قورئانا پیرۆز › سورەتا يونس › ئایەتا ٦٩
سورەتا يونس · ئایەتا ٦٩ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
هُوَ ٱلَّذِي جَعَلَ لَكُمُ ٱلَّيۡلَ لِتَسۡكُنُواْ فِيهِ وَٱلنَّهَارَ مُبۡصِرًاۚ إِنَّ فِي ذَٰلِكَ لَأٓيَٰتٖ لِّقَوۡمٖ يَسۡمَعُونَ ﴿٦٧﴾
گه‌لی مرۆڤان خودێیه شه‌ڤ دایه هه‌وه دا هوين تێدا ڤه‌حه‌ويێن و ژ بزاڤكرنا بۆ ژيارێ ته‌نا ببن، ووى ڕۆژا دايه هه‌وه؛ دا هوين تێدا ببنه خودان ديتن، وبه‌رگه‌ڕيانا ڕزقێ خۆ بكه‌ن. د ژێكجودابوونا شه‌ڤ وڕۆژان دا، و د گوهۆڕينا حالێ خه‌لكى دا ل شه‌ڤێ وڕۆژێ، ده‌ليل وهێجه‌ت بۆ وى ملله‌تى هه‌نه يێ گوهـ بده‌ته ده‌ليلان وهزرا خۆ تێدا بكه‌ت كو خودێ ب تنێ هێژاى په‌رستنێیه.
قَالُواْ ٱتَّخَذَ ٱللَّهُ وَلَدٗاۗ سُبۡحَٰنَهُۥۖ هُوَ ٱلۡغَنِيُّۖ لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۚ إِنۡ عِندَكُم مِّن سُلۡطَٰنِۭ بِهَٰذَآۚ أَتَقُولُونَ عَلَى ٱللَّهِ مَا لَا تَعۡلَمُونَ ﴿٦٨﴾
بوتپه‌رێسان گۆت: خودێ زارۆیه‌ك هه‌يه، وه‌كى وان گۆتى: ملياكه‌ت كچێن خودێنه، يان مه‌سيح كوڕێ خودێیه. خودێ ژ وێ هه‌مییێ يێ پاك وپيرۆز بت، ئه‌و يێ ده‌وله‌مه‌ند وبێ منه‌ته ژ هه‌ر تشته‌كى، هه‌ر تشته‌كێ ل عه‌سمانان وعه‌ردى يێ وییه، ڤێجا چاوا ژ تشێن وى ئافراندين وى زارۆیه‌ك دێ هه‌بت وهه‌مى تشت يێن وينه؟ وهه‌وه چو ده‌ليل ل سه‌ر ڤێ دره‌وێ نينن يا هوين دكه‌ن، ئه‌رێ هوين وى تشتێ چو ژێ نه‌زانن ل سه‌ر ناڤێ خودێ دبێژن؟
قُلۡ إِنَّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ لَا يُفۡلِحُونَ ﴿٦٩﴾
تو بێژه: هندى ئه‌ون يێن دره‌وێ ژ كيسێ خودێ دكه‌ن كو زارۆیه‌كى بۆ وى ددانن وشريكان بۆ چێ دكه‌ن، نه ل دنيايێ ونه ل ئاخره‌تێ ئه‌و ناگه‌هنه مرادا خۆ.
مَتَٰعٞ فِي ٱلدُّنۡيَا ثُمَّ إِلَيۡنَا مَرۡجِعُهُمۡ ثُمَّ نُذِيقُهُمُ ٱلۡعَذَابَ ٱلشَّدِيدَ بِمَا كَانُواْ يَكۡفُرُونَ ﴿٧٠﴾
هه‌ما ئه‌و خۆشییه‌كا كورت ب كوفر ودره‌وا خۆ د دنيايێ دا دبه‌ن، پاشى ئه‌گه‌ر ده‌مێ وان ب دويماهى هات ئه‌و دێ زڤڕنه نك مه، پاشى ئه‌م دێ عه‌زابا جه‌هنه‌مێ ده‌ينه وان ژ به‌ر كوفرا وان ب خودێ ونه‌باوه‌رى ئينانا وان ب پێغه‌مبه‌رێن خودێ، وئايه‌تێن وى.
۞وَٱتۡلُ عَلَيۡهِمۡ نَبَأَ نُوحٍ إِذۡ قَالَ لِقَوۡمِهِۦ يَٰقَوۡمِ إِن كَانَ كَبُرَ عَلَيۡكُم مَّقَامِي وَتَذۡكِيرِي بِـَٔايَٰتِ ٱللَّهِ فَعَلَى ٱللَّهِ تَوَكَّلۡتُ فَأَجۡمِعُوٓاْ أَمۡرَكُمۡ وَشُرَكَآءَكُمۡ ثُمَّ لَا يَكُنۡ أَمۡرُكُمۡ عَلَيۡكُمۡ غُمَّةٗ ثُمَّ ٱقۡضُوٓاْ إِلَيَّ وَلَا تُنظِرُونِ ﴿٧١﴾
وتو -ئه‌ى پێغه‌مبه‌ر- به‌حسێ نووحى سلاڤ لێ بن د گه‌ل ملله‌تێ وى بۆ كافرێن (مه‌كه‌هێ) بكه، ده‌مێ وى گۆتییه وان: ئه‌گه‌ر مانا من د ناڤ هه‌وه دا وبيرئينانا من بۆ هه‌وه ب ئايه‌ت وده‌ليلێن خودێ ل سه‌ر هه‌وه يا گران ومه‌زن بت، من يێ خۆ هێلايه ب هيڤییا خودێ ڤه، ڤێجا هوين كارێ خۆ بكه‌ن، وگازى هه‌ڤپشكێن خۆ بكه‌ن، پاشى كارێ خۆ ل به‌ر خۆ ئاشكه‌را بكه‌ن ونه‌ڤه‌شێرن، پاشى هوين وێ عه‌زاب ونه‌خۆشییێ بده‌نه به‌ر من يا هه‌وه دڤێت، وهوين دانه‌كێ ب تنێ ژى ژ ڕۆژێ من ڤه‌نه‌‌هێلن.