قورئانا پیرۆز › سورەتا يونس › ئایەتا ٥٦
سورەتا يونس · ئایەتا ٥٦ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَوۡ أَنَّ لِكُلِّ نَفۡسٖ ظَلَمَتۡ مَا فِي ٱلۡأَرۡضِ لَٱفۡتَدَتۡ بِهِۦۗ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۖ وَقُضِيَ بَيۡنَهُم بِٱلۡقِسۡطِ وَهُمۡ لَا يُظۡلَمُونَ ﴿٥٤﴾
وئه‌گه‌ر بۆ هه‌ر نه‌فسه‌كا شرك وكوفر ب خودێ كرى هه‌مى تشتێ ل عه‌ردى هه‌با، وئه‌و شيابا پێش خۆ ڤه دابا دا خۆ پێ ژ وێ عه‌زابێ بكڕت ئه‌و دا وى هه‌مییێ ده‌ت، وئه‌وێن زۆردارى كرى ده‌مێ ديتى عه‌زابا خودێ ب سه‌ر وان دا هاتى وان كه‌سه‌را خۆ داكر، وخودێ ب دادییێ حوكم د ناڤبه‌را وان دا كر، وزۆردارى ل وان نائێته‌كرن؛ چونكى خودێ كه‌سێ جزا ناده‌ت ئه‌گه‌ر ب كارێ وى نه‌بت.
أَلَآ إِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۗ أَلَآ إِنَّ وَعۡدَ ٱللَّهِ حَقّٞ وَلَٰكِنَّ أَكۡثَرَهُمۡ لَا يَعۡلَمُونَ ﴿٥٥﴾
نێ هه‌ر تشته‌كێ ل عه‌سمانان وهه‌ر تشته‌كێ ل عه‌ردى ملكێ خودێیه، تشته‌ك ژ وان يێ كه‌سێ دى نينه. نێ هندى ديدار وعه‌زابا خودێیه هه‌ر ب سه‌ر بوتپه‌رێسان دا دێ ئێت، به‌لێ پترییا وان ڕاستییا وێ چه‌ندێ نزانن.
هُوَ يُحۡيِۦ وَيُمِيتُ وَإِلَيۡهِ تُرۡجَعُونَ ﴿٥٦﴾
هندى خودێیه ئه‌وه ژينێ ومرنێ دده‌ت، ل به‌ر وى يا ب زه‌حمه‌ت نينه مرییان پشتى مرنێ زێندى بكه‌ته‌ڤه، ومراندنا وان ژى ل به‌ر وى ئه‌گه‌ر وى ئه‌و چه‌نده ڤيا، يا ب زه‌حمه‌ت نينه، وئه‌و پشتى مرنێ دێ زڤڕنه نك وى.
يَـٰٓأَيُّهَا ٱلنَّاسُ قَدۡ جَآءَتۡكُم مَّوۡعِظَةٞ مِّن رَّبِّكُمۡ وَشِفَآءٞ لِّمَا فِي ٱلصُّدُورِ وَهُدٗى وَرَحۡمَةٞ لِّلۡمُؤۡمِنِينَ ﴿٥٧﴾
گه‌لی مرۆڤان ب ڕاستى شيره‌ته‌ك ژ خودايێ هه‌وه بۆ هه‌وه هات بيرا هه‌وه ل عه‌زابا خودێ بينته‌ڤه وهه‌وه ژ گه‌فا وى بترسينت، كو قورئانه وئه‌و ئايه‌ت وشيره‌تێن تێدا هاتين، وده‌رمانێ نه‌زانينێ وشركێ وهه‌مى ده‌ردان بۆ دلان تێدا هه‌يه، وئه‌و ڕێنيشانده‌ره بۆ وى يێ دويكه‌فتنا وێ شيره‌تێ بكه‌ت ووى ژ تێچوونێ ڕزگار دكه‌ت، خودێ ئه‌و كره قه‌نجى ودلۆڤانى بۆ خودان باوه‌ران، وبه‌حسێ ڤان ب تایبه‌تى هاته‌كرن؛ چونكى ئه‌و مفایى بۆ خۆ ژێ دبینن، وكافران ژ وێ دكۆره‌نه.
قُلۡ بِفَضۡلِ ٱللَّهِ وَبِرَحۡمَتِهِۦ فَبِذَٰلِكَ فَلۡيَفۡرَحُواْ هُوَ خَيۡرٞ مِّمَّا يَجۡمَعُونَ ﴿٥٨﴾
تو -ئه‌ى پێغه‌مبه‌ر- بێژه: بلا كه‌يفا وان ب قه‌نجى ودلۆڤانییا خودێ بێت، كو ئيسلامه ئه‌و هيدايه‌ت ودينێ حه‌ق يێ خودێ دايه وان؛ چونكى ئه‌و ئيسلاما خودێ به‌رێ وان دايێ، وئه‌و قورئانا وى بۆ موحه‌ممه‌دى سلاڤ لێ بن هنارتى چێتره ژ وێ يا ئه‌و كۆم دكه‌ن ژ په‌رتالێ دنيايێ يێ كو دێ پويچ بت.