قورئانا پیرۆز › سورەتا يوسف › ئایەتا ١١
سورەتا يوسف · ئایەتا ١١ ب تەفسیرا کوردی
Yusuf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱقۡتُلُواْ يُوسُفَ أَوِ ٱطۡرَحُوهُ أَرۡضٗا يَخۡلُ لَكُمۡ وَجۡهُ أَبِيكُمۡ وَتَكُونُواْ مِنۢ بَعۡدِهِۦ قَوۡمٗا صَٰلِحِينَ ﴿٩﴾
هوين يووسفى بكوژن يان ژى وى بهاڤێنه عه‌رده‌كێ دوير ژ ئاڤاهییان، ڤيانا بابێ هه‌وه بۆ هه‌وه ب تنێ دێ مينت ودێ به‌رێ وى كه‌فته هه‌وه، وهوين پشتى كوشتنا يووسفى یان دویركرنا وى دێ زڤڕن تۆبه كه‌ن، وداخوازێ ژ خودێ كه‌ن كو ئه‌و گونه‌ها هه‌وه ژێ ببه‌ت.
قَالَ قَآئِلٞ مِّنۡهُمۡ لَا تَقۡتُلُواْ يُوسُفَ وَأَلۡقُوهُ فِي غَيَٰبَتِ ٱلۡجُبِّ يَلۡتَقِطۡهُ بَعۡضُ ٱلسَّيَّارَةِ إِن كُنتُمۡ فَٰعِلِينَ ﴿١٠﴾
ئێكى ژ برايێن يووسفى گۆت: هوين يووسفى نه‌كوژن به‌لێ وى بهاڤێنه د بنێ بيره‌كێ دا، هنده‌ك كاروانییێن ڕێڤنگ دێ وى بۆ خۆ هه‌لينن وبه‌ن وهوين دێ ژ وى ڕحه‌ت بن، وهه‌وجه ناكه‌ت هوين وى بكوژن، ئه‌گه‌ر ڕاسته هه‌وه ئه‌و كربته دلێ خۆ يا هوين دبێژن.
قَالُواْ يَـٰٓأَبَانَا مَا لَكَ لَا تَأۡمَ۬نَّا عَلَىٰ يُوسُفَ وَإِنَّا لَهُۥ لَنَٰصِحُونَ ﴿١١﴾
برايێن يووسفى -پشتى ل سه‌ر هندێ كۆم بووين كو وى دوير بكه‌ن- گۆتن: ئه‌ى بابێ مه، بۆچى باوه‌رییا ته نائێت تو يووسفى بهێلییه ب هيڤییا مه ڤه وئه‌م برايێن وينه، ومه خێرا وى دڤێت ودێ چاڤێ خۆ ده‌ينێ، ودێ شيره‌تێن باش لێ كه‌ين؟
أَرۡسِلۡهُ مَعَنَا غَدٗا يَرۡتَعۡ وَيَلۡعَبۡ وَإِنَّا لَهُۥ لَحَٰفِظُونَ ﴿١٢﴾
سوباهى تو وى د گه‌ل مه فڕێكه چه‌روانى، بلا ئه‌و بێت وبچت وكه‌یفێ بكه‌ت، وبلا ئه‌و بۆ خۆ يارییان بكه‌ت، وهندى ئه‌مين ئه‌م دێ وى ژ هه‌ر تشته‌كێ تو ژێ بترسى پارێزين.
قَالَ إِنِّي لَيَحۡزُنُنِيٓ أَن تَذۡهَبُواْ بِهِۦ وَأَخَافُ أَن يَأۡكُلَهُ ٱلذِّئۡبُ وَأَنتُمۡ عَنۡهُ غَٰفِلُونَ ﴿١٣﴾
يه‌عقووبى گۆت: بۆ من نه‌خۆشه هوين وى ببه‌نه چه‌روانى وصه‌برا من نائێت ئه‌و ل نك من نه‌بت، وئه‌ز دترسم هوين ژێ غافل ببن ڤێجا گورگ وى بخۆت.