قورئانا پیرۆز › سورەتا يونس › ئایەتا ٧٦
سورەتا يونس · ئایەتا ٧٦ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ثُمَّ بَعَثۡنَا مِنۢ بَعۡدِهِۦ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَمَا كَانُواْ لِيُؤۡمِنُواْ بِمَا كَذَّبُواْ بِهِۦ مِن قَبۡلُۚ كَذَٰلِكَ نَطۡبَعُ عَلَىٰ قُلُوبِ ٱلۡمُعۡتَدِينَ ﴿٧٤﴾
پاشى پشتى نووحى مه هنده‌ك پێغه‌مبه‌ر (وه‌كى هوود وصالح وئيبراهيم ولووط وشوعه‌يبى وهنده‌كێن دى) بۆ ملله‌تێن وان هنارتن، ڤێجا هه‌ر پێغه‌مبه‌ره‌ك ب نيشانێن ئاشكه‌را ل سه‌ر پێغه‌مبه‌رينییا خۆ بۆ ملله‌تێ خۆ هات، ڤێجا نه‌بوويه كو ئه‌و باوه‌رییێ ب وێ بينن يا ملله‌تێ نووحى ويێن به‌رى وان دره‌و پێ كرى. وكانێ چاوا خودێ خه‌تم ل دلێن ڤان ملله‌تان دا ڤێجا وان باوه‌رى نه‌ئينا، وه‌سا خودێ خه‌تمێ ل دلێن وان ژى دده‌ت يێن وه‌كى وان وپشتى وان هاتين ژ وان يێن پێ ل توخويبێن خودێ داناى، وگوهدارییا پێغه‌مبه‌رێن خۆ نه‌كرى د وى تشتى دا يێ وان به‌رێ وان دايێ، وه‌ك جزا بۆ وان ژ به‌ر گونه‌هێن وان.
ثُمَّ بَعَثۡنَا مِنۢ بَعۡدِهِم مُّوسَىٰ وَهَٰرُونَ إِلَىٰ فِرۡعَوۡنَ وَمَلَإِيْهِۦ بِـَٔايَٰتِنَا فَٱسۡتَكۡبَرُواْ وَكَانُواْ قَوۡمٗا مُّجۡرِمِينَ ﴿٧٥﴾
پاشى پشتى وان پێغه‌مبه‌ران مه مووسا وهاروون سلاڤ ل هه‌ر دووان بن بۆ فيرعه‌ونى ومه‌زنێن ملله‌تێ وى ب ئايه‌تێن ڕاستییا وان بگه‌هينن هنارتن، ئينا وان خۆ ژ قه‌بويلكرنا حه‌قییێ مه‌زنتر لێكر، وئه‌و ملله‌ته‌كێ بوتپه‌رێس وتاوانبار ودره‌وكه‌ر بوون.
فَلَمَّا جَآءَهُمُ ٱلۡحَقُّ مِنۡ عِندِنَا قَالُوٓاْ إِنَّ هَٰذَا لَسِحۡرٞ مُّبِينٞ ﴿٧٦﴾
ڤێجا ده‌مێ ئه‌و حه‌قییا مووسا پێ هاتى بۆ فيرعه‌ونى وملله‌تێ وى هاتى وان گۆت: ئه‌و ئايه‌تێن مووسا پێ هاتى هه‌ما سێره‌به‌ندییه‌كا ئاشكه‌رايه.
قَالَ مُوسَىٰٓ أَتَقُولُونَ لِلۡحَقِّ لَمَّا جَآءَكُمۡۖ أَسِحۡرٌ هَٰذَا وَلَا يُفۡلِحُ ٱلسَّـٰحِرُونَ ﴿٧٧﴾
مووساى ب مه‌نده‌هۆشى ڤه ژ گۆتنا وان گۆت: ئه‌رێ هوين دبێژنه حه‌قییێ ده‌مێ بۆ هه‌وه هاتى: ئه‌و سێره‌به‌ندییه‌كا ئاشكه‌رايه؟ به‌رێ خۆ بده‌نه سالۆخه‌تێن وێ يا بۆ هه‌وه هاتى دێ بينن ئه‌و حه‌قییه. وسێره‌به‌ند ب مراد ناكه‌ڤن، و ل دنيايێ وئاخره‌تێ ب سه‌رناكه‌ڤن.
قَالُوٓاْ أَجِئۡتَنَا لِتَلۡفِتَنَا عَمَّا وَجَدۡنَا عَلَيۡهِ ءَابَآءَنَا وَتَكُونَ لَكُمَا ٱلۡكِبۡرِيَآءُ فِي ٱلۡأَرۡضِ وَمَا نَحۡنُ لَكُمَا بِمُؤۡمِنِينَ ﴿٧٨﴾
وفيرعه‌ونى وملله‌تێ وى گۆته مووساى: ئه‌رێ تو هاتى دا به‌رێ مه ژ په‌رستنا وى تشتى وه‌رگێڕى يێ مه بابێن خۆ ل سه‌ر ديتى، ودا مه‌زنى وده‌سهه‌لاتدارى د عه‌ردێ (مصرێ) دا بۆ ته وهاروونى بت؟ وئه‌م باوه‌رییێ نائينين كو هوين هه‌ردو پێغه‌مبه‌رن بۆ مه هاتينه هنارتن؛ دا ئه‌م په‌رستنا خودێ ب تنێ بكه‌ين.