قورئانا پیرۆز › سورەتا يونس › ئایەتا ٩٢
سورەتا يونس · ئایەتا ٩٢ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞وَجَٰوَزۡنَا بِبَنِيٓ إِسۡرَـٰٓءِيلَ ٱلۡبَحۡرَ فَأَتۡبَعَهُمۡ فِرۡعَوۡنُ وَجُنُودُهُۥ بَغۡيٗا وَعَدۡوًاۖ حَتَّىٰٓ إِذَآ أَدۡرَكَهُ ٱلۡغَرَقُ قَالَ ءَامَنتُ أَنَّهُۥ لَآ إِلَٰهَ إِلَّا ٱلَّذِيٓ ءَامَنَتۡ بِهِۦ بَنُوٓاْ إِسۡرَـٰٓءِيلَ وَأَنَا۠ مِنَ ٱلۡمُسۡلِمِينَ ﴿٩٠﴾
ومه ده‌ريا ب ئسرائيلیان دا بڕين حه‌تا ئه‌و ژێ ده‌رباس بووين، وفيرعه‌ونى وله‌شكه‌رێ وى ژ زۆردارى وته‌عدايى دا ب دويڤ وان ڤه، ووان ژى دا ده‌ريايێ، حه‌تا ده‌مێ خندقين ب فيرعه‌ونى ڕا گه‌هشتى وى گۆت: من باوه‌رى ئينا كو ژ وى خودايى پێڤه‌تر يێ ئسرائيلیان باوه‌رى پێ ئيناى چو خواديێن دى يێن حه‌ق نينن، وئه‌ز ژ وانم يێن باوه‌رى ب ته‌وحيدێ ئيناى وخۆ ب ده‌ست خودێ ڤه به‌رداى.
ءَآلۡـَٰٔنَ وَقَدۡ عَصَيۡتَ قَبۡلُ وَكُنتَ مِنَ ٱلۡمُفۡسِدِينَ ﴿٩١﴾
ژ نوى ئه‌ى فيرعه‌ون، پشتى مرن ب سه‌ر ته دا هاتى تو باوه‌رییێ ب خودێ دئينى، وبه‌رى عه‌زابا خودێ بگه‌هته ته ته گوهدارییا وى نه‌دكر، وتو ژ وان خرابكاران بووى يێن به‌رێ خه‌لكى ژ ڕێكا وى ددا پاش!!
فَٱلۡيَوۡمَ نُنَجِّيكَ بِبَدَنِكَ لِتَكُونَ لِمَنۡ خَلۡفَكَ ءَايَةٗۚ وَإِنَّ كَثِيرٗا مِّنَ ٱلنَّاسِ عَنۡ ءَايَٰتِنَا لَغَٰفِلُونَ ﴿٩٢﴾
ڤێجا ئه‌ڤرۆ ئه‌م دێ له‌شێ ته دانينه سه‌ر جهه‌كێ بلند ژ عه‌ردى؛ دا هه‌چییێ باوه‌ر نه‌كه‌ت كو تو يێ مرى ته ببينت؛ ودا تو بۆ وان مرۆڤێن پشتى ته ژى دئێن ببییه عيبره‌ت ونيشان. وهندى پترییا مرۆڤانه ژ هێجه‌ت وده‌ليلێن مه دبێ ئاگه‌هن، هزرا خۆ تێدا ناكه‌ن ومفایى بۆ خۆ ژێ وه‌رناگرن.
وَلَقَدۡ بَوَّأۡنَا بَنِيٓ إِسۡرَـٰٓءِيلَ مُبَوَّأَ صِدۡقٖ وَرَزَقۡنَٰهُم مِّنَ ٱلطَّيِّبَٰتِ فَمَا ٱخۡتَلَفُواْ حَتَّىٰ جَآءَهُمُ ٱلۡعِلۡمُۚ إِنَّ رَبَّكَ يَقۡضِي بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ ﴿٩٣﴾
و ب ڕاستى مه ئسرائيلی ل جهه‌كێ چاك وهلبژارتى ل وه‌لاتێ (شامێ ومصرێ) دانان، ومه ژ ڕزقه‌كێ حه‌لال وپاقژ يێ كو ژ عه‌ردێ پيرۆز ده‌ردكه‌ڤت دا وان، ڤێجا ئه‌و د مه‌سه‌لا دينێ خۆ دا ژێك جودا نه‌بوون حه‌تا ئه‌و زانين بۆ وان هاتى يا كو پێتڤى بوو ئه‌و وان بگه‌هينته ئێك، و ژ وێ زانينێ به‌حسێ هاتنا موحه‌ممه‌دى بوو سلاڤ لێ بن، يا كو د ته‌وراتێ دا هاتى. هندى خودايێ ته‌يه -ئه‌ى پێغه‌مبه‌ر- ڕۆژا ڕابوونێ دێ حوكمى د وى تشتى دا د ناڤبه‌را وان دا كه‌ت يێ ئه‌و تێدا ژێك جودا بووين.
فَإِن كُنتَ فِي شَكّٖ مِّمَّآ أَنزَلۡنَآ إِلَيۡكَ فَسۡـَٔلِ ٱلَّذِينَ يَقۡرَءُونَ ٱلۡكِتَٰبَ مِن قَبۡلِكَۚ لَقَدۡ جَآءَكَ ٱلۡحَقُّ مِن رَّبِّكَ فَلَا تَكُونَنَّ مِنَ ٱلۡمُمۡتَرِينَ ﴿٩٤﴾
ڤێجا ئه‌گه‌ر تو -ئه‌ى پێغه‌مبه‌ر- د گومانێ دا بى ژ ڕاستییا وى تشتى يێ مه بۆ ته گۆتى، تو پسيارا وان بكه يێن به‌رى ته كيتاب خواندى ژ خودانێن ته‌وراتێ وئنجيلێ، هندى ئه‌و چه‌نده‌يه د كيتابێن وان دا هاتییه، حه‌قى ژ خودايێ ته بۆ ته هاتییه كو تو پێغه‌مبه‌رێ خودێ یى، وئه‌ڤ جوهى وفه‌له ڕاستییا ڤێ چه‌ندێ دزانن، وسالۆخه‌تێن ته د كيتابێن خۆ دا دبينن، به‌لێ كافرییێ پێ دكه‌ن، ڤێجا تو ژ وان نه‌به يێن خۆ د ڕاستى ودورستییا ڤێ چه‌ندێ دا ب گومان دئێخن. وئارمانج ژ ڤێ ئایه‌تێ ئه‌وه ب شاهدییا جوهى وفه‌لێن كیتابى چو هێجه‌ت بۆ بوتپه‌ڕێسان نه‌مینت.