قورئانا پیرۆز › سورەتا يونس › ئایەتا ٦٣
سورەتا يونس · ئایەتا ٦٣ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَا تَكُونُ فِي شَأۡنٖ وَمَا تَتۡلُواْ مِنۡهُ مِن قُرۡءَانٖ وَلَا تَعۡمَلُونَ مِنۡ عَمَلٍ إِلَّا كُنَّا عَلَيۡكُمۡ شُهُودًا إِذۡ تُفِيضُونَ فِيهِۚ وَمَا يَعۡزُبُ عَن رَّبِّكَ مِن مِّثۡقَالِ ذَرَّةٖ فِي ٱلۡأَرۡضِ وَلَا فِي ٱلسَّمَآءِ وَلَآ أَصۡغَرَ مِن ذَٰلِكَ وَلَآ أَكۡبَرَ إِلَّا فِي كِتَٰبٖ مُّبِينٍ ﴿٦١﴾
وتو -ئه‌ى پێغه‌مبه‌ر- د كاره‌كى ژ كارێن خۆ دا نابى، وتو چو ئايه‌تان ژ قورئانێ ناخوينى، وكه‌سه‌ك ژ ڤێ ئوممه‌تێ كاره‌كى ناكه‌ت چ يێ باش بت چ يێ خراب، ئه‌گه‌ر ئه‌م ل سه‌ر هه‌وه شاهد نه‌بين ونه‌زانين ده‌مێ هوين ده‌ست دده‌نه وی كاری، ڤێجا ئه‌م وى كارى ل سه‌ر هه‌وه دنڤيسين ودێ هه‌وه سه‌را جزا ده‌ين، وتشته‌ك ژ زانينا خودايێ ته -ئه‌ى پێغه‌مبه‌ر- به‌رزه نابت، ژ گرانییا مێرییه‌كا هوير ل عه‌ردى وحه‌تا ل عه‌سمانى، وتشتێ ژ هه‌مییان بچويكتر حه‌تا يێ ژ هه‌مییان مه‌زنتر، ئه‌و هه‌مى د كيتابه‌كا ئاشكه‌را دانه ل نك خودايێ ته، زانينا وى دۆر لێ گرتییه وقه‌له‌مێ وى ئه‌و نڤيسییه.
أَلَآ إِنَّ أَوۡلِيَآءَ ٱللَّهِ لَا خَوۡفٌ عَلَيۡهِمۡ وَلَا هُمۡ يَحۡزَنُونَ ﴿٦٢﴾
نێ هندى وه‌لییێن خودێنه چو ترس ژ عه‌زابا خودێ ل ئاخره‌تێ ل سه‌ر وان نينه، وئه‌و ب خه‌م ناكه‌ڤن ل سه‌ر وێ بارا د دنيايێ دا نه‌گه‌هشتییه وان.
ٱلَّذِينَ ءَامَنُواْ وَكَانُواْ يَتَّقُونَ ﴿٦٣﴾
و ژ سالۆخه‌تێن ڤان وه‌لییان ئه‌وه وان باوه‌رى ب خودێ ئينايه ودويكه‌فتنا پێغه‌مبه‌رێ وى كرییه د وى تشتى دا يێ ئه‌و پێ ژ نك خودێ هاتى، ووان ته‌قوایا خودێ دكر وفه‌رمانێن وى ب جهـ دئينان.
لَهُمُ ٱلۡبُشۡرَىٰ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۚ لَا تَبۡدِيلَ لِكَلِمَٰتِ ٱللَّهِۚ ذَٰلِكَ هُوَ ٱلۡفَوۡزُ ٱلۡعَظِيمُ ﴿٦٤﴾
بۆ ڤان وه‌لییان مزگينى د ژينا دنيايێ دا هه‌يه ب وى تشتێ وان پێ خۆش بت، وخه‌ونا باش یا ئه‌و ب خۆ ڤه دبینن یان هنده‌ك پێڤه دبینن ژ ڤێیه، ومزگینى ل ئاخره‌تێ ب به‌حه‌شتێ بۆ وان هه‌یه، خودێ سۆزا خۆ ناگوهۆڕت ولێڤه نابت، ئه‌ڤه‌يه سه‌ركه‌فتنا مه‌زن؛ چونكى ڕزگارییا ژ هه‌ر نه‌خۆشییه‌كێ و ب ده‌ستڤه‌ئينانا هه‌ر داخوازه‌كێ تێدا هه‌يه.
وَلَا يَحۡزُنكَ قَوۡلُهُمۡۘ إِنَّ ٱلۡعِزَّةَ لِلَّهِ جَمِيعًاۚ هُوَ ٱلسَّمِيعُ ٱلۡعَلِيمُ ﴿٦٥﴾
وگۆتنا بوتپه‌رێسان يا ژ دره‌و د ده‌رحه‌قا خودێ دا وپه‌رستنا وان بۆ صه‌نه‌مان د گه‌ل خودێ بلا ته -ئه‌ى پێغه‌مبه‌ر- ب خه‌م نه‌ئێخت؛ چونكى هێز وشيانا تمام د دنيايێ وئاخره‌تێ دا يا خودێ ب تنێیه، وئه‌و گوهدێرێ گۆتنێن وانه، ب ئنيه‌ت وكريارێن وان يێ پڕزانايه.