قورئانا پیرۆز › سورەتا يونس › ئایەتا ٤٧
سورەتا يونس · ئایەتا ٤٧ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَوۡمَ يَحۡشُرُهُمۡ كَأَن لَّمۡ يَلۡبَثُوٓاْ إِلَّا سَاعَةٗ مِّنَ ٱلنَّهَارِ يَتَعَارَفُونَ بَيۡنَهُمۡۚ قَدۡ خَسِرَ ٱلَّذِينَ كَذَّبُواْ بِلِقَآءِ ٱللَّهِ وَمَا كَانُواْ مُهۡتَدِينَ ﴿٤٥﴾
وڕۆژا خودێ وان بوتپه‌ڕێسان بۆ حسێبێ كۆم دكه‌ت، هه‌ر وه‌كى ئه‌و به‌رى هنگى ژ ده‌ليڤه‌یه‌كا كورت ژ ڕۆژێ پێڤه‌تر د دنيايێ دا نه‌ماين، هنده‌ك ژ وان هنده‌كان دنیاسن كا چاوا وان د دنيايێ دا ئێك ودو دنیاسى، پاشى ئه‌و نیاسينى هاته‌بڕين وئه‌و ده‌ليڤه‌يا نیاسينییێ نه‌ما. ب ڕاستى ئه‌وێن دره‌و ب ديدارا خودێ وجزادانا وى كرى وان زيان كر، وبه‌رێ وان د وى كارى دا یێ وان كرى بۆ ڕاستییێ نه‌هاتییه‌دان.
وَإِمَّا نُرِيَنَّكَ بَعۡضَ ٱلَّذِي نَعِدُهُمۡ أَوۡ نَتَوَفَّيَنَّكَ فَإِلَيۡنَا مَرۡجِعُهُمۡ ثُمَّ ٱللَّهُ شَهِيدٌ عَلَىٰ مَا يَفۡعَلُونَ ﴿٤٦﴾
ئه‌ى پێغه‌مبه‌ر يان ئه‌م د ژينا ته دا هنده‌كێ ژ وێ يا مه گه‌ف پێ ل وان كرى دێ نيشا ته ده‌ين، يان ژى به‌رى ئه‌م وێ چه‌ندێ نيشا ته بده‌ين ئه‌م دێ ته مرينين، ڤێجا د هه‌ر دو حالان دا مه‌سه‌لا وان دێ بۆ نك مه ب تنێ زڤڕت، پاشى خودێ ل سه‌ر وى كارى يێ وان د دنيايێ دا كرى شاهده، تشته‌ك ژێ ل به‌ر وى به‌رزه نابت، وئه‌و دێ وان سه‌را جزا ده‌ت.
وَلِكُلِّ أُمَّةٖ رَّسُولٞۖ فَإِذَا جَآءَ رَسُولُهُمۡ قُضِيَ بَيۡنَهُم بِٱلۡقِسۡطِ وَهُمۡ لَا يُظۡلَمُونَ ﴿٤٧﴾
وبۆ هه‌ر ملله‌ته‌كێ به‌رى هه‌وه چووى -گه‌لى مرۆڤان- من پێغه‌مبه‌ره‌ك هنارتبوو، ڤێجا ئه‌گه‌ر ل ئاخره‌تێ پێغه‌مبه‌رێ وان هات هنگى حوكم ب دادى د ناڤبه‌را وان دا دئێته‌كرن، وزۆردارى ل وان نائێته كرن.
وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ ﴿٤٨﴾
وبوتپه‌رێسێن ملله‌تێ ته -ئه‌ى پێغه‌مبه‌ر- دبێژن: ئه‌رێ قيامه‌ت كه‌نگییه ئه‌گه‌ر تو وئه‌وێن ب دويڤ ته كه‌فتين ڕاست دبێژن كو ئه‌و دێ ئێت؟
قُل لَّآ أَمۡلِكُ لِنَفۡسِي ضَرّٗا وَلَا نَفۡعًا إِلَّا مَا شَآءَ ٱللَّهُۗ لِكُلِّ أُمَّةٍ أَجَلٌۚ إِذَا جَآءَ أَجَلُهُمۡ فَلَا يَسۡتَـٔۡخِرُونَ سَاعَةٗ وَلَا يَسۡتَقۡدِمُونَ ﴿٤٩﴾
تو -ئه‌ى پێغه‌مبه‌ر- بێژه وان: ئه‌ز نه‌شێم زيانه‌كێ ژ خۆ دوير بكه‌م، يان مفایه‌كى بگه‌هينمه خۆ، ئه‌و تێ نه‌بت يا خودێ بۆ من حه‌زكرى كو بگه‌هته من يان ژ من دوير كه‌ڤت. بۆ هه‌ر ملله‌ته‌كى ده‌مه‌ك هه‌يه ئه‌و تێدا بمرن ونه‌مينن، ڤێجا ئه‌گه‌ر ده‌مێ نه‌مانا وان هات، نه ده‌ليڤه‌یه‌كێ ئه‌و دئێنه هێلان وپاشخستن، ونه ده‌ليڤه‌یه‌كێ ئه‌و دئێته پێشخستن.