قورئانا پیرۆز › سورەتا يوسف › ئایەتا ٧١
سورەتا يوسف · ئایەتا ٧١ ب تەفسیرا کوردی
Yusuf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَمَّا دَخَلُواْ عَلَىٰ يُوسُفَ ءَاوَىٰٓ إِلَيۡهِ أَخَاهُۖ قَالَ إِنِّيٓ أَنَا۠ أَخُوكَ فَلَا تَبۡتَئِسۡ بِمَا كَانُواْ يَعۡمَلُونَ ﴿٦٩﴾
وده‌مێ برايێن يووسفى ب ژۆر كه‌فتينه مه‌زه‌لا مێڤانان وبرايێ وى يێ دايبابى د گه‌ل وان دا بوو، يووسفى برايێ خۆ يێ دايبابى بره نك خۆ، و ب نهێنى ڤه گۆتێ: هندى ئه‌زم ئه‌ز برايێ ته‌مه ڤێجا تو غه‌مگين نه‌به، و ژ به‌ر وى كارێ وان به‌رێ ئينايه سه‌رێ من تو ب خه‌م نه‌كه‌ڤه. ووى فه‌رمان لێ كر كو ئه‌و ڤێ چه‌ندێ نه‌بێژته وان.
فَلَمَّا جَهَّزَهُم بِجَهَازِهِمۡ جَعَلَ ٱلسِّقَايَةَ فِي رَحۡلِ أَخِيهِ ثُمَّ أَذَّنَ مُؤَذِّنٌ أَيَّتُهَا ٱلۡعِيرُ إِنَّكُمۡ لَسَٰرِقُونَ ﴿٧٠﴾
ڤێجا ده‌مێ يووسفى قويت دايه وان، وبارێ حێشترێن وان داگرتى، وى فه‌رمان ل خزمه‌تكارێن خۆ كر كو ئه‌و وى ترارى يێ وى قويت بۆ خه‌لكى پێ دپيڤا بكه‌نه د ناڤ بارێ برايێ وى (بنيامينى) دا بێى كه‌سه‌ك پێ بحه‌سيێت، وپشتى ئه‌و سوياربووين دا بده‌نه ڕێ بانگهلدێره‌كى گازى كر: ئه‌ى خودانێن ڤان حێشترێن باركرى، هوين دزيكه‌رن.
قَالُواْ وَأَقۡبَلُواْ عَلَيۡهِم مَّاذَا تَفۡقِدُونَ ﴿٧١﴾
كۆڕێن يه‌عقووبى ب نك وى گازيكه‌رى ڤه هاتن وگۆتنێ: هوین ل چ دگه‌ڕیێن؟
قَالُواْ نَفۡقِدُ صُوَاعَ ٱلۡمَلِكِ وَلِمَن جَآءَ بِهِۦ حِمۡلُ بَعِيرٖ وَأَنَا۠ بِهِۦ زَعِيمٞ ﴿٧٢﴾
وى بانگهلدێرى د گه‌ل مرۆڤێن ئاماده گۆتن: ئه‌م يێ ل وى ترارى دگه‌ڕيێين يێ مه‌لك پيڤانێ پێ دكه‌ت، وهه‌چییێ وى ترارى بينت بارێ حێشتره‌كێ ژ گه‌نمى بۆ وى هه‌يه، وگازيكه‌رى گۆت: وئه‌ز ب دانا وى بارێ گه‌نمى كه‌فيلم.
قَالُواْ تَٱللَّهِ لَقَدۡ عَلِمۡتُم مَّا جِئۡنَا لِنُفۡسِدَ فِي ٱلۡأَرۡضِ وَمَا كُنَّا سَٰرِقِينَ ﴿٧٣﴾
برايێن يووسفى گۆت: ب خودێ هوين دزانن وهه‌وه ديت كو ئه‌م نه‌هاتينه عه‌ردێ (مصرێ) دا خرابكارییێ تێدا بكه‌ين، ونه ژ سالۆخه‌تێن مه‌يه ئه‌م دزیكه‌ر بین.