قورئانا پیرۆز › سورەتا يونس › ئایەتا ٨٧
سورەتا يونس · ئایەتا ٨٧ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَقَالُواْ عَلَى ٱللَّهِ تَوَكَّلۡنَا رَبَّنَا لَا تَجۡعَلۡنَا فِتۡنَةٗ لِّلۡقَوۡمِ ٱلظَّـٰلِمِينَ ﴿٨٥﴾
ئينا ملله‌تێ مووساى گۆته وى: مه خۆ هێلا ب هيڤییا خودێ ب تنێ ڤه، ومه كارێ خۆ هلپسارته وى، خودايێ مه تو وان ب سه‌ر مه نه‌ئێخه ڤێجا ئه‌و چه‌نده بۆ مه ببته فتنه د دينى دا، یان كافر ب سه‌ركه‌فتنا وان د سه‌ر دا بچن وبێژن: ئه‌گه‌ر ئه‌ڤه ل سه‌ر حه‌قییێ بانه نه‌دشكه‌ستن.
وَنَجِّنَا بِرَحۡمَتِكَ مِنَ ٱلۡقَوۡمِ ٱلۡكَٰفِرِينَ ﴿٨٦﴾
و ب دلۆڤانییا خۆ تو مه ژ ملله‌تێ كافر ژ فيرعه‌ونى وده‌سته‌كا وى ڕزگار بكه؛ چونكى وان ئه‌و ب كارێن زه‌حمه‌ت دوه‌ستاندن.
وَأَوۡحَيۡنَآ إِلَىٰ مُوسَىٰ وَأَخِيهِ أَن تَبَوَّءَا لِقَوۡمِكُمَا بِمِصۡرَ بُيُوتٗا وَٱجۡعَلُواْ بُيُوتَكُمۡ قِبۡلَةٗ وَأَقِيمُواْ ٱلصَّلَوٰةَۗ وَبَشِّرِ ٱلۡمُؤۡمِنِينَ ﴿٨٧﴾
ومه وه‌حى بۆ مووساى وبرايێ وى هاروونى هنارت كو هوين هنده‌ك خانییان بۆ ملله‌تێ خۆ ل (مصرێ) بدانن دا ئه‌و بۆ هه‌وه ببنه جهێ خۆپاراستن وڤه‌حه‌ويانێ، وهوين خانییێن خۆ بكه‌نه جهێ كرنا نڤێژان ل ده‌مێ ترسێ، وهوين نڤێژێن فه‌ر ل ده‌مێن وان بكه‌ن. وتو مزگينییێ ب سه‌ركه‌فتنا مسۆگه‌ر و ب خێره‌كا مه‌زن ژ خودێ بده وان خودان باوه‌رێن گوهدارییا خودێ دكه‌ن.
وَقَالَ مُوسَىٰ رَبَّنَآ إِنَّكَ ءَاتَيۡتَ فِرۡعَوۡنَ وَمَلَأَهُۥ زِينَةٗ وَأَمۡوَٰلٗا فِي ٱلۡحَيَوٰةِ ٱلدُّنۡيَا رَبَّنَا لِيُضِلُّواْ عَن سَبِيلِكَۖ رَبَّنَا ٱطۡمِسۡ عَلَىٰٓ أَمۡوَٰلِهِمۡ وَٱشۡدُدۡ عَلَىٰ قُلُوبِهِمۡ فَلَا يُؤۡمِنُواْ حَتَّىٰ يَرَوُاْ ٱلۡعَذَابَ ٱلۡأَلِيمَ ﴿٨٨﴾
ومووساى گۆت: خودايێ مه ته خه‌مل ومال د ژينا دنيايێ دا يێ دايه فيرعه‌ونى ومه‌زنێن ملله‌تێ وى، ووان شوكرا ته نه‌كرییه، به‌لكى وان ئه‌و مال بۆ د سه‌ر دا برنا خه‌لكى ب كارئينایه، خودايێ مه تو مالێ وان پويچ كه؛ دا ئه‌و مفایى ژێ نه‌بينن، وتو خه‌تمێ ل دلێن وان بده؛ دا ئه‌و بۆ باوه‌رییێ فره‌هـ نه‌بن، چونكى ئه‌و باوه‌رییێ نائينن حه‌تا ئه‌و عه‌زابا دژوار و ب ئێش نه‌بينن.
قَالَ قَدۡ أُجِيبَت دَّعۡوَتُكُمَا فَٱسۡتَقِيمَا وَلَا تَتَّبِعَآنِّ سَبِيلَ ٱلَّذِينَ لَا يَعۡلَمُونَ ﴿٨٩﴾
خودێ گۆته وان: ب ڕاستى نفرينا هه‌وه هه‌ر دووان ب جهـ هات، وئه‌و ب خۆ مووساى نفرين دكر، وهاروونى دگۆت: ئامين، له‌و نفرين بۆ هه‌ر دووان هاته پالدان، ڤێجا هوين بميننه ل سه‌ر دينێ خۆ، وبه‌رده‌وامییێ بده‌نه گازییا خۆ بۆ فيرعه‌ونى وملله‌تێ وى، وهوين دويچوونا ڕێكا وى نه‌كه‌ن يێ ڕاستییا سۆز وگه‌فا من نه‌زانت.