُۥ مَنَازِلَ لِتَعۡلَمُواْ عَدَدَ ٱلسِّنِينَ وَٱلۡحِسَابَۚ مَا خَلَقَ ٱللَّهُ ذَٰلِكَ إِلَّا بِٱلۡحَقِّۚ يُفَصِّلُ ٱلۡأٓيَٰتِ لِقَوۡمٖ يَعۡلَمُونَ ﴿٥﴾
خودێیه يێ ڕۆژ گه‌شكرى، وهه‌يڤ ڕوهنكرى، وڕێڤه‌چوونا هه‌يڤێ كرییه قويناغ قويناغ ڤێجا ب ڕۆژێ هژمارا ڕۆژان دئێته زانين، و ب هه‌يڤێ هژمارا مه‌ه وسالان دئێته زانين، خودێ ڕۆژ وهه‌يڤ بۆ حكمه‌ته‌كا مه‌زن يێن ئافراندين، وئه‌و ل سه‌ر شيان وزانينا خودێ يا بێ توخويب نيشانن، ئه‌و ئايه‌ت وده‌ليلان بۆ وى ملله‌تى ئاشكه‌را دكه‌ت يێ حكمه‌تا ئافراندنێ بزانت.
إِنَّ فِي ٱخۡتِلَٰفِ ٱلَّيۡلِ وَٱلنَّهَارِ وَمَا خَلَقَ ٱللَّهُ فِي ٱلسَّمَٰوَٰتِ وَٱلۡأَرۡضِ لَأٓيَٰتٖ لِّقَوۡمٖ يَتَّقُونَ ﴿٦﴾
هندى د هاتنا ڕۆژ وشه‌ڤان دايه ل دويڤ ئێك، و د وان تشتێن عه‌جێب دا يێن خودێ د عه‌سمانان وعه‌ردى دا ئافراندين ئايه‌ت وده‌ليلێن ئاشكه‌را بۆ وى ملله‌تى هه‌نه يێ ژ عه‌زاب ونه‌ڕازيبوونا خودێ بترست.