قورئانا پیرۆز › سورەتا يونس › ئایەتا ٥٢
سورەتا يونس · ئایەتا ٥٢ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ أَرَءَيۡتُمۡ إِنۡ أَتَىٰكُمۡ عَذَابُهُۥ بَيَٰتًا أَوۡ نَهَارٗا مَّاذَا يَسۡتَعۡجِلُ مِنۡهُ ٱلۡمُجۡرِمُونَ ﴿٥٠﴾
تو -ئه‌ى پێغه‌مبه‌ر- بێژه وان: بێژنه من ئه‌گه‌ر عه‌زابا خودێ ب شه‌ڤ يان ب ڕۆژ گه‌هشته هه‌وه، ڤێجا گه‌لی تاوانباران بۆچى هوين له‌زێ ل هاتنا عه‌زابێ دكه‌ن؟
أَثُمَّ إِذَا مَا وَقَعَ ءَامَنتُم بِهِۦٓۚ ءَآلۡـَٰٔنَ وَقَدۡ كُنتُم بِهِۦ تَسۡتَعۡجِلُونَ ﴿٥١﴾
ئه‌رێ پشتى عه‌زابا خودێ ب سه‌ر هه‌وه دا هاتى ژ نوى هه‌وه -گه‌لى بوتپه‌ڕێسان- باوه‌رى ئينا ل ده‌مه‌كێ باوه‌رى چو مفاى نه‌گه‌هينته هه‌وه؟ وهنگى بۆ هه‌وه هاته گۆتن: ڤێ گاڤێ هوين باوه‌رییێ پێ دئينن، و هه‌وه به‌رى هنگى له‌ز لێ دكر؟
ثُمَّ قِيلَ لِلَّذِينَ ظَلَمُواْ ذُوقُواْ عَذَابَ ٱلۡخُلۡدِ هَلۡ تُجۡزَوۡنَ إِلَّا بِمَا كُنتُمۡ تَكۡسِبُونَ ﴿٥٢﴾
پاشى بۆ وان ئه‌وێن ب كوفرا ب خودێ زۆردارى ل خۆ كرى هاته گۆتن: هوين تام بكه‌نه عه‌زابا خودێ يا به‌رده‌وام، ئه‌رێ ما ژبلی وان گونه‌هێن هه‌وه د ژينا خۆ دا كرين هوين ب تشته‌كێ دى دئێنه جزادان؟
۞وَيَسۡتَنۢبِـُٔونَكَ أَحَقٌّ هُوَۖ قُلۡ إِي وَرَبِّيٓ إِنَّهُۥ لَحَقّٞۖ وَمَآ أَنتُم بِمُعۡجِزِينَ ﴿٥٣﴾
وبوتپه‌رێسێن ملله‌تێ ته -ئه‌ى پێغه‌مبه‌ر- پسيارا عه‌زابا قيامه‌تێ ژ ته دكه‌ن، كانێ ئه‌و ڕاسته؟ تو -ئه‌ى پێغه‌مبه‌ر- بێژه وان: ئه‌رێ سويند ب خودايێ من ئه‌و ڕاستییه وگومان تێدا نينه، وهوين خودێ بێزار ناكه‌ن كو ئه‌و جاره‌كا دى هه‌وه ڕاكه‌ته ڤه وهه‌وه جزا بده‌ت؛ چونكى هوين يێن د ده‌ستێ وى دا و ل ژێر حوكمێ وى.
وَلَوۡ أَنَّ لِكُلِّ نَفۡسٖ ظَلَمَتۡ مَا فِي ٱلۡأَرۡضِ لَٱفۡتَدَتۡ بِهِۦۗ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۖ وَقُضِيَ بَيۡنَهُم بِٱلۡقِسۡطِ وَهُمۡ لَا يُظۡلَمُونَ ﴿٥٤﴾
وئه‌گه‌ر بۆ هه‌ر نه‌فسه‌كا شرك وكوفر ب خودێ كرى هه‌مى تشتێ ل عه‌ردى هه‌با، وئه‌و شيابا پێش خۆ ڤه دابا دا خۆ پێ ژ وێ عه‌زابێ بكڕت ئه‌و دا وى هه‌مییێ ده‌ت، وئه‌وێن زۆردارى كرى ده‌مێ ديتى عه‌زابا خودێ ب سه‌ر وان دا هاتى وان كه‌سه‌را خۆ داكر، وخودێ ب دادییێ حوكم د ناڤبه‌را وان دا كر، وزۆردارى ل وان نائێته‌كرن؛ چونكى خودێ كه‌سێ جزا ناده‌ت ئه‌گه‌ر ب كارێ وى نه‌بت.