قورئانا پیرۆز › سورەتا يوسف › ئایەتا ٥٩
سورەتا يوسف · ئایەتا ٥٩ ب تەفسیرا کوردی
Yusuf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَأَجۡرُ ٱلۡأٓخِرَةِ خَيۡرٞ لِّلَّذِينَ ءَامَنُواْ وَكَانُواْ يَتَّقُونَ ﴿٥٧﴾
وخێرا ئاخره‌تێ ل نك خودێ ژ يا دنيايێ چێتره بۆ خودانێن باوه‌رییێ وته‌قوايێ ئه‌وێن ژ عه‌زابا خودێ دترسن، وگوهدارییا ئه‌مر و فه‌رمانێن وى دكه‌ن.
وَجَآءَ إِخۡوَةُ يُوسُفَ فَدَخَلُواْ عَلَيۡهِ فَعَرَفَهُمۡ وَهُمۡ لَهُۥ مُنكِرُونَ ﴿٥٨﴾
وبرايێن يووسفى هاتنه (مصرێ) -پشتى هشكاتى وخه‌لا ل عه‌ردێ وان په‌يدابووى-؛ دا قويتى بۆ خۆ ببه‌ن، وئه‌و چوونه نك وى ووى ژ زیره‌كییا خۆ ئه‌و نیاسين، به‌لێ ژ به‌ر سالێن درێژ ووێ گوهۆڕينا ب سه‌ر يووسفى دا هاتى وان ئه‌و نه‌نیاسى.
وَلَمَّا جَهَّزَهُم بِجَهَازِهِمۡ قَالَ ٱئۡتُونِي بِأَخٖ لَّكُم مِّنۡ أَبِيكُمۡۚ أَلَا تَرَوۡنَ أَنِّيٓ أُوفِي ٱلۡكَيۡلَ وَأَنَا۠ خَيۡرُ ٱلۡمُنزِلِينَ ﴿٥٩﴾
ويووسفى فه‌رمان دا قه‌درێ وان بێته‌گرتن، ومێڤاندارییه‌كا هه‌ژى بۆ وان بێته‌كرن، پاشى كانێ وان چه‌ند قويت داخوازكر وى هند دايێ، ووان گۆتبوو وى كو وان برابابه‌كێ هه‌ى -مه‌خسه‌دا وان بنیامین بوو كو برايێ يووسفى يێ دايبابی بوو- به‌لێ وان ئه‌و د گه‌ل خۆ نه‌ئينايه، ئينا يووسفى گۆت: برايێ خۆ يێ ژ بابێ ژى ڤه د گه‌ل خۆ بينن، ئه‌رێ ما هوين نابينن من پيڤان ب تمامى بۆ هه‌وه پێك ئينا ومن قه‌درێ هه‌وه باش گرت، وئه‌ز بۆ هه‌وه چێترين مێڤان حه‌وينم؟
فَإِن لَّمۡ تَأۡتُونِي بِهِۦ فَلَا كَيۡلَ لَكُمۡ عِندِي وَلَا تَقۡرَبُونِ ﴿٦٠﴾
وئه‌گه‌ر هوين وى بۆ من نه‌ئينن هه‌وه چو قويت ل نك من نينه ئه‌ز بۆ هه‌وه بپيڤم، وئێدى نه‌ئێنه نك من.
قَالُواْ سَنُرَٰوِدُ عَنۡهُ أَبَاهُ وَإِنَّا لَفَٰعِلُونَ ﴿٦١﴾
وان گۆت: ئه‌م دێ خۆ وه‌ستينين دا بابێ وى قانع بكه‌ين كو ئه‌و وى د گه‌ل مه بهنێرت، وئه‌م چو ته‌خسيرییێ د وێ چه‌ندێ دا ناكه‌ين.