قورئانا پیرۆز › سورەتا يوسف › ئایەتا ٦
سورەتا يوسف · ئایەتا ٦ ب تەفسیرا کوردی
Yusuf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِذۡ قَالَ يُوسُفُ لِأَبِيهِ يَـٰٓأَبَتِ إِنِّي رَأَيۡتُ أَحَدَ عَشَرَ كَوۡكَبٗا وَٱلشَّمۡسَ وَٱلۡقَمَرَ رَأَيۡتُهُمۡ لِي سَٰجِدِينَ ﴿٤﴾
تو -ئه‌ى پێغه‌مبه‌ر- بۆ ملله‌تێ خۆ گۆتنا يووسفى بێژه ده‌مێ وى گۆتییه بابێ خۆ: هندى ئه‌زم من د خه‌ونێ دا دديت يازده ستێران، وڕۆژ وهه‌يڤێ ژى خۆ بۆ من دچه‌ماندن. وئه‌ڤ خه‌ونه بۆ يووسفى مزگينییه‌ك بوو ب وێ پێكا بلند يا ئه‌و د دنيايێ وئاخره‌تێ دا دێ گه‌هتێ.
قَالَ يَٰبُنَيَّ لَا تَقۡصُصۡ رُءۡيَاكَ عَلَىٰٓ إِخۡوَتِكَ فَيَكِيدُواْ لَكَ كَيۡدًاۖ إِنَّ ٱلشَّيۡطَٰنَ لِلۡإِنسَٰنِ عَدُوّٞ مُّبِينٞ ﴿٥﴾
يه‌عقووبى سلاڤ لێ بن گۆته كوڕێ خۆ يووسفى: ئه‌ى كوڕكێ من، تو ڤێ خه‌ونا خۆ بۆ برايێن خۆ نه‌بێژه؛ دا ئه‌و حه‌سويدییێ ب ته نه‌به‌ن، ودوژمناتییا ته نه‌كه‌ن، وپيلانگێڕییێ دژى ته نه‌كه‌ن كو ته تێ ببه‌ن، هندى شه‌يتانه ئه‌و بۆ مرۆڤى دوژمنه‌كێ ئاشكه‌رايه.
وَكَذَٰلِكَ يَجۡتَبِيكَ رَبُّكَ وَيُعَلِّمُكَ مِن تَأۡوِيلِ ٱلۡأَحَادِيثِ وَيُتِمُّ نِعۡمَتَهُۥ عَلَيۡكَ وَعَلَىٰٓ ءَالِ يَعۡقُوبَ كَمَآ أَتَمَّهَا عَلَىٰٓ أَبَوَيۡكَ مِن قَبۡلُ إِبۡرَٰهِيمَ وَإِسۡحَٰقَۚ إِنَّ رَبَّكَ عَلِيمٌ حَكِيمٞ ﴿٦﴾
وكانێ چاوا خودایێ ته ئه‌ڤ خه‌ونه نيشا ته دا وه‌سا ئه‌و دێ ته هلبژێرت وزانينا ته‌عبيرا خه‌ونێن مرۆڤان نيشا ته ده‌ت، وئه‌و دێ قه‌نجییا خۆ ل سه‌ر ته و ل سه‌ر بنه‌مالا يه‌عقووبى ب پێغه‌مبه‌رينییێ پێك ئينت، كانێ چاوا وى قه‌نجییا خۆ ب پێغه‌مبه‌رينییێ ل سه‌ر هه‌ردو بابێن ته ئيبراهيم وئيسحاقى به‌رى نوكه پێك ئينابوو. هندى خودايێ ته‌يه يێ پڕزانايه ب وى يێ ئه‌و هلبژێرت ژ به‌نییێن خۆ، يێ كاربنه‌جهه د ڕێڤه‌برنا كارێ به‌نییێن خۆ دا.
۞لَّقَدۡ كَانَ فِي يُوسُفَ وَإِخۡوَتِهِۦٓ ءَايَٰتٞ لِّلسَّآئِلِينَ ﴿٧﴾
ب ڕاستى د سه‌رهاتییا يووسف وبرايێن وى دا عيبره‌ت وده‌ليل ل سه‌ر شيان وكاربنه‌جهییا خودێ هه‌بوون بۆ وى يێ پسيارا سه‌رهاتییێن وان بكه‌ت، وحه‌ز بكه‌ت سه‌رهاتییا وان بزانت.
إِذۡ قَالُواْ لَيُوسُفُ وَأَخُوهُ أَحَبُّ إِلَىٰٓ أَبِينَا مِنَّا وَنَحۡنُ عُصۡبَةٌ إِنَّ أَبَانَا لَفِي ضَلَٰلٖ مُّبِينٍ ﴿٨﴾
ده‌مێ برابابێن يووسفى د ناڤبه‌را خۆ دا گۆتى: هندى يووسف وبرايێ وى يێ دايبابینه ئه‌و ل نك بابێ مه ژ مه خوشتڤيترن، ئه‌و وان هه‌ردووان ب پێش مه دئێخت، وئه‌م كۆمه‌كا خودان هێز وهژمارين، هندى بابێ مه‌يه يێ د خه‌له‌تییه‌كا ئاشكه‌را دا كو بێ ئه‌گه‌ره‌كا دورست یا ئه‌م بزانین ئه‌و وان هه‌ردووان ب سه‌ر مه دئێخت.